នាយករដ្ឋមន្ត្រីអ៊ីស្រាអែល លោកណេតាន់យ៉ាហ៊ូ បានផ្តល់យោបល់ថាប្រទេសរបស់លោកនឹងគ្រប់គ្រង សន្តិសុខ នៅតំបន់ហ្គាហ្សាក្នុងរយៈពេលយូរបន្ទាប់ពីការបញ្ចប់សង្គ្រាមជាមួយក្រុមហាម៉ាស។ឆ្លើយទៅនឹងសំណួររបស់អ្នកកាសែតនៅក្នុងបទសម្ភាសន៍មួយកាលពីថ្ងៃចន្ទថាតើនរណាគួរតែគ្រប់គ្រងតំបន់ហ្គាហ្សាបន្ទាប់ពីសង្គ្រាមលោក ណេតាន់យ៉ាហ៊ូ បាននិយាយថាអ៊ីស្រាអែលនឹងទទួលខុសត្រូវចំពោះសន្តិសុខ សម្រាប់រយៈពេល មិនកំណត់។
លោកបាននិយាយនៅក្នុងបទសម្ភាសន៍ជាមួយ ABC News ថានៅពេលដែលយើងមិនមានទំនួលខុស ត្រូវ ផ្នែកសន្តិសុខនោះអ្វីដែលយើងមានគឺការផ្ទុះនៃភេរវកម្មហាម៉ាសក្នុងកម្រិតមួយដែលយើងនឹកស្មានមិនដល់។ការអត្ថាធិប្បាយរបស់លោកបានកើតឡើងបន្ទាប់ពីប្រធានាធិបតីសហរដ្ឋអាមេរិក លោកចូ បៃដិន ដែលជា សម្ព័ន្ធមិត្តជិតស្និទ្ធបំផុតរបស់គាត់កាលពីខែមុនបានព្រមានអ៊ីស្រាអែលប្រឆាំងនឹងការកាន់កាប់តំបន់ហ្គាហ្សាទាំងស្រុងដោយនិយាយថាការធ្វើដូច្នេះនឹងក្លាយជា កំហុសដ៏ធំមួយ។
ខណៈពេលដែលលោក បៃដិន បានគាំទ្រយ៉ាងខ្លាំងចំពោះសង្រ្គាមរបស់លោក ណេតាន់ យ៉ាហ៊ូ ប្រឆាំងនឹង ក្រុមហាម៉ាស មេដឹកនាំទាំងពីរមានគំនិតខុសគ្នាលើយុទ្ធសាស្ត្រ រួមទាំងកិច្ចខិតខំប្រឹងប្រែងដើម្បីការពារជន ស៊ីវិល និងតម្រូវការសម្រាប់ការផ្អាកក្នុងការប្រយុទ្ធដើម្បីអនុញ្ញាតឱ្យផ្តល់ជំនួយមនុស្សធម៌។
កាលពីថ្ងៃចន្ទ លោកណេតាន់យ៉ាហ៊ូ បានរំលឹកឡើងវិញថានឹងមិនទទួលយកបទឈប់បាញ់ រហូតដល់ក្រុម ហាម៉ាសដោះលែងអ្នកជាប់ឃុំរបស់ខ្លួននៅក្នុងតំបន់ហ្គាហ្សា ប៉ុន្តែបានបង្ហាញពីការបើកចំហរបស់គាត់ចំពោះ ការផ្អាកតិចតួចតាមយុទ្ធសាស្ត្រ” ដើម្បីអនុញ្ញាតឱ្យមានជំនួយមនុស្សធម៌។
លោកបញ្ជាក់ថានឹងគ្មានបទឈប់បាញ់ បទឈប់បាញ់ទូទៅនៅហ្កាហ្សាទេ បើគ្មានការដោះលែងចំណាប់ ខ្មាំងរបស់យើង។ តាមរយៈការផ្អាកតិចតួចមួយម៉ោងនៅទីនេះ មួយម៉ោងនៅទីនោះ យើងធ្លាប់មានវាពីមុនមក។ក្រោមកិច្ចព្រមព្រៀង Oslo កិច្ចព្រមព្រៀងសន្តិភាពអ៊ីស្រាអែល និងប៉ាឡេស្ទីនដំបូងពីទសវត្សរ៍ឆ្នាំ ១៩៩០ តំបន់មួយក្នុងចំណោមតំបន់ដែលបានព្រមព្រៀងគ្នាគឺថាផ្នែកខ្លះនៃតំបន់ West Bank នឹងស្ថិតនៅក្រោម ការគ្រប់គ្រងរបស់ក្រុងប៉ាឡេស្ទីន និងការទទួលខុសត្រូវផ្នែកសន្តិសុខរបស់អ៊ីស្រាអែល។
ប៉ាឡេស្ទីន៖ចំនួនអ្នកស្លាប់នៅហ្គាហ្សាបានកើនឡើងជាង១០.០០០នាក់
ក្រសួងសុខាភិបាលប៉ាឡេស្ទីន បាននិយាយថា យ៉ាងហោចណាស់មនុស្សជាង១០០០០នាក់ត្រូវបានសម្លាប់ នៅក្នុងហ្គាហ្សាចាប់តាំងពីអ៊ីស្រាអែលបានបើកការវាយលុកយោធារបស់ខ្លួនកាលពីមួយខែមុន។
អ៊ីស្រាអែលបានប្រកាសសង្រ្គាមលើក្រុមហាម៉ាស់ បន្ទាប់ពីក្រុមសកម្មប្រយុទ្ធអ៊ីស្លាមបានបើកការវាយប្រហារ យ៉ាងឃោរឃៅកាលពីថ្ងៃទី៧ ខែតុលា ដោយបានសម្លាប់មនុស្ស ១៤០០នាក់នៅអ៊ីស្រាអែល និងចាប់ជំរិតជាង ២៤០ នាក់។អ៊ីស្រាអែលបានសងសឹកដោយការបើកការវាយលុកតាមអាកាសនិងដីលើតំបន់ហ្គាហ្សាដោយប្តេជ្ញាលុបបំបាត់ក្រុមសកម្មប្រយុទ្ធ៕