ភ្នំពេញ៖ឱក សុគន្ធកញ្ញា បានចេញមកវិញក្នុងតំណែងជាគណៈកម្មាការCambodian Idol រដូវកាលទី៤ ដែលមានស្វាមីនាងជាអ្នកគ្រប់គ្រងហើយច្បាស់ណាស់ថាតារាកូន១នៅតែត្រូវបានគេមើលឃើញថានាងមានព្រលឹងជាងមុនដដែល ទោះជាញឹកញាប់សុគន្ធកញ្ញា ព្យាយាមហាត់ប្រាណយ៉ាងណាក៍ដោយ។អ្វីដែលគូរឲ្យចាប់អារម្មណ៍ផងដែរសុគន្ធកញ្ញា ដែលត្រូវបានគេមើលឃើញថាទីផ្សារចម្រៀងនាងមិនសូវមានសន្ទុះខ្លាំងក្លាដូចកាលនៅលីវនោះ តែនាងនៅរក្សារបានតួនាទីក្នុងស្ពតពាណិជ្ជកម្មធំៗដូចមុនដដែល ទើបធ្វើឲ្យនាងមានប្រាក់ចំណូលពីសិល្បៈនៅតែថេ និងនាំឲ្យតារាផ្សេងញញើតជាមួយនាង។ដោយឡែកមជ្ឈដ្ឋានមហាជនមើលឃើញថាសុគន្ធកញ្ញា ត្រូវបានស្វាមីនាងការពារទាំង២ច្រកតែម្ដង ដើម្បីរក្សារលំនឹងភរិយារបស់លោកនោះគឺតំណែងធំៗនៅហង្សមាសជាគណៈកម្មាការ និងគ្រូបង្វឹកគឺនាងទទួលបានច្រើនជាងតារាផ្សេងៗទៀត ខណៈដែលស្ពតពាណិជ្ជកម្មធំៗក៍លោកសុខលី នៅឈពីក្រោយខ្នងសុគន្ធកញ្ញា ដែរ។ប៉ុន្ដែកន្លងមកមានតារារួមដំបូលហង្សមាសបានចេញមុខការពារសុគន្ធកញ្ញា ថាការចាប់បានស្ពតពាណិជ្ជកម្មទាំងឡាយរបស់សុគន្ធកញ្ញា នោះគឺនៅលើក្រុមហ៊ុនគេចុចយកឈ្មោះនាងមិនមែនលោកសុខលី ជាអ្នកកំណត់និងតម្រូវឲ្យគេយកតែប្រពន្ធលោកនោះឡើយ។
ឱក សុគន្ធកញ្ញា បានបង្ហាញការប្រឹងប្រែងស្ដារមុខមាត់ឡើងវិញក្រោយបន្ធូដៃជាច្រើនខែតាំងពីពពោះនិងបន្ទាប់ពីសម្រាលកូន ខណៈដែលនាងក៍ក្លាហានហ៊ានលេងឈុតស្រលាញ់គ្នាជាមួយសុខ ស្រីនាង (lesbian)តាមរយៈខ្សែរឿង”ស្នេហាខ្ញុំ ផ្លូវ២”ដែលធ្វើឲ្យក្រុមស្រីស្រលាញ់ស្រីជ្រួលច្របល់អស់។ប៉ុន្ដែស្វាមីសុគន្ធកញ្ញា ហាក់មិនក្វល់ក្វាយបារម្ភរឿងភរិយារបស់លោកជាប់ចិត្តជាមួយស្រីនាង មែនទែនឡើយ ហើយថ្មីៗនេះលោកសុខលី ថែមទាំងបង្ហាញការស្រលាញ់ចំពោះក្រុមគ្រួសារសុគន្ធកញ្ញា ពិសេសម្ដាយក្មេករបស់លោកអ្នកស្រីអ៊ិន ថាច ដូចម្ដាយរបស់លោកដែរនៅថ្ងៃបុណ្យទិវាម្ដាយ(Mother’s Day)ដែលធ្វើឲ្យសុគន្ធកញ្ញា កាន់តែបមានភាពកក់ក្ដៅថែមទៀត។
អ្នកសិល្បកររួមអាជីពនៅតែចាត់ទុកថាឱក សុគន្ធកញ្ញា ជាតារាដែលជោគជ័យទាំងអាជីពសិល្បៈ និងស្នេហានៅឆ្នាំ២០២២ នេះហើយអ្វីដែលតារាកូន១ធ្វើបាននោះគឺស្វាមីរបស់នាងកាលនៅលីវធ្លាប់លេចឭថាមានស្រីស្នេហ៍ជាតារាស្អាតៗនោះស្រាប់តែពេលនេះលោកសុខលី ស្រលាញ់និងស្មោះស្ម័គ្រ តែភរិយារបស់លោកតែម្នាក់ប៉ុណ្ណោះដោយលោកប្អូនថៅកែហង្សមាសថែមទាំងហៅប្រពន្ធថាជា”ឧត្តមភរិយា”ទៀតផង។តាមព័តមានថាដើម្បីឲ្យប្ដីកាន់តែស្រលាញ់ថែមខ្លាំងថែមទៀតសុគន្ធកញ្ញា នឹងរៀបគម្រោងយកកូនទី២នាពេលដ៍ឆាប់ៗខាងមុខនេះ៕
