ភ្នំពេញ៖ព្រាប សុវត្ថិ បានចេញច្រៀងសម្ដែងទាំង៣ថ្ងៃជាប់គ្នានៅថ្ងៃបុណ្យចូលឆ្នាំខ្មែរ(១៤,១៤ និង១៦មេសា) ខណៈដែលគេកត់សម្គាល់ថានៅឆាកខ្លះលោកបានលើកយកបទចម្រៀងនៅហង្សមាសទៅច្រៀងសម្ដែងឡើងវិញ ច្រើនជាងបទនៅGalaxy។អ្វីដែលគូរឲ្យកត់សម្គាល់ឆ្នាំនេះលោកស្នាយ កាន់តែប្រែប្រួលនិងប្លែកជាងឆ្នាំមុនៗគឺក្រោយពីសម្រាកច្រៀងសម្ដែងលោកនិងកូនៗបានកាន់កាំភ្លើងចេញបាញ់ទឹកដាក់Fanផ្អើលពេញក្រុងសៀមរាបតែម្ដង។អ្នកគាំទ្ររបស់កំពូលតារាចម្រៀងរូបនេះបានបង្ហាញភាពស្និតស្នាលកាន់តែខ្លាំងជាមួយលោកសុវត្ថិ ដូចជាការថតSelfie ជាដើម ខណៈដែលពិធីការិនីហង្សមាសអ្នកនាងរស់ សុធាវី ខមិនថា”Idol បាញ់ទឹកក៍ពិរោះដែរ”។
ក្រឡេកមកមកមើលតារាចម្រៀងសំនៀងផ្អែមមាស សុខសោភា វិញក៍មិនខុសពីលោកព្រាប សុវត្ថិ ដែរដោយនាងជាប់ច្រៀងសម្ដែង៣ថ្ងៃជាប់គ្នាសម្រាប់ពិធីបុណ្យចូលឆ្នាំខ្មែរនេះហើយពេលទំនេរពីច្រៀងរាំសោភា បាននាំប្ដីកាន់កំាំភ្លើងជ័របាញ់ទឹកផ្អើលអស់Fan ទាំងឡាយដោយមានខ្លះទៅប៉ាតម្សៅនិងចាប់អោបថើបនាងកណ្ដាលហ្វូងមនុស្សទៀតផង។សោភា ដែលទទឹកខ្លួនជោគនោះរីករាយខ្លាំងណាស់ព្រោះថាមានអ្នកគាំទ្រនាងជាច្រើនបានបង្ហាញភាពស្និតស្នាលនិងថតរូបSelfie ជាមួយនាងប្រកបដោយក្ដីស្រលាញ់។
ក្រៅពីព្រាប សុវត្ថិ និងមាស សុខសោភា គេឃើញតារាមួយចំនួនទៀតនៅឆ្នាំនេះក៍ចាប់ផ្ដើមយុទ្ធនាការកាន់កាំភ្លើងបាញ់ទឹងផងដែរ ស្របពេលដែលស្រីស្អាតសុខ ពិសី វិញនាងត្រូវបានFan ចាប់ប៉ាតម្សៅមើលមុខសឹងតែមិនស្គាល់ឡើយ។
គូរបញ្ជាក់ថាលោកព្រាប សុវត្ថិ បានដើរចេញពីហង្សមាសចូលGalaxy រយៈពេលជាង១ឆ្នាំទៅហើយដែលមជ្ឈដ្ឋានមហាជនមើលឃើញថាបទចម្រៀងរបស់លោកនៅផលិតកម្មថ្មីមិនសូវមានគុណភាពដូចនៅហង្សមាសនោះទេ។ចំណែកមាស សុខសោភា វិញក៍ចេញពីថោន ចូលរាម បានជាង១ឆ្នាំដែរហើយពេលនេះនាងមិនខុសពីលោកសុវត្ថិ ដែរគឺនៅទ្រឹងព្រោះមិនទាន់មានបទផ្ទុះខ្លាំងដូចមុន។យ៉ាងណាទាំងលោកសុវត្ថិ និងសោភា នៅតែត្រូវបានគេចាត់ទុកថាជាកំពូលតារាចម្រៀងហើយបើតារាទាំងពីរចាប់ដៃគូគ្នានោះច្បាស់ជាគ្មានតារាណាអាចផ្ដួលបានឡើយ៕