តាកែវ៖ តារាចម្រៀងរូបស្រស់ កញ្ញា ឈីន រតនៈ បានដឹកដៃកូនក្រុមរបស់នាងគឺកញ្ញាកៅ សុជាតា ទៅអង្រួនឆាកតន្រ្តី Cambodia Mini Concert ដល់ផ្សារអង់តាសោម ស្រុកត្រាំកក់ ខេត្តតាកែវ ធ្វើឲ្យផ្អើលអស់អ្នកស្រុកភូមិមករាំលេងកម្សាន្តជាមួយអ្នកទាំងពីរយ៉ាងច្រើនកុះក កាលពីសប្ដាហ៍មុននេះ។
ស្រីស្អាតឈីន រតនៈ និង កៅ សុជាតា បានច្រៀងសម្ដែងរួមគ្នាជាច្រើនបទយ៉ាងពិរោះរណ្តំចិត្តFan នាំឱ្យអ្នកទៅទស្សនាផ្ទាល់ស្រែកច្រៀងតាមគ្រប់ៗគ្នា។កាន់តែគូរឲ្យចាប់អារម្មណ៍ថែមទៀតនោះតារាចម្រៀងរាងតូចច្រឡឹង ឈីន រតនៈ ក៏បានបញ្ចេញក្បាច់រាំគូរឲ្យក្នាក់ក្នាញ់រង្គឺឆាកប្រគុំតន្រ្តីនេះតែម្ដង ទើបអ្នកគាំទ្រនៅខេត្តតាកែវស្រែកហ៊ោផ្អើលពេញឆាកតន្រ្ដី។
គេឃើញមេក្រុមកញ្ញារតនៈ និងកូនក្រុម សុជាតា ក៏ទទួលបានកាដូប្លែកៗច្នៃឡើងដោយផ្ទាល់ដៃពីអ្នកគាំទ្រនៅខេត្តតាកែវ ទៀតផង។ ទន្ទឹមគ្នានឹង Concerts នៅខេត្តតាកែវ ពេលនេះ Cambodia Mini Concert ក៏កំពុងផ្តល់ភាពសប្បាយរីករាយដល់ពុកម៉ែបងប្អូនរស់នៅខេត្តបន្ទាយមានជ័យ រហូតដល់ថ្ងៃទី១៤ ខែមិថុនា ឆ្នាំ២០២៣ ឯណ្ណោះ។
គូរកត់សម្គាល់ថាសម្រាប់ការប្រគុំតន្ត្រី Cambodia Mini Concert សប្តាហ៍ក្រោយ នឹងទៅដល់ស្រុកឈូក ខេត្តកំពតហើយ ដូចនេះពុកម៉ែបងប្អូន ដែលកំពុងរងចាំតាមដាន នឹងមកទទួលយកភាពសប្បាយរីករាយជាមួយការប្រគុំតន្រ្តី និងបានជួបជាមួយតារាល្បីៗជាច្រើនរូបរួមទាំងលោក លឹម តិចម៉េង និង ថុល សុភិទិ រួមទាំងតារាល្បីៗជាច្រើនរូបផ្សេងទៀត។ ក្រៅពីនេះ ក៏នឹងមានការតាំងពិព័ណ័ស្តង់លក់ម្ហូបអាហារ ភេសជ្ជៈ ដែលលោកអ្នកអាចជាវផលិតផល Khmer Beverages ដូចជា ស្រាបៀរកម្ពុជា IZE , Wurkz , ICy Cool នឹងមានឱកាសឈ្នះរង្វាន់ជាច្រើននៅទីកន្លែងផ្ទាល់តែម្ដង៕
