ភ្នំពេញ៖ពេជ្រ សោភា បានចែកផ្លូវជាមួយសង្សារបណ្ដូលចិត្តលោកឆឹម សក្កដា រយៈពេល៤ខែទៅហើយ ខណៈដែលគ្រាន់តែបែកគូស្នេហ៍ចាស់ភ្លាមសោភា រកបានគូស្នេហ៍ថ្មីភ្លែតដែលបុរសនោះសង្ហារមិនចាញ់លោកសក្កដា នោះទេ។ប៉ុន្ដែដូចពាក្យគេថាអ្នកថ្មី មិនដូចអ្នកចាស់ ឬឆ្នាំងចាស់បាយឆ្ងាញ់នោះមិនខុសឡើយ ព្រោះថាតាំងពីមានសង្សារថ្មីមកសោភា បានបណ្ដើរគ្នាជាចំហតែម្ដងគត់នោះគឺនៅថ្ងៃឆ្លងឆ្នាំសកល២០២១ ឈានចូល២០២២ ដែលពួកគេគេនាំគ្នាទៅកៀកកើយនៅសៀមរាប។តែតាំងពីខែមករាដល់មេសា នេះសោភា និងប្រុសរូបសង្ហារដែលនាងចាត់ទុកថាជាព្រះយេស៊ូគ្រិស្ដប្រទានឲ្យនាងជួបគ្នានោះមិនដែលបង្ហាញភាពផ្អែមល្ហែមស្នេហ៍ម្ដងណាឡើយ ទើបធ្វើឲ្យចំណងស្នេហាប្រែទៅជាក្រៀមក្រំរហូតពិបាកសន្និដ្ឋានថាពួកគេនឹងអាចកាន់ដៃគ្នាបានយូប៉ុណ្ណាទៀតផង ព្រោះថាសូម្បីតែសោភា ឈឺក៍បុរសរូបនោះមិនបានបង្ហាញការយកចិត្តទុកដាក់ទៅមើលថែនាងដូចលោកសក្កដា ដែលធ្លាប់ធ្វើលើតារាវ័យ៣៨ឆ្នាំកន្លងមកឡើយ។
ដោយឡែកលោកឆឹម សក្កដា សង្សារចាស់សោភា វិញបានប្រាប់អ្នកយកព័តមានយើងថ្មីៗនេះថាលោកមិនហ៊ានរំខានក្ដីសុខរបស់សោភា ឡើយតែសុខៗបែជាមានរឿងបែបនេះសួរថាប្រុសណាទៅដែលមិនខូចចិត្ត?លោកសក្កដា ថាចំពោះការរាប់អានរវាងលោកនិងសោភា មិនដូចមុននោះទេ ហើយលោករងចាំស្ទង់មើលថាបើសិនជារូបលោកនៅតែរាប់អានសោភា តើប៉ៈពាល់ដល់អារម្មណ៍អ្នកថ្មីឬអត់ តែបើគេមិនពេញចិត្តព្រោះដូចជាលោកចូលទៅរំខានគេនោះ ដាច់ខាតលោកមិនធ្វើនោះទេ។លោកសក្កដា មិនត្រឹមតែថាមានអារម្មណ៍ខូចចិត្តរឿងសោភា មានថ្មីនោះទេ តែលោកបានដាក់គោលដៅជីវិតថាដាច់ខាតពេលរកសង្សារថ្មីគឺលោកត្រូវតែយកអ្នកនៅក្រៅសិល្បៈវិញម្ដងហើយគឺមិនចង់ឈឺផ្សារដូចមុនទៀតទេ។
ចំពោះពេជ្រ សោភា នាងមានអារម្មណ៍មិនទាន់ច្បាស់លាស់ជាមួយសង្សារថ្មីឡើយ ព្រោះម្ដងថាចង់រៀបការ តែជូនកាលនាងថាធ្លាប់រៀបការម្ដងរួចទៅហើយ អីចឹងមិនចង់រៀបការជាលើកទី២នោះទេ។
សូមបញ្ជាក់ថាពេជ្រ សោភា ត្រូវបានគេចាត់ទុកថានាងជាតារាដែលមានអ្វីៗគ្រប់យ៉ាងដែលនាងធ្លាប់ប៉ងចង់បានទាំងអស់នៅឆ្នាំ២០២២ នេះដូចជាផ្ទះធំ,រថយន្ដទំនើបៗ និងប្រើប្រាស់សម្ភារៈម៉ាកប្រេនល្បីៗពីបរទសដែលតារាផ្សេងៗទៀតមិនអាចធ្វើបានដូចនាង។តែសោភា នៅខ្វះតែម្យាងគត់នោះគឺគូជីវិត ហេតុនេះហើយបើនាងរក្សារស្នេហាថ្មីបានគង់វង្សនោះអ្នកទាំងឡាយដែលថាសោភា ជោគជ័យតែការងារសិល្បៈតែរឿងស្នេហាមិនសូវសមប្រកបនោះនឹងស្ងាត់ទៅវិញបន្ដិចម្ដងៗជាមិនខាន៕