ភ្នំពេញ៖ស្រីស្អាតហ៊ិន ច័ន្ទនីរ័ត្ន ត្រូវបានគេចាត់ទុកថានាងមានស្នេហាមិនសូវសមប្រកបឡើយ ព្រោះបានចែកផ្លូវជាមួយអតីតគូស្នេហ៍ជាបន្ដបន្ទាប់ តែរឿងដែលចម្លែកគឺបុរសដែលប៉ៈស្នេហាជាមួយនាងទាំងប៉ុន្មានគឺសុទ្ធតែជាប្រុសស្អាតរូបសង្ហារទាំងអស់តែម្ដងក្នុងនោះចុងក្រោយនេះគឺលោកសេង មង្គល(ហូរ ប៉ូសេង )និងគ្រូពេទ្យវ័យក្មេងលោកសុវណ្ណារិទ្ធិ ។ក្នុងចំណោមប្រុសទាំងពីរនេះគេជឿរជាក់ថាស្រីស្រស់ច័ន្ទនីរ័ត្ន មានស្នេហាពិតតែជាមួយកលោកសុវណ្ណារិទ្ធិ ប៉ុណ្ណោះ ព្រោះរឿងជាមួយលោកមង្គល គ្រាន់តែពួកគេចង់ឲ្យមានការចាប់អារម្មណ៍ពីFan ទាំងសងខាង ហើយការពិតនីរ័ត្ន ចង់លាក់បាំងស្នេហាគ្រូពេទ្យ តែនាងត្រូវបង្ខំចិត្តបង្ហាញភាពផ្អែមល្ហែមស្នេហ៍ជាមួយប្រុសស្អាត១ឆាវតាមTik Tok ព្រោះតែចង់ទប់ទល់រឿងគេបង្អាប់ថានាងជាស្រីស្អាតម្នាក់ដែរតែលោកមង្គល អត់ចាប់អារម្មណ៍ហើយងាកទៅស្នេហ៍អ្នកមេម៉ាយ ទៅវិញ?
នីរ័ត្ន បានភ្ជាប់ស្នេហ៍ជាមួយលោកគ្រូពេទ្យជិត៣ឆ្នាំទៅហើយ តែនាងទើបតែបង្ហាញនៅឆ្នាំទី៣នេះដោយដើរកម្សាន្ដជាមួយគ្នានៅបារាំង និងថៃ ជាដើម ហើយចុងក្រោយនេះនាងសម្រេចចិត្តលែងបង្ហាញស្នេហ៍មួយនេះជាសាធារណៈទៀតហើយ។ការប៉ៈរឿងស្នេហាតែប្រុសស្អាតរបស់ច័ន្ទនីរ័ត្ន បែបនេះមិនមែនជារឿងចៃដន្យនោះទេ ប៉ុន្ដែតាមព័តមានថាច័ន្ទនីរ័ត្ន គ្មានបំណងយកសង្សារជាប្រុសចាស់ដែលមានទ្រព្យស្ដុកកនោះទេ ពោលគឺនាងស្នេហាតែប្រុសក្មេងគឺដូចគ្នាទៅនិងនាងប៉ាច គីមមួយ ដែរ តែរហូតមកដល់ពេលនេះនីរ័ត្ន អត់ទាន់បង្ហាញភាពច្បាស់លាស់ជាមួយគូស្នេហ៍ថ្មីតាមរយៈការភ្ជាប់ពាក្យ ឬត្រៀមរៀបការជាមួយប្រុសក្មេងដូចគីមមួយ នោះទេ ហេតុនេះហើយបានជាចំណងស្នេហារបស់នាងនៅតែអាចប្រឈមដើរជាន់ដានចាស់ដដែលបើទោះជានាងនិងសង្សារបានស្វែងយល់ចិត្តគ្នាតាំងពីឆ្នាំ២០២០ ក្ដី។
គូរបញ្ជាក់ថាអំឡុងពេលដែលរឿងស្នេហាហ៊ិន ច័ន្ទនីរ័ត្ន នៅតែមិនច្បាស់លាស់នេះអាជីពសិល្បៈរបស់នាងវិញហាក់ឡើងកូដជាងមុនទៅវិញ ព្រោះនាងបានក្លាយជាតួឯករបស់ភាពយន្ដប្រវត្តិអ្នកធំមួយចំនួនដែលធ្វើឲ្យស្រីស្អាតទទួលបានតម្លៃខ្លួនខ្ពស់ និងកេ្រឌីត ខ្ពស់ជាងមុន។ប៉ុន្ដែនីរ័ត្ន ដែលធ្លាប់កំណត់តម្លៃខ្លួនថានាងថត១រឿងទាល់តែបាន៥ពាន់ដុល្លារឡើងនោះហាក់ស្ងប់ស្ងាត់ការថតរឿងដុំតាមរោង