ភ្នំពេញ៖តារាចម្រៀងតាមស្កាយបា និងយូធូប លោកសួ វិចិត្រ បានក្លាយទៅជាអ្នកចម្រៀងសមាជិកថ្មីរបស់ហង្សមាសដោយកុងត្រាជាមួយផលិតកម្មធំនេះរយៈពេល៥ឆ្នាំ(២០២២-២០២៧)។សំណួរដែលមមាជនបានលើកឡើងថាតើសម្ថភាពរបស់សួ វិចិត្រ នឹងអាចដណ្ដើមភាពលេចធ្លោនៅហង្សមាសបានកម្រិតណាទៅ ព្រោះថាបច្ចុប្បន្នតារាហង្សមាសខ្លះបានពានហើយខ្លះក៍ស្ងប់ស្ងាត់ទៅវិញ ខណៈដែលអ្នកចម្រៀងល្បីជាងគេនៅហង្សមាសក្រោយកំពូលតារាចម្រៀងព្រាប សុវត្ថិ ដើរចេញនោះគឺបច្ចុប្បន្នបានធ្លាក់ទៅលោកឧកញ៉ាខែម ប៊ុនថៃ …។ចំណែកមតិខ្លះទៀតថាហង្សមាសជ្រើសតារាកាន់តែច្រើនមកគជើងគ្នា តែហេតុអ្វីបានជាផលិតកម្មធំនេះរើសបានហើយមិនសូវធ្វើបទចម្រៀងឲ្យច្រៀងទៅវិញ?
អ្នកជំនាញធ្វើភ្លេង(Composer)ម្នាក់នៅហង្សមាសបានប្រាប់”នគរធំ”តាមទូរស័ព្ទកាលពីពេលថ្មីៗនេះដោយមិនឲ្យដាក់ឈ្មោះថាការដែលសួ វិចិត្រ លើកពានBeat The Best នៅរដូវកាលទី១នេះមហាជនពេញចិត្តច្រើន ព្រោះអ្នកមិនត្រូវចិត្តមានតែតិចតួចប៉ុណ្ណោះ ដោយសារតែគេបានឃើញថាវិចិត្រ មានប្រជាប្រិយភាពម្នាក់ទើបបានគេបោះឆ្នោតឲ្យឈ្នះ។យ៉ាងណាការនិយាយមុនថាវិចិត្រ នឹងល្បីកម្រិតណានោះនៅលើការធ្វើបទចម្រៀងហើយទស្សនិកជនគាំទ្រ ។លោកបន្ថែមថាជាទូទៅមិនថាតែហង្សមាសនោះទេផលិតកម្មណាក៍ដូចគ្នាដែរគឺចង់បានតារាចម្រៀងអាយុ១៧ឬ១៨ឆ្នាំ ព្រោះការប្រូម៉ូតឲ្យតារាណាម្នាក់ល្បីឬអត់នោះត្រូវការពេលវេលា៥ឆ្នាំអីចឹងបើអាយុ១៧ឆ្នាំមានន័យថាអាយុ២២ឆ្នាំគេនឹងល្បី។ប៉ុន្ដែលោកសួថាចុះម៉េចបានហង្សមាសយកសួ វិចិត្រ អាយុ២៨ឆ្នាំនោះគឺដោយសារតែមហាជនបោះឆ្នោតគាំទ្រឲ្យគេតាំងពីដើមរហូតមកព្រោះគេយល់ថាបេក្ខភាពរូបនេះមានសម្ថភាពសាកសមកាន់ពាន។
ដោយឡែកទាក់ទងរឿងការលើកឡើងថាហេតុអ្វីម្ចាស់ពាននៅហង្សមាសទាំងឡាយមិនសូវមានបទចម្រៀងច្រៀងរហូតលោកដួង វីរៈសិទ្ធ ជាម្ចាស់ពានពានI Am A Singer Cambodia រដូវកាលទី១រត់ចេញទៅរាម នោះត្រូវបានគ្រូភ្លេងរូបនោះថាមិនមែនគេយកមកទុកចោលទេ ប៉ុន្ដែដោយសារតែតារាចម្រៀងហង្សមាសមានច្រើនហេតុនេះហើយការធ្វើបទត្រូវវិលជុំគឺមានគេមានយើងអីចឹងហើយ។លោកបន្ថែមថាហង្សមាសមានទូរទស្សន៍ និងរៀបចំConcerts ជាច្រើនអីចឹងមានការងារឲ្យតារាៗរបស់គេធ្វើមិនទំនេរនោះទេ។អ្នកជំនាញសិល្បៈរូបនោះក៍បានលើកឡើងដែរថាសួ វិចិត្រ មានសម្ថភាពមិនចាញ់ម្ចាស់ពានThe Voice Cambodia រដូវកាលទី១លោកប៊ុត សីហា ឡើយ ពិសេសអាចច្រៀងបទប្រភេទដូចឆាយ វីរៈយុទ្ធ បានល្អទៀតផង។
សួ វិចិត្រ បានក្លាយទៅជាម្ចាស់ពានដែលហង្សមាសជ្រើសបានពីកម្មវិធីប្រលងចម្រៀងរបស់ពួកគេមានដូចជាប៊ុត សីហា ,នី រតនា,ថែល ថៃ ,ឈិន ម៉ានិច្ច ,គ្រី ថៃពៅ និងចាន់ សុបញ្ញា ។ប៉ុន្ដែក្នុងចំណោមនោះប៊ុត សីហា ត្រូវបានហង្សមាសបញ្ចប់កុងត្រាមុនកំណត់ក្រោយលោកមានពាក់ព័ន្ធករណីសេពគ្រឿងញៀន៕