ភ្នំពេញ៖តន់ ច័ន្ទសីម៉ា វាយលុកទីផ្សារចម្រៀង១ប្រាវថែមទៀតតាមរយៈការចេញបទភ្ជុំបិណ្ឌហើយនាងក៍ត្រៀមហោះទៅច្រៀងសម្ដែងការប្រគុំតន្រ្ដីដ៍ធំមួយនៅកូរ៉េ នៅចុងខែកញ្ញា ខាងមុខនេះដែរ។អ្វីដែលគូរឲ្យកត់សម្គាល់នោះនាងសីម៉ា ត្រូវបានថៅកែបន្ដទុកចិត្តនិងចាត់ទុកនាងនៅតែជាតួឯករបស់Galaxy ព្រោះតារាប្រុសល្បីៗជូរមុខរបស់ផលិតកម្មនេះបន្ដធ្វើជាដៃគូរបស់នាងតែម្នាក់តទៅទៀត សម្រាប់បទចម្រៀងបុណ្យអុំទូកឆ្នាំនេះ ព្រោះគិតមកដល់បច្ចុប្បន្នផលិតកម្មថ្មីហ៊ានចាយលុយធំ មិនមានទិញតារាស្រីជើងខ្លាំងរូបណាចូលមកឡើយ ក្រោយពេលស្ងប់ស្ងាត់រឿងតាមទិញមាស សុខសោភា និងពេជ្រ សោភា មកចាប់ដៃជាមួយព្រាប សុវត្ថិ និងខេមរៈ សិរីមន្ដ ។
សូមបញ្ជាក់ថាតន់ ច័ន្ទសីម៉ា ត្រូវបានអ្នកតាមដានសកម្មភាពសិល្បៈរបស់នាងលើកឡើងថាស្រីស្រស់តូចតន់រូបនេះធ្លាក់កូដជាងមុនព្រោះបទចម្រៀងរបស់នាងលែងសូវមានViews ច្រើនដូចមុនទៀតហើយ ក្រោយនាងមានបញ្ហាចម្រូងចម្រាសខ្លះជាមួយFan ព្រោះតែស្រីស្រស់ចេញមុខការពារថៅកែជាបន្ដបន្ទាប់។ប៉ុន្ដែអាចមកពីចំណុចភក្ដីទាំងនេះហើយនិងសម្ថភាពរបស់នាងដែលអាច្រៀងបានជាច្រើនទម្រង់នោះហើយទើបនាងច័ន្ទសីម៉ា នៅតែមិនទាន់ត្រូបានថៅកែទិញតារាស្រីរូបណាយកមកប្រជែងនាងដដែល នាំឲ្យតារាប្រុសល្បីៗរបស់ផលិតកម្មមួយនេះគ្មានជម្រើសណាផ្សេងក្រៅពីច្រៀងជាដៃគូជាមួយនាងតទៅទៀតនោះទេ។
អ្នកជំនាញសិល្បៈធ្លាប់លើកឡើងថាសម្ថភាពដូចព្រាប សុវត្ថិ ,ខេមរៈ សិរីមន្ដ និងខេម ជាដើមប្រសិនបើនាងច័ន្ទសីម៉ា មិនល្អទេមិនអាចទៅបង្ខំឲ្យពួកគេព្រមមានដៃគូចម្រៀងតែម្នាក់បែបនេះឡើយ ហេតុនេះហើយបានជាថៅកែសុខចិត្តឲ្យតារាប្រុសទាំងនោះឆ្លាស់គ្នាធ្វើជាដៃគូនាងសីម៉ា បែបនេះដោយពន្យាពេលទិញតារាស្រីជើងខ្លាំងចូល ព្រោះបើGalaxy នាំយកតារាស្រីខ្លាំងម្នាក់ណាមកចាប់ដៃជាមួយលោកព្រាប សុវត្ថិ ឬខេមរៈ សិរីមន្ដ នោះនាងសីម៉ា នឹងត្រូវតែប្រឈមចុះខ្សោយជាមិនខាន។
