ភ្នំពេញ៖តារាចម្រៀងកូន១សួស វីសា បានប្រារពខួបកំណើតរបស់ខ្លួនវ័យ៣០ក្រាស់កាលពីថ្ងៃទី២០ខែមេសា ដោយភ្ញៀវដែលចូលរួមមានតែក្រុមគ្រួសារនិងអ្នកជិតដិតប៉ុណ្ណោះមិនមានតារារួមអាជីពទៅសាទរឡើយ។ប៉ុន្ដែគេឃើញពេជ្រ សោភា ក៍បានផ្ញើរសារទៅជូនពរនាងដែរ ខណៈដែលFan របស់វីសា វិញក៍បានជូនពរនាងតាមបណ្ដាញសង្គមជាច្រើន។អ្វីដែលគូរឲ្យចាប់អារម្មណ៍នៅថ្ងៃខួបរបស់វីសា ទោះជានាងមិនបានបង្ហាញថាទទួលបានកាដូអ្វីខ្លះពីស្វាមីនាងលោកថមមី មែន តែប្ដីតារាចម្រៀងរូបនេះបានចាប់អើបថើបនាងថ្នមៗដោយក្ដីស្រលាញ់ពេញបេះដូងនៅចំពោះមុខភ្ញៀវទាំងឡាយដែលបានចូលរួម។ចំណែកវីសា វិញថាខួបនាងឆ្នាំនេះគឺមានន័យបំផុតសម្រាប់នាងព្រោះបានជួបជុំនុស្សជាទីស្រលាញ់។
សួស វីសា បានចាប់ដៃលោកប៊ុនថុល ប៊ុនថង ហៅថមមី រយៈពេលជាង២ឆ្នាំមកហើយដែលគេកត់សម្គាល់ថាក្រោយមានស្វាមីមកជីវិតអតីតតារាចម្រៀងRock ដែលធ្លាប់រស់នៅបន្ទប់ជួលក្បែរស្ដុបណូគារូបនេះប្រែប្រួលស្ទើតែទាំងស្រុងដោយនាងរស់នៅផ្ទះវីឡារយ៉ាងប្រណិតនិងជិះរថយន្ដទំនើបៗដូចជាLexus Lx570 ,Lexus Nx200t Alphard និងMazda ជាដើម។គូស្នេហ៍តារា១គូនេះក៍ត្រូវបានគេមើលឃើញថាមានមុខជំនួញនៅខាងក្រៅសិល្បៈជាច្រើនផងដែរដូចជាការកស៊ីផ្នែកអចលនទ្រព្យ ហើយវីសា ក៍កាន់តែតែខិតកៀកទៅការរកស៊ីធំជាមួយថៅកែពេជ្រម្នាក់ទៀតផង។
តែបើក្រឡេកមើលអាជីពសិល្បៈវិញវីសា ក៍មិនខុសពីតារាមួយចំនួនទៀតដែលមានស្វាមីនិងកូនដែរពោលគឺនៅទ្រឹងហើយពិបាកទប់ទល់ជាមួយរលកក្រោយ។ប៉ុន្ដែតារាចម្រៀងមកពីខេត្តស្វាយរៀងរូបនេះត្រូវបានថៅកែហង្សមាសទុកចិត្តប្រគល់តំណែងធំឲ្យនាងធ្វើជាគ្រូបង្វឹកThe Voice Kids Cambodia រដូវកាលទី២ជំនួសសុគន្ធ និសា ទើបធ្វើឲ្យមានក្រេឌីតស្ថិតក្នុងចំណោមតារាស្រីសំខាន់ៗរបស់ហង្សមាស។ប៉ុន្ដែបំណងធំដែលវីសា ចង់បានលេខរៀងទី២បន្ទាប់ពីឱក សុគន្ធកញ្ញា នោះប្រហែលជាមិនអាចទៅរួចនោះទេ ព្រោះថាពេលនេះពេជ្រ សោភា នៅតែរក្សារលំនឹងបានល្អ ខណៈដែលស្រីស្អាតរ៉េត ស៊ូហ្សាណា កំពុងតែបោះពួយទៅមុខជាលំដាប់។រឿងដែលវីសា កាន់តែពិបាកប្រជែងទីផ្សារចម្រៀងថែមទៀតនោះគឺក្រោយមានសា្វមីនិងកូនស្រី១អាយុជាង១ឆ្នាំនេះនាងហាក់ឡើងគីឡូជាងមុនពោលគឺដូចឱក សុគន្ធកញ្ញា ដែរហើយបើមិនប្រញ៉ាប់សម្រកជាបន្ទាន់ទេនោះគឺប្រឈមហានិភ័យជាមិនខាន៕
