ភ្នំពេញ៖សួស វីសា ,ឱក សុគន្ធកញ្ញា និងពេជ្រ សូលីកា ដែលជ្រកកោនក្រោមដំបូលហង្សមាសដូចគ្នានោះមានកូនរៀងៗខ្លួន ខណៈដែលអាជីពចម្រៀងរបស់ពួកគេក៍មិនសូវមានសន្ទុះខ្លាំងដូចកាលនៅក្រមុំឡើយ។ប៉ុន្ដែសួស វីសា ដែលតែងតែបញ្ចេញសារថាជីវិតនាងប្រៀបដូចជាព្រះនាងព្រោះមានស្វាមីចេះថ្នាក់ថ្នមនិងយល់ចិត្តនោះមិនទាន់ហ៊ានពពោះកូនទី២ដូចឱក សុគន្ធកញ្ញា ឡើយដែលការពន្យាពេលយកកូនថែមនេះត្រូវបានគេសន្និដ្ឋានថាវីសា អាចចង់ទប់លំនឹងកុំឲ្យឃ្លាតឆ្ងាយពីឆាកតន្រ្ដីជាលើកទី២យូខែជាថ្មី ក៍ដូចជាការពារកុំឲ្យធ្លាក់ចុះថែម ដែលខុសពីឱក សុគន្ធកញ្ញា នាងត្រូវតែពពោះកូនទី២ ព្រោះដើម្បីរឹតចំណងស្នេហាឲ្យកាន់តែរឹងមាំ និងម្យាងស្វាមីនាងជាអគ្គនាយកទូរទស្សន៍ហង្សមាស ខណៈបងថ្លៃនាងជាថៅកែផលិតកម្មហង្សមាសហេតុនេះជម្ទល់ក្រាស់បែបនេះគេជឿរថានាងមិនងាយធ្លាក់ចុះដោយងាយៗនោះទេ ។
ប៉ុន្ដែវីសា ផ្ទុយពីនេះព្រោះបំណងនាងចូលហង្សមាសដំបូងចង់បានតំណែងលេខ២ ពោលគឺឈនៅលេខរៀងបន្ទាប់ពីឱក សុគន្ធកញ្ញា តែបច្ចុប្បន្ននៅតែមិនអាចធ្វើបានហើយកាន់តែចង្អៀតថែមទៀតដោយសារតែតារាស្រីជើងខ្លាំងនៅហង្សមាសមានកាន់តែច្រើន ។អ្វីដែលគូរឲ្យកត់សម្គាល់នោះវីសា ដែលក្លាយជាCoach កម្មវិធីThe Voice Kids Cambodia រដូវកាលទី២ នោះបានតែ១រដូវកាលនាងក៍បាត់បង់តំណែងធំនោះហើយរហូតមកដល់ពេលនេះថៅកែ មិនទាន់ឲ្យកៅអីថ្មីដើម្បីលួងចិត្តនាងវិញឡើយ ។ប៉ុន្ដែវីសា ក៍មិនដែលបង្ហាញអារម្មណ៍អាកអន់ស្រពោនចិន្ដា ជាមួយហង្សមាសដែរគឺរក្សារភាពស្ងៀមស្ងាត់ ហើយពេលនេះនាងចេញច្រៀងសម្ដែងតាមបណ្ដារឆាកតន្រ្ដីទាំងឡាយជាធម្មតា បើទោះជាមុននេះនាងកើតជំងឺរលាកបំពង់ករធ្ងន់ធ្ង ទៅព្យាបាលដល់ថៃជាង១ឆ្នាំ និងទើបតែវិលមកកាន់ក្បាលមីក្រូវិញកាលពីចុងឆ្នាំ២០២២ ក្ដី ប៉ុន្ដែជំងឺចាស់មិនរំខាននាងជាថ្មីទេ បើទោះជាមុនឡើងឆាកគ្រូពេទ្យថៃ បានព្រមាននាងថាហាមប្រើប្រាស់សម្លេងក្ដី តែជាអ្នកចម្រៀងបើមិនឲ្យប្រើសម្លេង តើប្រើអីវិញទៅ ?