តន់ ច័ន្ទសីម៉ា ធ្លាប់ចេញទៅច្រៀងសម្ដែងនៅកូរ៉េ កាលពីឆ្នាំមុនម្ដងហើយដែលកាលនោះដៃគូរបស់នាងគឺលោកខេម តែម្នាក់ទេ ប៉ុន្ដែទៅលើកនេះគឺខុសពីមុន ព្រោះព្រាប សុវត្ថិ និខេមរៈ សិរីមន្ដ នឹងជួយរុញនាងឲ្យទៅមុខថែមទៀត ដើម្បីជម្រះការសង្ស័យថានាងធ្លាក់កូដ ឬច្រៀងលែងឡើងទៀតនោះ។ដោយឡែកតារាស្រីល្បីៗផ្សេងទៀតផ្នែកយុវវ័យកាន់តែពិបាកទប់ទល់ ឬរត់តាមនាងច័ន្ទសីម៉ា ទាន់ណាស់ ព្រោះនាងមានដៃគូល្អជាងគេនៅឆ្នាំ២០២៣ ហើយតម្លៃខ្លួននាងក៍បាននាំមុខតារារៀមច្បងខ្លះទៀតពោលគឺច្រៀង១កម្មវិធីស៊ីថ្លៃដល់ទៅ៥ពាន់ដុល្លារឯណោ្ណះ តែតម្លៃនេះហើយធ្វើឲ្យនាងសីម៉ា ហាក់បិទច្រកខ្លួនឯងព្រោះក្រុមហ៊ុនខ្លះពិសេសនៅតាមបណ្ដារស្ថានីយ៍ទូរទស្សន៍លែងហ៊ានហៅនាងច្រៀង។
សូមបញ្ជាក់ថានាងតន់ ច័ន្ទសីម៉ា ដែលសារភាពថាបានកែសម្រស់ដល់ទៅ៣ផ្នែកគឺច្រមុះ ,ចាក់ចង្កា និងពត់ធ្មេញនោះធ្វើឲ្យនាងកែប្រែមុខមាត់ថ្មីទាំងសម្រស់និងមុខមាត់ថ្មីក្នុងសិល្បៈ តែពេលនេះគ្មានដំណឹងថានាងចង់កែកុនផ្នែកណាផ្សេងទៀតឡើយ។ចំណែករឿងស្នេហាវិញនាងសីម៉ា ជ្រើសផ្លូវសាងស្នេហាដោយមិនបើកចំហ និងតែងថ្ងូអត់សង្សារទៀតផង ក្រោយពេលលោកឧកញ៉ាម្នាក់ដែលគេសង្ស័យថាមានស្នេហាជាមួយនាងនោះលែងហ៊ានស្និតស្នេហ៍ជាមួយនាងដូចមុនទៀត ។ Galaxy ធ្លាប់អះអាងថានាងសីម៉ា ស្ថិតក្នុងលំដាប់តារាស្រីGrade A ដោយសម្អាងតាមរយៈតម្លៃខ្លួន និងទីផ្សារចម្រៀង រហូតមានអ្នកខ្លះថានាងអាចធ្វើឲ្យរង្គើរតំណែងតារា រៀមច្បងមួយចំនួនទៀតផង ។ប៉ុន្ដែនាងសីម៉ា វិញក៍លែងសូវមានបទផ្ទុះដូចមុនមុននោះត្រូវបានអ្នកជំនាញសិល្បៈបានលើកថាទោះជានាង ល្បីល្បាញសម្រាប់ទីផ្សារយុវវ័យនាពេលសព្វថ្ងៃយ៉ាងណាក៍គេមិនអាចយកបទចម្រៀងនាងទៅប្រៀបធៀបជាមួយទីផ្សារចម្រៀងរបស់តារាស្រីរៀមច្បងមួយចំនួនដែរ ព្រោះអ្នកទាំងនោះបានសាងស្នាដៃជាច្រើនតាំងពីមុនសីម៉ា ល្បីម្លេះ៕
