ភ្នំពេញ៖ជិត១ឆ្នាំចុងក្រោយនេះតារាចម្រៀងលោកសុខ មេសា ហៅនាយចឺម ស្ងប់ស្ងាត់បន្ដិចរឿងប្ដូរដៃគូស្នេហាថ្មី ទោះជាតារាស្រីៗមួយចំនួនដែលថតប៉ៈនាយមិនទាន់ទុកចិត្តលោកមេសា ក្ដី តែភាគច្រើននាងនាងនិយាយថាអតីតតារាកំប្លែងCTN រូបនេះហាក់ដូចជាសុភាពជាងមុនបន្ដិច ក្រោយរបូតអស់សង្សារស្រីស្អាតដល់ទៅ៤នាក់ ស្ទើតែមិននឹកស្មានដល់នោះ។ប៉ុន្ដែគេកត់សម្គាល់ថាអ្វីដែលចម្លែកនៅពេលដែលនាយចឺម លែងសូវមានព័តមានផ្សព្វផ្សាយពីការផ្លាស់ប្ដូរដៃគូស្នេហារបស់នាយ ដូចខោអាវនេះអាជីពចម្រៀងលោកមេសា បែជាស្ងប់ស្ងាត់ជាងមុនទៅវិញ ថ្វីត្បិតតែពេលនេះសិស្សប្អូនខ្លួនលោកអនុស្សាវរីយ៍ បានដើរចេញពីសាន់ដេទៅហើយក្ដី។ប្រភពបានឲ្យដឹងថានាយចឺម បានបាត់បង់អ្នកនិពន្ធខ្លះដែលធ្លាប់សរសេរបទចម្រៀងឲ្យខ្លួនល្បីពីមុនទើបបច្ចុប្បន្ននាយលែងសូវមានបទគូរឲ្យចាប់អារម្មណ៍ដូចមុនក្នុងនោះមានអ្នកនិពន្ធខ្លះបានរត់ទៅចូលGalaxy ។ប៉ុន្ដែការដែលតារាវ័យ២៨ឆ្នាំរូបនេះលែងសូវគ្រញិចអោបថើបតួស្រីឆៅៗដូចនេះធ្វើឲ្យអ្នកសម្ដែងស្រីៗទាំងឡាយចាប់ផ្ដើមផ្ដល់ទំនុកចិត្តដល់លោកមេសា ខ្លះៗឡើងវិញជាបណ្ដើរៗបើទោះជាមិនមែនទាំងស្រុងក៍ដោយ ព្រោះពួកគេគិតថានាយចឺម ចាស់ទុំចិត្តគំនិតជាងមុនបន្ដិចហើយ។
សូមរំលឹកថានាយចឺម បានចែកផ្លូវជាមួយសង្សារទី៤ អ្នកមេម៉ាយសេង សុខឃីម កាលពីចុងឆ្នាំ២០២២ ខណៈដែលអតីតសង្សារនាយស្រីស្អាត៣ដួងផ្សេងទៀតគឺនាងអៀ ម៉េងលិ ហៅអូនម៉ី ,ពុធ ស្រីខួច និងហ្វា ហ្វា ហៅស្រីយី សុទ្ធតែមានសង្សារថ្មីរៀងៗខ្លួន តែពួកគេមិនបានចាត់ទុកលោកមេសា ជាគូសត្រូវឡើយ ពោលគឺជួបគ្នាចៃដន្យនៅតែនិយាយរកគ្នា។ប្រភពបានឲ្យដឹងថានាយចឺម ចង់រកសង្សារថ្មីឲ្យស្អាតជាងអតីតសង្សាររបស់ខ្លួនតែដោយសារតារាសម្ដែងស្រីស្អាតមួយចំនួនធំលែងទុកចិត្តលើនាយទៀតទើបធ្វើឲ្យនាយពិបាករកស្រីកេ្មងសាច់សខ្ចីបានដូចចិត្ត ហើយពេលនេះក្រោយស្ងាត់រឿងផ្លាស់ប្ដូរដៃគូស្នេហានេះអាជីពចម្រៀងក៍លែងសូវលេចធ្លោនិងមានមុខនៅលើសារព័តមានដូចមុនទៀតដែរ ។
