ភ្នំពេញ៖តារាលេងក្បាច់រាំយូរី ហាក់ឡើងកូដបន្ដិចនៅថ្ងៃបុណ្យចូលឆ្នាំខ្មែរព្រោះបទចម្រៀង”រាំតោង”របស់នាងមានការពេញនិយមច្រើនគូសមទាំងនៅលើបណ្ដាញសង្គម និងមិត្តយុវវ័យទើបធ្វើឲ្យស្រីស្រស់មានទឹកមាត់លេបឡើងវិញ។ចំណែកឯរូបសម្រស់វិញគេក៍ឃើញយូរី ថែស្បែកកាន់តែសខ្ចីម៉ដខៃរលើបរលោងគូឲ្យចង់ស្ទាបអង្អែលក្រោយនាងបានចែកផ្លូវជាមួយលោកថៅកែជា នី រយៈពេលជាង១ឆ្នាំមកនេះ បើទោះជាភាគច្រើនស្រីស្រស់តែងតែបង្ហាញអារម្មណ៍ហាក់ឯកកោព្រោះគ្មានគូបណ្ដើរដូចគេហើយទៅណាតែម្នាក់ឯងក្ដី។ប៉ុន្ដែគេជឿរថាតារាសាច់ដូចបណ្ដូលចេកដូចយូរី ច្បាស់ជារកបានម្ចាស់ចិត្តថ្មីមកស្អំរបួសបេះដូងឆាប់ៗជាមិនខាន ព្រោះតាមព័តមានថាក្រោយចែកផ្លូវជាមួយថៅកែ មិនបានប៉ុន្មានថ្ងៃផងពេលនេះស្រីស្អាតមានប្រុសចោមស្នេហ៍កាន់តែច្រើនទៅៗដែលធ្វើឲ្យនាងពិបាកសម្រេចចិត្តជ្រើសរើសទៀតផង។
សេន យូរី ត្រូវបានគេចាត់ទុកថានាងស្ថិតក្នុងចំណោមតារាដែលហាក់មិនសមប្រកបរឿងស្នេហានោះទេព្រោះកំពុងតែផ្អែមល្ហែមជាមួយសង្សារក៍បែកបាក់ទាំងមិននឹកស្មានដល់។កាលពីថ្ងៃទី១១ខែវិច្ឆិការឆ្នាំ២០១៨ អតីតសង្សាររបស់នាងលោករ៉េត បានរៀបការប្រពន្ធចោលតារារូបស្រស់នេះទាំងក្ដៅចិត្តថាយូរី បង្កាត់ស្នេហាជាមួយប្រុសក្មេងលោកប៊ីម៉ូ។ប៉ុន្ដែអ្វីដែលមិនគូឲ្យនឹកស្មានយូរី ដែលជាដៃគូដ៍សាកសមបំផុតជាមួយប៊ីម៉ូ ទាំងក្នុងនិងក្រៅឆាកនោះបែជាលែងច្រៀងសម្ដែងជាមួយគ្នាអំឡុងពេលដែលអតីតតារាRock និងសាន់ដេរូបនេះស្និតស្នេហ៍លោកថៅកែជា នី។អ្នកខ្លះបានចាត់ទុកថាយូរី ពេលនេះ”ត្រីរ៉ស់ក៍រួច ទន្សាយក៍រួច”ព្រោះទំនាក់ទំនងនាងជាមួយប៊ីម៉ូ មិនដូចដើម ខណៈដែលលោកជា នី អស់និស្ស័យស្នេហ៍កណ្ដាលទី។យ៉ាងណាយូរី នឹងបើកបេះដូងទទួលយកស្នេហ៍ថ្មីនាពេលដ៍ខ្លីខាងមុខនេះជាមិនខាន ហេតុនេះហើយមិនយូទេតារាលេងសម្រស់រូបនេះ អាចនឹងលេងមួយក្បាច់ឲ្យអតីតសង្សារភ្លឺភ្នែកជាមិនខានតាមរយៈការភ្ជាប់ស្នេហ៍ថ្មីជាចំហ ដែលបុរសនោះមិនដូចអ្នកចាស់។
គូរបញ្ជាក់ថាយូរី ដែលធ្លាប់តែត្រូវបានថៅកែជូននាងតាមរថយន្ដទៅច្រៀងគ្រប់ឆាកតន្រ្ដីនោះពេលនេះនាងបានទិញរថយន្ដនិងកាន់ចង្កូតដោយខ្លួនឯង ហើយតាមព័តមានថាតារាមានមានស្នេហ៍មិនធម្មតារូបនេះនិងលោកថៅកែព្យាយាមដើរគេចមុខគ្នារៀងៗខ្លួនទៀតផង។ប៉ុន្ដែអ្នកទាំងពីរមិនដែលចេញមុខទម្លាយមូលហេតុដែលធ្វើឲ្យពួកគេចែកផ្លូវគ្នាមុនរៀបការនេះឡើយ៕
