ភ្នំពេញ៖ពិតជាធ្វើឲ្យរឿងស្នេហាពិធីការិនីធ្មេញចំពើសនាងហ៊ិន ច័ន្ទនីរ័ត្ន ហាក់កាន់តែច្របូកច្របល់ ព្រោះនាងទើបតែផ្អាកបង្ហាញភាពស្និតស្នេហ៍ជាមួយលោកគ្រូពេទ្យសុវណ្ណារិទ្ធ ត្រឹមមួយអន្លឺសោះស្រាប់តែពេលនេះស្រីស្រស់បង្ហាញមុខគូស្នេហ៍ថ្មីជាមួយបុរសម្នាក់ដែលមានហ្វេសបុកឈ្មោះដាយមិន ឌី ទៅវិញ។ការបែកធ្លាយរឿងប្រុសស្នេហ៍ថ្មីរបស់ច័ន្ទនីរ័ត្ន នាពេលនេះក្រោយពីនាងបានទទួលគ្រឿងឥស្សរិយយស ថ្នាក់មហាសេរីវឌ្ឍន៍ កាលពីថ្ងៃទី១០ តុលា បន្ទាប់ពីថតចប់រឿង”កូនប្រុសក្រោមពន្លឺព្រះច័ន្ទពេញបូណ័មី “ ហើយភ្លាមនោះលោកឌី បានចេញសារខមិនសាទរ នាងហើយស្រាប់តែនាងបានហៅបុរសនោះថាជា”Huni “ ។
តែក្រោយមកសារឆ្លើយឆ្លងទាំងនោះត្រូវបានលុបចេញវិញ ប៉ុន្ដែនៅអាខោនម្ចាស់ហ្វេសបុកឈ្មោះឌី នោះមានរូបថតផ្អែមល្ហែមជាច្រើនជាមួយស្រីស្អាតច័ន្ទនីរ័ត្ន ពិសេសគឺរូបភាពដែលពួកគេទើបតែទៅដើរលេងកម្សាន្ដជាមួយគ្នានៅអាមេរិកកាលពីពេលថ្មីៗនេះជាដើមដែលបញ្ជាក់ថាអ្នកទាំងពីរជាគូសង្សារគ្នា។ចម្ងល់ត្រូវបានគេលើកឡើងថាតើហ៊ិន ច័ន្ទនីរ័ត្ន និងបុរសដែលកៀកកើយនាងពេលនេះចាប់ផ្ដើមទាក់ទងគ្នាតាំងពីពេលណាទៅ បានជាស្អិតល្មូតគ្នាដល់ម្លឹង ព្រោះថានីរ័ត្ន ទើបតែផ្អាកលែងស្និតលោកគ្រូពេទ្យវ័យក្មេងសុវណ្ណារិទ្ធ រយៈពេលខ្លីប៉ុណ្ណោះ។
អ្នកយកព័តមានយើងបានទូរស័ព្ទទៅហ៊ិន ច័ន្ទនីរ័ត្ន ជាច្រើនលើកតែលេខនាងធ្លាប់ប្រើតេមិនចូលទេ ទើបមិនអាចសុំការបំភ្លឺបានឡើយ។ដោយឡែកនៅលើបណ្ដាញសង្គមហ្វេសបុកមានអ្នកសិល្បកររួមអាជីពនិងFan របស់នាងបានផ្ញើរសារជាបន្ដបន្ទាប់ជូនពរច័ន្ទនីរ័ត្ន និងបុរសថ្មីឲ្យរក្សារចំណងស្នេហាបានយូអង្វែង តែសាមីខ្លួនបែជារក្សារភាពស្ងៀមស្ងាត់ទៅវិញ។
សូមរំលឹកថាហ៊ិន ច័ន្ទនីរ័ត្ន ត្រូវបានគេចាត់ទុកថានាងជោគជ័យតែអាជីពសិល្បៈតែជីវិតស្នេហាមិនកាក់កបទេ ព្រោះនាងចែកផ្លូវជាមួយសង្សារជាបន្ដបន្ទាប់។ប៉ុន្ដែនាងមិនដែលបង្ហាញការឈឺចាប់ដោយបង្ហូរទឹកនេត្រា ព្រោះតែរឿងស្នេហាឡើយ បើទោះជាអំឡុងពេលដែលដៃគូនាងលោកសេង មង្គល