ភ្នំពេញៈ គណៈកម្មាធិការជាតិរៀបចំការបោះឆ្នោត (គ.ជ.ប) កាលថ្ងៃទី១១ ខែមករា ឆ្នាំ២០១៧ បានអំពាវនាវជាថ្មី ឲ្យប្រជា ពលរដ្ឋខ្មែរ ដែលបានចុះឈ្មោះបោះឆ្នោតរួចហើយនោះ សូមអញ្ជើញទៅពិនិត្យបញ្ជីឈ្មោះ និងផ្ទៀងផ្ទាត់ ទិន្នន័យរបស់ខ្លួន ក្នុងបញ្ជីបោះឆ្នោតដំបូង ដើម្បីឲ្យប្រាកដថា ឈ្មោះរបស់ខ្លួនមានក្នុងបញ្ជីបោះឆ្នោត និងមានទិន្នន័យ និងរូបថតត្រឹមត្រូវ ប្រាកដមែន។ ក្នុងករណីបាត់ឈ្មោះ ឬមានឈ្មោះ ទិន្នន័យ រូបថតមិនត្រឹមត្រូវ សូមសាមីខ្លួន ឬតំណាង មេត្តារួសរាន់ប្តឹងតវា ទៅក្រុមប្រឹក្សាឃុំ សង្កាត់ យ៉ាងយូរត្រឹមថ្ងៃទី១៤ ខែមករា ឆ្នាំ២០១៧ ដើម្បីសុំធ្វើការកែតម្រូវជាបន្ទាន់។
គួរបញ្ជាក់ថា ការបិទផ្សាយបញ្ជីបោះឆ្នោតដំបូង និងបញ្ជីឈ្មោះអ្នកដែលត្រូវលុបចេញពីបញ្ជីបោះឆ្នោត និងការប្តឹងតវា និង ប្តឹងជំទាស់លើបញ្ជីបោះឆ្នោតថ្មី នឹងត្រូវបិទបញ្ចប់នៅថ្ងៃទី១៤ ខែមករា ឆ្នាំ២០១៧ ខាងមុខនេះ៕
