ខេត្តកំពង់ឆ្នាំង ៖ នាថ្ងៃសៅរ៍ ១០រោច ខែអាសាធ ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២៣ ខែកក្កដា ឆ្នាំ២០២២ ឯកឧត្ដម អ៊ុក ពញ្ញា សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាអនុប្រធានក្រុមការងារថ្នាក់កណ្តាល ចុះមូលដ្ឋានស្រុករលាប្អៀរ តំណាងដ៍ខ្ពង់ខ្ពស់ឯកឧត្តមបណ្ឌិតសភាចារ្យ អ៊ុក រ៉ាប៊ុន អនុប្រធានក្រុមការងារថ្នាក់កណ្តាល ចុះជួយខេត្តកំពង់ឆ្នាំង និងជាប្រធានក្រុមការងារថ្នាក់កណ្តាល ចុះជួយស្រុករលាប្អៀរ បានអញ្ជើញជាអធិបតីក្នុងពិធី សំណេះសំណាលជាមួយគណៈកម្មាធិការគណបក្សឃុំរលាប្អៀរក្រុមការងារថ្នាក់កណ្តាល ចុះមូលដ្ឋានឃុំរលាប្អៀរ និងចូលរួមកិច្ចប្រជុំផ្សព្វផ្សាយលទ្ធផលការងារបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តទី៥ ឆ្នាំ២០២២ និងលើកទិសដៅការងារបោះឆ្នោតជ្រើសរើសតំណាងរាស្រ្ត នីតិកាលទី៧ ឆ្នាំ២០២៣ នៅទីស្នាក់ការគណបក្សប្រជាជនកម្ពុជា ឃុំរលាប្អៀរ។
ក្នុងកម្មវិធីនេះ ក៏មានការចូលរួមពីឯកឧត្តម គឹម វាសនា ប្រធានក្រុមការងារថ្នាក់កណ្តាលចុះមូលដ្ឋានឃុំរលាប្អៀរ ព្រមទាំងសមាជិក សមាជិកា ក្រុមការងារ លោកសោម វឺន ប្រធានគណ:កម្មាធិកាបក្សស្រុក លោកប្រធាន គណ:កម្មាធិការបក្សឃុំ សាខាបក្សភូមិ សាលារៀន មណ្ឌលសុខភាព ប្រធានក្រុមបក្ស សកម្មជន ក្រុមប្រតិម្មរហ័ស ភ្នាក់ងារសង្កេតការណ៍របស់គណបក្សឃុំ និងបានឧបត្ថម្ភថវិកាមួយចំនួន ដល់សមាជិក សមាជិកា ចូលរួម និងក្រុមការងារឃុំផងដែរ៕
