ភ្នំពេញ៖ស្រីស្អាតរ៉េត ស៊ូហ្សាណា បានប្រារពខួបកំណើតគម្រប់អាយុ២៣ឆ្នាំ កាលពីថ្ងៃទី២៨ មករា ដោយនាងជ្រើសយកការទៅទៅជួបជុំកុមារកំព្រានៅមណ្ឌុលមួយ ហើយនាងវាចាថាស្នាមញញឹមលាយឡំទៅដោយទឹកភ្នែកព្រោះឃើញប្អូនៗមករាក់ទាក់នាងស្របពេលនាងមានអារម្មណ៍ថាចាស់១ឆ្នាំទៀតហើយ។ប៉ុន្ដែខុសពីតារារួមអាជីពដែលនៅថ្ងៃពិសេសនោះគេឃើញពួកគេតែងតែទទួលបានកាដូពីគូស្នេហ៍រៀងៗខ្លួន តែនាងស៊ូហ្សាណា វិញមិនបញ្ចេញឲ្យគេឃើញថានាងមានម្ចាស់បេះដូងយកផ្កាទៅជូន ឬត្រូវម្ចាស់ចិត្តជប់លៀងធំឲ្យឡើយ។
អ្វីដែលគូរឲ្យកត់សម្គាល់នោះស្រីស្អាតស៊ូហ្សាណា ដែលធ្លាប់ត្រូវបានគេសង្ស័យថានាងកំពុងពិសោធន៍ស្នេហ៍កូនកំលោះទី២លោកឧកញ៉ាព្រាប សុវត្ថិ គឺសុវត្ថិ មុនីនាគ ព្រោះតែពួកគេស្និតស្នាលគ្នាទាំងក្នុងនិងក្រៅឆាកនោះ ពេលនេះនៅថ្ងៃកំណើតនាងបែជាមុនីនាគ មិនទៅបង្ហាញខ្លួនសាទរនាងដោយផ្ទាល់ទៅវិញ ទើបធ្វើឲ្យគេសង្ស័យថាពួកគេមិនទាន់ច្បាស់ជាមួយគ្នានោះទេ ទោះជាសកម្មភាពទាំងឡាយមើលទៅហាក់លើសពីមិត្តភក្ដិរួមអាជីពធម្មតាក្ដី។
រ៉េត ស៊ូហ្សាណា ត្រូវបានឪពុកម្ដាយនាងតាមស្អិតគ្រប់ពេលវេលាទាំងអស់រយៈពេលជាង៧ឆ្នាំដែលនាងប្រឡូកក្នុងអាជីពចម្រៀងនេះទើបធ្វើឲ្យប្រុសៗចង់ឆ្មក់បេះដូងនាងដោយលេងផ្លូវកាត់ត្រូវបរាជ័យទាំងស្រុង ព្រោះសូម្បីតែទូរស័ព្ទក៍ម្ដាយនាងកាន់ដែរ។ប៉ុន្ដែក្នុងចំណោមបុរសទាំងនោះគឺមានតែសុវត្ថិ មុនីនាគ ប៉ុណ្ណោះដែលត្រូវបានឪពុកម្ដាយហ្សាណា មិនប្រឆាំងចំពោះភាពស្និតស្នាលរបស់ពួកគេទាំងពីរទាំងនៅក្នុងនិងក្រៅឆាកទើបធ្វើឲ្យFan ទាំងសងខាងជម្រុញឲ្យពួកគេធ្វើជាសង្សារគ្នាមែនទែនទៀតផង ខណៈដែលមុននេះលោកឧកញ៉ាព្រាប សុវត្ថិ បង្ហាញអារម្មណ៍ហាក់ចង់បានកូនប្រសារផងដែរដោយសួរនាំកូនៗខ្លះថាពេលណាទើបពួកគេយកសង្សារទៀតផង។
ចំពោះនាងហ្សាណា វិញនាងត្រូវបានគេចាត់ទុកថាជាស្រីស្អាតម្នាក់ក្នុងសិល្បៈ ហេតុនេះហើយប្រាកដណាស់ថាស្រីស្រស់រូបនេះមានជម្រើសស្នេហ៍ច្រើន ហើយបើនាងចង់ផ្ដាច់ខ្លួនពីអាជីពសិល្បៈ តែមានលុយចាយមិនចេះអស់ តាមរយៈការធ្វើជាជំទាវរបស់មន្រ្ដីធំណាម្នាក់នោះនឹងគ្មានឧបស័ក្កចំពោះរូបនាងឡើយ។ប៉ុន្ដែនាងហ្សាណា