អ្នកជំនាញសិល្បៈបានលើកឡើងថាថ្វីត្បិតតែនាយចឺម វិវត្តន៍ខ្លួនពីតារាកំប្លែងមកជាអ្នកចម្រៀងអាជីពពោលគឺក្លាយទៅជាអ្នកចម្រៀងហាក់ចៃដន្យក្ដី ប៉ុន្ដែនាយនៅតែមានទីផ្សារហើយគ្មានតារាណាអាចដណ្ដើមតំណែងរបស់ខ្លួនបានទេ ព្រោះតែលោកមេសា ច្រៀងផង និយាយកំប្លែងផង ឲ្យគេទស្សនាសប្បាយរីករាយ ហេតុនេះម្ចាស់កម្មវិធីជួលតារាសាន់ដេរូបនេះទៅម្នាក់ស្មើរតារា២នាក់ អីចឹងនាយចឺម នៅតែមានទីផ្សារ។ចំណែកការផ្លាស់ប្ដូរពីត្រូវគេហៅថាជាព្រាននារី ប្ដូរស្រីស្នេហ៍ដូចខោអាវ មកជាសុភាពជាងមុននេះគឺជាចំណុចវិជ្ជមានមួយព្រោះបើនាយចឺម មិនកែប្រែទេអាជីពចម្រៀងខ្លួនអាចនឹងបាត់បង់ការគាំទ្រកាន់តែខ្លាំងជាមិនខាន ពិសេសគឺសុវត្ថិភាពតែម្ដងព្រោះនាយចឺម ក៍ធ្លាប់ភ្លាត់ស្នៀតម្ដងដែរកាលពីខែធ្នូ ឆ្នាំ២០១៩ នៅខេត្តប៉ៃលិន ។
នាយចឺម ធ្លាប់ប្រាប់អ្នកយកព័តមានយើងថានាយ នឹងជ្រើសសង្សារថ្មីម្ដងនេះជាអ្នកក្រៅរង្វង់សិល្បៈ ព្រោះតែនាយយល់ថាបើយកតារាដូចមុនទៀតមិនអាចរក្សារស្នេហាបានគង់វង្សយូអង្វែងឡើយ។នាយថែម ទាំងអះអាងថានឹងរៀបការប្រពន្ធនៅអាយុ២៩ឆ្នាំ ពោលគឺនៅឆ្នាំ២០២៤ ខាងមុខនេះហើយ ហេតុនេះគេចាំមើលថាតើអនាគតភរិយាលោកមេសា ពិតជានារីនៅក្រៅរង្វង់សិល្បៈដូចនាយសន្យាមែន ឬយ៉ាងណា ?
គូរបញ្ជាក់ថាក្រៅពីនាយចឺម តារាដែលស្រីៗចាត់ទុកថាជាអ្នកពូកែញ៉ែស្រីស្អាតពោលគឺញ៉ែបានៗនោះមាននាយពែកម៉ី ,នាយក្រូច និងលោកអ៊ីណូ ជាដើម។ប៉ុន្ដែលោកមេសា មិនមែនចេះតែញ៉ែមិនមើលមុខនោះទេ ពោលគឺមានទស្សនៈខុសពីតារាខាងលើពោលគឺនាយថាបើរកសង្សារមិនបានជាស្រីស្អាត តើរកមកធ្វើអីទៅ ?តាមរយៈការប្រកាន់ជំហស្រីស្នេហ៍ត្រូវតែជានារីស្រស់ស្អាតបានយកនេះគេជឿរថាអននាគតប្រពន្ធនាយចឺម ដែលនាយគ្រោងរៀបការនាឆ្នាំក្រោយនេះប្រាកដជាស្រីម្នាក់ដែលមានសម្រស់មិនចាញ់អតីតសង្សាររបស់នាយ ទាំង៤នាក់ឡើយ៕
