ភ្នំពេញ ៖ ផ្ទះម៉ាស្សា កោសជប់មួយកន្លែង យុីហោ លាភរហូត ដែលស្ថិតនៅផ្ទះលេខ៤ ផ្លូវ២០០៤ ភូមិត្រពាំងល្វា សង្កាត់កាកាប ខណ្ឌពោធិសែនជ័យ ត្រូវបានកម្លាំងនគរបាលការិយាល័យជួញដូរមនុស្ស និងការពារអនីតិជន ស្នងការរាជធានីភ្នំពេញ ចុះប្រតិបត្តិការបង្ក្រាប និងចាប់ឃាត់ខ្លួនបានប្រុស ស្រី៦នាក់ ដោយជាប់ពាក់ព័ន្ធទៅនឹងករណីប្រព្រឹត្តសញ្ចាកម្ម ។ កិច្ចប្រតិបត្តិការខាងលើ បានអនុវត្តន៍ឡើងកាលពីវេលាម៉ោង៤និង៣០នាទីរសៀល ថ្ងៃទី២៣ ខែមករា ឆ្នាំ២០១៧ ។
មនុស្សទាំង៦នាក់ ដែលសមត្ថកិច្ចឃាត់ខ្លួនបាន ទី១ ឈ្មោះ មែ សុីថា ភេទស្រី អាយុ៣៨ឆ្នាំ ជាម្ចាស់ទីតាំង បើកម៉ាស្សា ។ ទី២ ឈ្មោះ យាយ ស្រី ភេទស្រី អាយុ៥៩ឆ្នាំ មុខរបរជាចុងភៅ ។ ទី៣ ឈ្មោះ សៀម ចែ ភេទស្រី អាយុ២៥ឆ្នាំ មុខរបរ មើលការខុសត្រូវ ហាងខារ៉ាអូខេ វិចិត្រថ្មី ស្នាក់នៅហាងខាងលើ ។ ទី៤ ឈ្មោះ ផន ចាន់នី ភេទស្រី អាយុ២៦ឆ្នាំ មុខរបរ កោសជប់ ម៉ាស្សា ស្នាក់នៅផ្ទះជួល ភូមិត្រពាំងល្វា សង្កាត់កាកាប ។ ទី៥ ឈ្មោះ ចន ស្រីបុ៉ក ភេទស្រី អាយុ២៤ឆ្នាំ មុខរបរ កោសជប់ ម៉ាស្សា ស្នាក់នៅផ្ទះជួល ក្បែរកន្លែងកើតហេតុ ។ ទី៦ ឈ្មោះ ហុង សីហា ភេទប្រុស តែងខ្លួនធ្វើជាស្រី (ខ្ទើយ) បុគ្គលិកបម្រើការងារ នៅហាងខារ៉ាអូខេ វិចិត្តថ្មី ស្នាក់នៅក្នុងហាង ។
តាមនគរបាលបានឲ្យដឹងថា បន្ទាប់ពីកម្លាំងជំនាញ សើុបអង្កេត ឃើញទីតាំងខាងលើ បានប្រព្រឹត្តអំពើសញ្ចាកម្ម បើកបម្រើសេវាផ្លូវភេទ ទើបកម្លាំងនគរបាលការិយាល័យ ជួញដូរមនុស្សនិងការពារអនីតិជន ស្នងការក្រុងភ្នំពេញ ដឹកនាំដោយលោកស្នងការរង និងមានការសម្របសម្រួល ពីលោក លី សុផាណា ព្រះរាជអាជ្ញារង នៃអយ្យកា អមសាលាដំបូងរាជធានីភ្នំពេញ ចំណារឯកភាពលេខ០៧ អ យ ដ ចុះថ្ងៃទី២៣ ខែមករា ឆ្នាំ២០១៧ ទើបកម្លាំងការិយាល័យជំ-នាញ មានការចូលរួមពីនគរបាលមូលដ្ឋាន អាជ្ញាធរ បើកប្រតិបត្តិការបង្ក្រាប ទីតាំងខាងលើ ដែលបានប្រព្រឹត្តជាក់ស្តែង អំពើសញ្ចាកម្ម រកឃើញ ស្រោមប្រើហើយ មួយចំនួន ស្រោមមិនទាន់ប្រើមួយចំនួនទៀត ។
ក្រោយពីឃាត់ខ្លួន មនុស្សពាក់ព័ន្ធទាំង៦នាក់ សមត្ថកិច្ចនាំខ្លួនទៅកាន់ការិ-យាល័យជំនាញ ស្នងការរាជធានីភ្នំពេញ ដើម្បីសាកសួរ និងកសាងសំណុំរឿងចាត់ការទៅតាមនីតិវិធី ៕