ភ្នំពេញ៖នៅព្រឹកថ្ងៃទី៥ កញ្ញា មាស សុខសោភា បានបង្ហាញរូបភាពអោបថើបយុវជនឈ្មោះBovee Hundley ដែលនាងអះអាងថាជាកូនរបស់ខ្លួនសារជាថ្មីម្ដងទៀត ហើយតាមរយៈកាយវិការនោះអ្នកទាំងពីរមានការនឹករលឹកគ្នាខ្លាំងណាស់ ព្រោះសោភា ថាប្រុសកូនប្រុសរបស់នាងម្នាក់នេះទើបវិលត្រឡប់មកពីសិក្សារនៅអាមេរិក ខណៈដែលកាលពីខែកក្កដា ២០២៣ នាងក៍បានចេញសារសាទរដល់Hundley ដែលទទួលបានវិញ្ញាបនប័ត្រ ផងដែរ។ចម្ងល់ចម្រូងចម្រាសបានកើតឡើងម្ដងទៀត ព្រោះតែមានFan ខ្លះបានជឿរថានាងពិតជាមានកូនពេញវ័យកំលោះមែនដោយផ្អែកទៅលើយុវជនរូបនោះមានត្រេមុខស្រដៀងគ្នាទៅនិងរូបនាងនិងស្វាមីនាងលោកអ៊ឹត រ៉ាដា ប៉ុន្ដែខ្លះទៀតមិនជឿរជាក់ឡើយ ដោសារថាមិនដែលបានឃើញសុខសោភា ពពោះនោះទេហេតុអីពេលនេះអះអាងថាខ្លួនមានកូនអាយុ១៦ឆ្នាំទៅហើយបែបនេះ?ទោះជាយ៉ាងណាសោភា បានបញ្ជាក់ច្បាស់ៗថា Bovee Hundley ពិតជាកូនប្រុសរបស់នាងពិតប្រាកដមែន ដោយនាងតែងហៅបុរសក្មេងរូបនោះថាជា”កូនៗ”គ្រប់ពេលវេលាតាំងពីនាងបញ្ចេញរូបភាពយុវជនរូបនោះនារយៈពេលប៉ុន្មានឆ្នាំចុងក្រោយនេះ។
ថ្វីត្បិតតែមានភាពច្របូកច្របល់រឿងមាស សុខសោភា អះអាងថាខ្លួនមានកូនពេញវ័យទៅហើយដោយមានខ្លះជឿរ និងខ្លះទៀតអត់ជឿរក្ដី ប៉ុន្ដែបើផ្ដោតលើពេលវេលានៃចំណងស្នេហារបស់សុខសោភា ជាមួយអាណិកជនខ្មែរមកពីកាណាដាលោកអ៊ឹត រ៉ាដា នោះគឺនៅឆ្នាំ២០២៣ នេះគម្រប់ខួបស្នេហ៍១៦ឆ្នាំ ទៅហើយពោលគឺត្រូវនិងអាយុBovee Hundley តែម្ដង ប៉ុន្ដែរឿងដែលគេមិនដែលឃើញសោភា ពោះធំ ហើយកន្លងមកអ្នកស្និតនាងបំផុតបង្ហើបថាបុរសនោះតាមពិតជាក្មួយរបស់សោភា នោះនាំឲ្យFan របស់អ្នកចម្រៀងរូបនេះមួយចំនួនលើកឡើងថាការដែលតារាវ័យជាង៤០ឆ្នាំ រូបនេះហៅប្រុសក្មេងរូបនោះថាជាកូនៗនោះដោយសារតែនាងចង់បានកូនខ្លាំងពេក។
មាស សុខសោភា ធ្លាប់បាត់ខ្លួនរយៈពេលជាង១ឆ្នាំម្ដងអំឡុងពេលដែលនាងច្រៀងនៅថោន ហើយកាលនោះនាងទៅសម្ងំនៅកាណាដា ព្រោះគូស្នេហ៍របស់នាងមានផ្ទះនៅទីនោះ ប៉ុន្ដែប់បើទូទាត់ពេលវេលានោះនិងអាយុBovee Hundley គឺមិនដូចគ្នានោះទេ ហេតុនេះហើយរឿងដែលនាងថាមានកូនកំលោះស្ថិតនៅក្នុងភាពអាថ័កំបាំងតទៅទៀតដ៍រាបណានាងនៅតែមិនហ៊ានចេញមុខលាតត្រដាងពីរឿងមួយនេះឲ្យបានច្បាស់លាស់ថាតើពពោះនៅឆ្នាំណា ?សម្រាលកូននៅទីណា ?