តែងតែប្រយ័ត្នប្រយ៉ែងខ្លាំងរឿងស្នេហា ពោលគឺនាងមិនទាន់ជំពប់រឿងអាស្រូវស្នេហាម្ដងណានោះទេ ខណៈដែលមុនក្លាយជាតារាល្បីធ្លាប់មានព័តមាននាងត្រូវបានក្រុមគ្រួសារព្រមានថាបើសិនជាស្រីស្រស់រូបនេះប៉ៈរឿងអាស្រូវស្នេហាណាមួយនោះនាងនឹងមិនត្រូវបានម្ដាយឬឪពុកនាងអនុញ្ញាត្តិឲ្យលេងសិល្បៈតទៅទៀតជាដាច់ខាត។
ល័ក្ខខណ្ឌដ៍តឹងរឹងបែបនេះហើយធ្វើឲ្យហ្សាណា កាន់តែមានការប្រយ័ត្នប្រយ៉ែងខ្លួននាងខ្ពស់ក្នុងរឿងស្នេហាពោលគឺនាងមិនចាប់អារម្មណ៍ចំពោះអ្នកចែចង់តាមផ្លូវកាត់នោះទេ ហើយសូម្បីតែតារាប្រុសខ្លះក្រៅពីកូនលោកព្រាប សុវត្ថិ នោះនិយាយជាមួយនាងក៍មានម្ដាយនាងអមនៅក្បែរជានិច្ចផងដែរ។ប៉ុន្ដែគេមិនដឹងថាតើស្រីស្អាតដូចហ្សាណា ដែលនាងជាមុខសញ្ញានៃការតាមប្រម៉ាញ់ស្នេហ៍ពីសំណាក់ប្រុសៗអ្នកមានទ្រព្យ និងមន្រ្ដីធំៗខ្លះនោះអាចគេចផុតពីរឿងអាស្រូវបានជារៀងរហូតឬយ៉ាងណា?ការលើកឡើងបែបនេះដោយសារតែកន្លងមកមានតារាស្រីស្អាតៗខ្លះបានតាំងចិត្តស្រដៀងហ្សាណា ដែរពោលគឺមិនខ្ចីអើពើរប្រុសៗតាមញ៉ែ ឬអត់ត្រូវអ្នកចិញ្ចឹម និងឧបត្ថម្ភ ជាដើម តែចុងក្រោយពួកគេមួយចំនួនបែជាបាត់ខ្លួនពីសិល្បៈម្ដងមួយៗហើយខ្លះមានប្ដីមានកូនដោយមិនទាំងបានរៀបការ តែរស់នៅលើគំនរទ្រព្យទៅវិញ។
ដោយឡែកសម្រាប់នាងហ្សាណា វិញនាងមានជីវភាពល្អប្រសើរតាំងពីមុនចូលសិល្បៈម្លេះហើយតាមតារាចម្រៀងរៀមច្បងនាងពេជ្រ សោភា ធ្លាប់បង្ហើបថាតារាមានត្រេមុខស្រដៀងកូនកាត់ជប៉ុនរូបនេះត្រូវគ្រួសារដាក់ល័ក្ខខណ្ឌការសិក្សារជាជម្រើសទី១ ចំណែកការងារសិល្បៈជាជំហ៊ានទី២ ហេតុនេះគេអាចយល់ថាតារាធ្មេញចំពើសរូបនេះនឹងមិនលោតឆ័ត្រស្រវ៉ាទ្រព្យដោយលេងផ្លូវកាត់ឡើយ បើទោះជាពេលនេះនាងទើបមានអាយុត្រឹម២៣ឆ្នាំ ប៉ុន្ដែត្រូវបានគេប្រម៉ាណថានាងមានទ្រព្យមិនក្រោមកន្លះលានដុល្លារតាមរយៈការមានលទ្ធភាពទិញផ្ទះបាន២ល្វែងតម្លៃខ្ទង់ជិត៣០ម៉ឺនដុល្លារ,រថយន្ដJeep Rubicon តម្លៃ៨៧០០០ដុល្លារ និងបើកហាងសម្លៀកបំពាក់ក្នុងពេលតែ១នៅរដូវផ្ទុះកូវីដកាលពីឆ្នាំ២០២០ ក្ដី។
មជ្ឈដ្ឋានមហាជនរងចាំមើលថាតើរ៉េត ស៊ូហ្សាណា នឹងជ្រើសសង្សារជាកូនលោកឧកញ៉ា ឬមួយក៍នាងអាចពិចារណាតំណែងជំទាវ?