ដែលគេសង្ស័យថាបានបង្កាត់ភ្លើងស្នេហាជាមួយនាងងាកទៅភ្ជាប់ស្នេហ៍ជាមួយអ្នកមេម៉ាយទ្រព្យស្ដុកម្នាក់ ហើយនាងចេញសារដោយព្រមានធ្វើអត្តឃាដសម្លាប់ខ្លួនតាមរយៈការលោតទឹកនៅស្ពានជ្រោយចង្វាបញ្ចប់ជីវិតក្ដី ប៉ុន្ដែគេជឿរថាសារនោះគ្រាន់តែជាពាក្យពេជន៍Drama របស់នាងប៉ុណ្ណោះ។ទោះជាយ៉ាងណាដោយសារតែឈឺក្បាលរឿងគេថានាងត្រូវលោកមង្គល ងាកទៅមានស្រីថ្មីផង និងខ្លះថានាងត្រូវលោកចេន ការប្រពន្ធថ្មីចោលនាងទៀត ទើបកាលពីដើមឆ្នាំ២០២២ នីរ័ត្ន បញ្ចេញរូបភាពនាងស្និតស្នេហ៍និងគ្រូពេទ្យសុវណ្ណារិទ្ធ នៅតាមTik Tok ដោយអ្នកទាំងពីរថែមទាំងដើរម្សាន្ដជាមួយគ្នានៅអ៊ឺរ៉ុបនិងទៅជិះទូកទេសចររួមគ្នានៅកោះមួយនៅថៃទៀតផង។រូបភាពខ្លះបង្ហាញថាលោកសុវណ្ណារិទ្ធ ថែមទាំងបានធ្វើខួបកំណើត និងញាំអាហារយ៉ាងរ៉ូមែនទិកជាមួយនាង។ប៉ុន្ដែឆ្នាំ២០២២ ផ្សេង ២០២៣ ផ្សឹងហើយនៅទីបំផុតតារាវ័យ៣២ឆ្នាំរូបនេះបង្ហាញកំពូលស្នេហ៍ថ្មីមិនមែនជាលោកគ្រូពេទ្យដែលមានអាយុប្អូននាង១ឆ្នាំនោះទេ តែជាបុរសម្នាក់មានអាយុបងនាងទៅវិញ។មិនទាន់មានដំណឹងច្បាស់លាស់ពីម្ចាស់ចិត្តថ្មីច័ន្ទនីរ័ត្ន ថាតើជាបុរសនៅលីវ ឬយ៉ាងណាទេ ព្រោះតែនៅពេលអ្នកយកព័តមានយើងសាកសួរតារាមួយចំនួនដែលស្និតនីរ័ត្ន ពួកគេបែជាថាអត់ហ៊ាន និយាយ និងខ្លះទៀតថាមិនដែលស្គាល់ប្រុសនោះទៅវិញ។
ប្រភពបានឲ្យដឹងថាការដែលហ៊ិន ច័ន្ទនីរ័ត្ន មិនចេះឈឺចាប់ព្រោះរឿងស្នេហាដោយសារតែនាងមានជម្រើសស្នេហ៍ច្រើន ពោលគឺបើនាងបែកស្នេហ៍ពីបុរសម្នាក់ គឺបុរសថ្មីនឹងសុំនាងចូលស្អំបេះដូងភ្លាមតែម្ដង។ប៉ុន្ដែតារារួមអាជីព និងTop Fan មិនចង់ឃើញនីរ័ត្ន ដើរជាន់ដានចាស់ដោយគ្រាន់តែផ្អែមល្ហែមស្នេហ៍១ឆាវក៍ចែកផ្លូវគ្នាទៅវិញនោះទេគឺពួកគេចង់ឃើញនាងបញ្ចប់ពាក្យគេហៅថាជាតារាអភ័ព្វស្នេហាទៀតត្រឹមឆ្នាំ២០២៣ នេះ ព្រោះបើមើលទៅសកម្មភាពរបស់នាងជាមួយបុរសនោះគឺពួកគេចិត្ត១ ថ្លើម១ ទៅហើយ។យ៉ាងណាគេចាំមើលថាលោកគ្រូពេទ្យសុវណ្ណារិទ្ធ នឹងមានប្រតិកម្មបែបណាទៅ ក្រោយឃើញស្រីស្អាតត្រូវប្រុសថ្មីអោបរឹតនាងដោយបង្ហាញក្ដីស្រលាញ់ជាសាធារណៈបែបនេះ?