ទស្សនិកជនចាប់អារម្មណ៍ថាមាស សុខសោភា លែងសូវមានបទចម្រៀងល្បីៗដូចមុនទៀតហើយតាំងពីនាងចាកចេញពីថោន ប៉ុន្ដែនាងនៅរក្សារបានទីផ្សារប្រាក់ចំណូលសិល្បៈជាប្រចាំតាមរយៈការធ្វើជាBA និងថតស្ពតមួយចំនួន។អ្វីដែលគូរឲ្យចាប់អារម្មណ៍នោះអំឡុងពេលដែលសោភា លែងសូវលេចធ្លោនេះតារាស្រីជូរមុខផ្សេងៗទៀតដែលមានភាពស្វិតស្វាញទីផ្សារជាមួយនាងខ្លាំងដូចជាឱក សុគន្ធកញ្ញា និងពេជ្រ សោភា ជាដើមនោះក៍មិនសូវមានបទផ្ទុះដូចគ្នាតែម្ដងទើបសោភា នៅតែគ្មានតារាណាវ៉ានាងដាច់បានដដែល ។ប្រភពខ្លះថាសោភា នឹងចូលទៅGalaxy នៅឆ្នាំ២០២៤ ព្រោះទីនោះមានដៃគូចម្រៀងដ៍សាកសមជាមួយនាងដូចជាព្រាប សុវត្ថិ ,ខេមរៈ សិរីមន្ដ និងខេម ជាដើម។តែសោភា ធ្លាប់ប្រាប់អ្នកយកព័តមានយើងថាGalaxy មិនដែលទាក់ទងមកនាងម្ដងណាឡើយ ។
គូរបញ្ជាក់ថាមាស សុខសោភា ត្រូវបានFan ជឿរជាក់ថានាងទៅច្រៀងនៅផលិតកម្មណាក៍នៅតែល្បីដែរ ព្រោះតែអ្នកគាំទ្រជឿរជាក់លើសម្ថភាពនាង។ប៉ុន្ដែការច្រៀងនៅផលិតកម្មរាម ២ឆ្នាំកន្លងមកសុខសោភា នៅទ្រឹងទើបនាងមិនបន្ដច្រៀងនៅឆ្នាំទី៣ ហើយពេលនេះសុខចិត្តច្រៀងនៅផលិតកម្មខ្លួនឯងCamtraxmusic ក៍មិនទាន់មានបទណាគូរឲ្យចាប់ អារម្មណ៍ខ្លាំង ដូចមុនដែរក្រៅពីបទច្រៀងសរសើរប្ដីនាង។
អ្នកជំនាញសិល្បៈលោកនូ ស៊ឹប ធ្លាប់អះអាងថាសម្ថភាពដូចមាស សុខសោភា ផលិតកម្មណាក៍ចង់បាននាងដែរ ហេតុនេះលោកយល់ថាការប្ដូរផលិតកម្មច្រៀង របស់នាងជាបន្ដបន្ទាប់មកនេះគឺមិនប៉ៈពាល់ដល់អាជីពចម្រៀងរបស់នាងឡើយ។ចំណែកមហាជនចង់ឲ្យសុខសោភា ចាប់ផ្ដើមពង្រឹងទីផ្សារចម្រៀងរបស់ខ្លួនឡើងវិញជាជាងប្រកាសស្វែងរកកូនប្រសារ ធ្វើឲ្យFan កាន់តែពិបាកយល់រឿងស្នេហាដ៍អាថ័កំបាំងនាងកាលពី១៦ឆ្នាំ មុន៕