ភ្នំពេញ៖តារាចម្រៀងឈិន ម៉ានិច្ច បានដឹកដៃលោកឆន សុវណ្ណារាជ ចេញទៅកាណាដា កាលពីព្រឹកថ្ងៃទី៣ តុលា ដើម្បីច្រៀងសម្ដែងរួមគ្នាក្នុងកម្មវិធីTour Concerts នៅទីក្រុងMontreal និងToronto ចាប់ពីដើមខែតុលា ដល់ចុងខែវិច្ឆិកា ឆ្នាំ២០២៣ ។តាមការអះអាងរបស់លោកឆន សុវណ្ណារាជ បានឲ្យដឹងថាលោករាជ និងម៉ានិច្ច ត្រូវច្រៀងសម្ដែងនៅកាណាដា ដល់ទៅ១ខែកន្លះ ពោលគឺនឹងវិលវិញនៅអំឡុងចុងខែវិច្ឆិកា ឆ្នាំ២០២៣ ខណៈដែលម៉ានិច្ច ថានាងទទួលបានទិដ្ឋាការ (Visa) ដល់ទៅ៤ឆ្នាំសម្រាប់ចេញចូលប្រទេសកាណាដា ព្រោះលិខិតឆ្លងដែន(passport) របស់នាងមានសុពលភាពដល់ឆ្នាំ២០២៧ ឯណ្ណោះ។ប្រភពបានឲ្យដឹងថាឈិន ម៉ានិច្ច និងឆន សុវណ្ណារាជ បានត្រៀមបទចម្រៀងប្រពៃណីខ្មែរជាច្រើនបទព្រោះការចេញទៅរបស់ពួកគេចំពិធីបុណ្យភ្ជុំបិណ្ឌនៅខ្មែរក៍ដូចជាបងប្អូនខ្មែរនៅកាណាដាកំពុងតែប្រារពិធីបុណ្យតាមប្រពៃណីនេះដែរ។ទាំងម៉ានិច្ច និងលោកសុវណ្ណារាជ ក៍ត្រូវចាប់ដៃគូច្រៀងសម្ដែងជាមួយតារាចម្រៀងស្រីខ្មែរម្នាក់ទៀតដែលចាំពួកគេនៅកាណាដាជាស្រេចនោះគឺអ្នកនាងឡាយ លក្ខិណា ដែលថាទៅណាណាដាតែ៣ខែទេ នឹងវិលមកខ្មែរវិញ ប៉ុន្ដែឥឡូវសម្ងំនៅទីនោះជិត៥ឆ្នាំ មិនព្រមមកស្រុកលក់សម្លៀកបំពាក់នៅផ្សារអូរឬស្សីទៀតឡើយ។
ឈិន ម៉ានិច្ច(ឈិន ស្រីនិច្ច) ម្ចាស់ពានCambodian Idol រដូវកាលទី២ អាចច្រៀងបទចម្រៀងមរតកដើមបានយ៉ាងល្អ តែនាងមិនសូវលេចធ្លោខ្លាំងនៅហង្សមាសដែលប្រជុំទៅដោយតារាជើងខ្លាំងនោះឡើយ ដោយសារតែនាងមិនសូវមានមុខលើសារព័តមានផង និងបទចម្រៀងមិនចេញដិតដល់លើទីផ្សារផង ស្របពេលស្រីស្អាតរ៉េត ស៊ូហ្សាណា មានយ៊ីអ៊ុនល្អជាងគេ។អ្វីដែលគូរឲ្យសោកស្ដាយនាងម៉ានិច្ច បានបាត់បង់ដៃគូសំនៀងដ៍សាកសមគឺលោកដួង វីរៈសិទ្ធ ហើយពេលនេះនាងនៅមិនទាន់រកបានដៃគូថ្មីទៀតទេ ទើបធ្វើឲ្យទីផ្សារចម្រៀងនាងពិបាកមានការប្រែប្រួលពោលគឺហាក់នៅទ្រឹង។ប៉ុន្ដែក្រោយក្លាយទៅតារាចម្រៀងហង្សមាសនាងម៉ានិច្ច មានការផ្លាស់ប្ដូរច្រើនផ្នែកជីវភាពដូចជាពីមុនធ្លាប់រស់នៅបន្ទប់ជួលគេ មកជាទិញបានផ្ទះ១ល្វែង និងបច្ចុប្បន្ននាងជិះរថយន្ដទំនើបម៉ាកJeep