សួស វីសា ក្រោយមានស្វាមីនិងកូន១ពេលនេះនាងហាក់រាងបែកសាច់ និងឡើងគីឡូមិនទាន់ស្រកចុះដូចកាលនៅក្រមុំឡើយ ដែលនេះក៍ជាឧបស័ក្កមួយដល់អាជីពនាងដែរ ។ប៉ុន្ដែភរិយាលោកថមមី ហាក់មានក្ដីសុខខ្លាំងក្នុងគ្រួសារ ដោយមានស្វាមីរូបសង្ហារនិងកូនស្រីស្អាត។អតីតតារាRock រូបនេះជិះរថយន្ដទំនើបៗជាច្រើនគ្រឿងឆ្លាស់គ្នាLexus Lx570 ,Bmw ,Lexus Nx200t និងMazda ជាដើម តែនាងនៅមានបំណងធំមួយទៀតមិនទាន់បានសម្រេចក្នុងជីវិតគឺក្ដីស្រម៉ៃចង់ជិះរថយន្ដRolls Royce ដូចតារាមួយចំនួន ខណៈដែលពេលនេះអាជីវកម្មតាមOnline របស់នាងក៍មិនសូវសកម្មដូចមុនទៀតដែរ។
អ្នកជំនាញសិល្បៈបានលើកឡើងថាសួស វីសា អាចនឹងបានតំណែងថ្មីឡើងវិញនាពេលខាងមុខ ប្រសិនបើថៅកែហង្សមាសចង់រក្សារនាងទុក ព្រោះនាងក៍ជាអ្នកចម្រៀងដែលមានសម្ថភាពមិនចាញ់ឱក សុគន្ធកញ្ញា ឡើយ។ប៉ុន្ដែសម្រាប់ការប្រជែងអាជីពចម្រៀងយកលំដាប់ជូរមុខនាពេលនេះរបស់វីសា ហាក់ពិបាកជាងមុន ព្រោះមិនមែនតែរូបនាងម្នាក់ទេ តែតារាជាច្រើននាក់មកហើយក្រោយមានស្វាមីនិងកូនអាជីពសិល្បៈរបស់ពួកគេមានការប្រែប្រួល ។សម្រាប់វីសា ក៍ទទួលស្គាល់ដែរមុនថ្ងៃរៀបការថាទាំងរូបនាងនិងស្វាមីការងារសិល្បៈនិងមិនដូចមុនទៀតទេ ក្រោយចូលរោងការ ។ប៉ុន្ដែនាងថាមិនអាចពន្យារៀបការពេលតទៅទៀតបានកាលពីចុងខែវិច្ឆិកា ២០១៩ ដោយសារតែចាស់ៗទាំងសងខាងចាស់ៗអស់ទៅហើយ ។
សួស វីសា ស្ថិតក្នុងចំណោមតារាដែលជ្រើសស្វាមីជាអ្នកសិល្បៈដូចគ្នាមានដូចជាអ្នកនាងគង់ សុជាតិ,ពេជ្រ សោភា ,កុល ដាវី ,គង់ ច័ន្ទស្រីមុំ ,ប៉ាច គីមមួយ,ទេព បូព្រឹក្ស និងម៉ានីកា ជាដើម។ក្រោយវីសា ចាប់ដៃលោកថមមី ៤ឆ្នាំមកនេះអ្នកទាំងពីរមានជីវភាពធូធារ មានដីធ្លី និងផ្ទះច្រើនកន្លែង ដែលផ្ទុយពីមុនវីសា ធ្លាប់រស់នៅបន្ទប់ជួល និងជះម៉ូតូឌុប ទៅធ្វើការ។តែបច្ចុប្បន្ននាងស្ថិតក្នុងចំណោមតារាលេងម៉ូដឡានថ្លៃៗ ហើយមិនយូទេ តារាកូន១ នឹងត្រូវស្វាមី ធ្វើឲ្យសប្បាយចិត្តមួយក្រឺតទៀតនោះគឺការទិញរថយន្ដRolls Royce ឲ្យនាងជិះដូចក្ដីសុបិន ៕