និងសម្ដែងខារ៉ាអូខេដោយសារតែនាងផ្ដោតលើការអាជីពMC នៅបាយ័នច្រើនជាង ហើយនាងថាថតMV ទាល់តែបទនោះនាងស្រលាញ់ដែរទើបទទួលសម្ដែង។តារារួមអាជីពខ្លះបានសរសើរច័ន្ទនីរ័ត្ន ចំពោះការមិនជ្រួលជ្រើមអំណាចដុល្លាររបស់តាតា របស់ស្រីស្អាតរូបនេះហើយនាងមិនក្វល់តំណែងជំទាវដែលមន្រ្ដីធំខ្លះចង់ប្រគល់ឲ្យនាង តែតារាមួយចំនួនទៀតបែជាថាបើនីរ័ត្ន ស្រលាញ់តែប្រុសក្មេងបែបនេះតទៅទៀត នោះនាងគ្មានសុវត្ថិភាពស្នេហ៍ឡើយ ពោលគឺនៅតែប្រឈមប្រេះឆាដូចមុនជាមិនខាន។ការលើកឡើងបែបនេះព្រោះតែច័ន្ទនីរ័ត្ន ត្រូវបានគេបង្ហើបថានាងធ្លាប់បរាជ័យស្នេហ៍មិនក្រោម៥លើកឡើយតាំងពីប្រឡូកសិល្បៈរយៈពេល១៦ ឆ្នាំមកនេះ បើទោះជានាងមិនដែលសារភាពឬទទួលស្គាល់ម្ដងណាក៍ដោយ។
ហ៊ិន ច័ន្ទនីរ័ត្ន អាយុ៣៣ឆ្នាំ ស្ថិតក្នុងចំណោមស្រីស្អាតម្នាក់ក្នុងពិភពសិល្បៈ ហើយសម្រស់នាងក៍មិនធ្លាប់លេចឭថាបានឆ្លងកាត់ការវះកាត់ដោយផ្លែកាំបិតដែរពោលគឺរក្សារបានរបស់ពីធម្មជាតិភាគច្រើន។ពិធីការិនីធ្មេញចំពើសរូបនេះជិះរថយន្ដទំនើបRange Rover និងពាក់នាឡិការដៃ១គ្រឿងតម្លៃក្បែរម៉ឺនដុល្លារផងដែរ ហើយទោះជានាងត្រូវបានផ្សព្វផ្សាយថាបែកបាក់ស្នេហ៍ជាញឹកញាប់ក្ដី តែនាងមិនដែលបង្ហូរទឹកនេត្រាតាមបណ្ដាញសង្គមឲ្យគេឃើញឡើយ។ប៉ុន្ដែគេចាំបានថាអំឡុងពេលដែលលោកមង្គល ងាកទៅស្នេហ៍ស្និតជាមួយអ្នកមេម៉ាយម្នាក់នោះនីរ័ត្ន ធ្លាប់និយាយថានាងចង់ធ្វើអត្តឃាដបញ្ចប់ជីវិតខ្លួនឯងតាមរយៈការលោតទឹកពន្លិចខ្លួនដែលពាក្យនោះគ្រាន់តែនាងចង់ឌឺដងឬលេងសើចដាក់លោកសេង ប៉ុណ្ណោះ ព្រោះធាតុពិតនាងជាស្រីស្អាតម្នាក់ដែលមានជម្រើសស្នេហ៍ច្រើន ហេតុនេះតើនាងចេះហូរទឹកនេត្រាព្រោះប្រុសងាកទៅស្នេហ៍ស្រីផ្សេងដែរឬទេ?Fan ចង់ឃើញនាងច័ន្ទនីរ័ត្ន ហ៊ានលាតត្រដាងរឿងស្នេហាជាមួយលោកគ្រូបពេទ្យសុវណ្ណារិទ្ធ ដើម្បីបិទបញ្ចប់ពាក្យគេថានាងជាតារាអភ័ព្វស្នេហាត្រឹមឆ្នាំ២០២៣ នេះបើទោះជានាងនិងបុរសដែលមានអាយុប្អូននាង១ឆ្នាំនេះមិនទាន់មានដំណឹងថាពួកគេគ្រោងរៀបការជាមួយគ្នានៅពេលណាក៍ដោយ។ប្រភពខ្លះថានីរ័ត្ន នៅស្ទាក់ស្ទើជាមួយគ្រូពេទ្យក្មេង ព្រោះតែនាងត្រូវប្រុងប្រយ័ត្នស្នេហ៍ឲ្យបានខ្ពស់ជាងមុនៗជៀសវាងដើរជួបរឿងចាស់នាំឲ្យខ្មាសតារារួមអាជីពដែលជម្រុញឲ្យនាងគូស្រវ៉ាយកតំណែងជំទាវ ជាជាងអោបស្នេហ៍ប្រុសក្មេង៕