Rubicon តម្លៃជិត៨ម៉ឺនដុល្លារទៀតផង។ប៉ុន្ដែអ្វីដែលគូរឲ្យកត់សម្គាល់នោះនាងម៉ានិច្ច ដែលធ្លាប់ត្រូវបានបុរសម្នាក់ជាសង្សារនាងដើរតាមឆាកតន្រ្ដីតាំងពីមុននាងល្បីឈ្មោះនោះពេលនេះបែជាគេមិនដែលឃើញលោករួមដំណើរជាមួយស្រីនិច្ច ដូចមុនទៅវិញ។ប្រភពបានឲ្យដឹងថានាងម៉ានិច្ច មិនចូលចិត្តសម្ភាសន៍ជាមួយអ្នកកាសែតព្រោះតែនាងខ្លាចអ្នកសារព័តមានជជីកសួរនាងរឿងស្នេហាចាស់នេះទើបរាល់លើកនាងតែងព្យាយាមគេចវែសពីការសួរនាំរឿងស្នេហារបស់នាង។តែអ្នកខ្លះសង្ស័យថានាងម៉ានិច្ច មានជ្រើសស្នេហ៍ច្រើន ក្រោយនាងល្បីឈ្មោះនេះ ព្រោះតាមព័តមានថានៅថ្ងៃឡើងផ្ទះនាងក៍មានមន្រ្ដីធំម្នាក់បានចងដៃនាងនូវប្រាក់ដុល្លារ១បាច់ធំផងដែរ។
ទស្សនិកជនរងចាំមើលថាតើនាងឈិន ម៉ានិច្ច នឹងវិលមកវិញនៅចុងខែ១១ តាមការកំណត់មែន ឬមួយនាងអាចត្រូវបានបុរសខ្មែរនៅកាណាដា រាយអន្ទាក់ស្នេហ៍លើនាងដូចអ្នកនាងឡាយ លក្ខិណា ដែល ពន្យាពេលដល់ទៅជិត៦០ខែ ហើយចុងក្រោយលែងកំណត់ពេលចូលមកខ្មែរវិញនោះ។ប៉ុន្ដែតាមរយៈការទទួលបានទិដ្ឋាការដល់ទៅ៤ឆ្នាំ នោះគេជឿរថានាងម៉ានិច្ច អាចនឹងទទួលការច្រៀងសម្ដែងតាមកម្មវិធីផ្សេងៗទៀតនៅកាណាដានៅពេលដែលនាងផុតកំណត់ជាមួយម្ចាស់Sponsor ទីមួយ។ម៉ានិច្ច ក៍អាចនឹងចេញចូលកាណាដាញឹកញាប់ជាងមុនៗផងដែរ ពិសេសគឺពេលក្នុងស្រុកចំរដូវធ្លាក់ភ្លៀងនេះនាងត្រូវប៉ាន់ទៅរកលុយនៅក្រៅស្រុកវិញម្ដង។
គូរបញ្ជាក់ថានៅឆ្នាំ២០២៣ នេះតារាខ្មែរទៅរស់នៅកាណាដាមានដូចជាអ្នកនាងសៀម ស្រីណុច ,ម៉ុក អានីត ,រស់ ម៉ូនីកា ,ឡាយ លក្ខិណា និងលោកខេវិន ជាដើម ស្របពេលដែលមាស សុខសោភា ដែលមានស្វាមីជាបុរសខ្មែរកាណាដា ដែរសព្វថ្ងៃនាងនាំលោកអ៊ឹត រ៉ាដា មកនៅខ្មែរជិត១៦ឆ្នាំទៅហើយ និងគ្មានដំណឹងទៅរស់នៅកាណាដាជាថ្មីឡើយ បើទោះជាកាលពីឆ្នាំ២០១០ មានដំណឹងថាសោភា ចង់ផ្ដាច់ខ្លួនពីអាជីពចម្រៀងដោយចេញទៅនៅជាមួយស្វាមីនៅកាណាដែរក្ដី តែពេលនេះបានស្ងាត់ទៅវិញ។ សម្រាប់នាងម៉ានិច្ច ការទទួលបាន Visa ដល់ទៅ៤ឆ្នាំ ចេញចូលកាណាដាតាមចិត្តនេះមានការលើកឡើងថានាងពិបាកគេចសំណើរស្នេហ៍ពីបុរសនៅទីនោះជាមិនខាន ៕
