ភ្នំពេញ៖តារាសម្ដែងនិងបង្ហាញម៉ូដលោកហូរ ប៉ូសេង ហៅសេង មង្គល ដែលគេធ្លាប់សង្ស័យថាលោកមានស្នេហាជាមួយថៅកែពេជ្រទ្រី ដាណា នោះនៅទីបំផុតអនាគតស្វាមីរបស់សេដ្ឋីរូបនេះរូបនេះគឺជាលោករស់ រាជ្ជសាល ឯណ្ណោះទេ ក្រោយអ្នកទាំងពីរបានភ្ជាប់ពាក្យជាមួយគ្នាកាលពីថ្ងៃទី៩ ខែ១១ ។សម្រាប់លោកមង្គល វិញ១សប្ដាហ៍ហើយដែលលោករក្សារភាពស្ងៀមស្ងាត់ហើយគ្មានការចែកចាយ(Share) អ្វីទាំងអស់ពាក់ព័ន្ធថៅកែភ្ជាប់ពាក្យ និងថតPre-Wedding ដែលត្រៀមរៀបការនៅថ្ងៃទី៣ ខែ១២ ឆ្នាំ២០២៣ ខាងមុខនេះ។អ្នកលេងបណ្ដាញសង្គមជាច្រើនគិតថាពេលនេះលោកមង្គលកំពុងតែខូចចិត្តខ្លាំង ព្រោះរូបលោកជាអ្នកស្និតស្នេហ៍ថៅកែមុន ប៉ុន្ដែទីបំផុតសេដ្ឋីនីរូបនេះបែជាជ្រើសយកបុរសផ្សេងក្រៅពីរូបលោកទៅវិញ ។អ្វីដែលលោកមង្គល បង្ហាញឲ្យគ្រប់គ្នាដឹងថាលោកពិតជាតុកស៊ិកខ្លាំងនោះគឺនៅថ្ងៃថៅកែភ្ជាប់ពាក្យក្រុមតារាដែលធ្វើការឲ្យអ្នកលក់Online រូបនេះសឹងគ្រប់គ្នាទៅចូលរួមនិងសាទរនិងចាយចាយពិធីនោះពេញបណ្ដាញសង្គម តែលោកវិញបែជាទៅដើរលេងនៅថៃ និងឡាវដោយទឹកមុខក្រៀមស្រពោនទៅវិញ។ប្រភពបានឲ្យដឹងថាចាប់ពីពេលនេះតទៅលោកមង្គល និងអស់ឱកាសបង្ហាញភាពស្អិតល្មូតជាមួយថៅកែទៀតហើយ ខណៈដែលក្នុងនាមជាBA របស់ផលិតផលថៅកែម្នាក់នោះគេនៅមានភាពស្រពិចស្រពិលថាតើលោកមង្គល នឹងអាចបន្ដធ្វើការងារមួយនេះតទៅទៀតឬយ៉ាងណា ?
លោកស្រីទ្រី ដាណា បានឆ្លើយតបទៅសំណួររបស់Fan ពាក់ព័ន្ធលោកមង្គលនោះថារូបគេនៅតែធ្វើការឲ្យលោកស្រីដដែល ។ប៉ុន្ដែពាក់ព័ន្ធរឿងលោកមង្គលមិនចូលរួមពិធីភ្ជាប់ពាក្យរបសលោកស្រី ឬគ្មានសារណាមួយជូនពរនោះថៅកែស្រីរូបនេះថាលោកស្រីក៍មិនដឹងដែរ ដឹងត្រឹមតែថាលោកមង្គល កំពុងនៅបរទេស។
ទោះជាយ៉ាងណារឿងរ៉ាវដែលទស្សនិកជនកំពុងតែសង្ស័យថាលោកសេង មង្គល កំពុងតែខូចចិត្តខ្លាំងព្រោះតែថៅកែស្រីលក់ពេជ្រ បានទៅបុរសផ្សេងនោះអាចនឹងលាងជម្រះទៅបាន ឬនឹងឃើញភាពពិតជាក់ស្ដែងនៅថ្ងៃដែលថៅកែរៀបការថ្ងៃទី៣ ខែ១២ ខាងមុខ បេះដែលគេអាចសង្កេតបានថាប្រសិនបើលោកមង្គល ហៅសេង លេចមុខទៅចូលរួមពិធីនោះមែននោះអាចបញ្ជាក់បានថាលោកនៅតែធ្វើការឲ្យថៅកែជាធម្មតាជាមិនខាន និងត្រូវបានគេចាត់ទុកថាលោកចេះបែងចែកដាច់ស្រឡះរវាងស្នេហានិងការងារមិនឲ្យឡូកឡំគ្នាឡើយ ។ចំណែកតារាសិល្បៈដែលរួមអាជីពបាននាំគ្នាខ្សឹបខ្សៀវគ្នាថាដោយសារតែលោកមង្គល អត់ច្បាស់លាស់នៅស្ទាក់ស្ទើពេកទើបសេដ្ឋីនីធ្លាក់ទៅដៃប្រុសផ្សេងបែបនេះ។ប៉ុន្ដែខ្លះទៀតថាលោកមង្គល គ្មានសញ្ញាពីថៅកែឲ្យចូលចែចូវទើបលោកមកមុនគេបែជាដើរយឺត១ជំហ៊ានបែបនេះ ។
គូរបញ្ជាក់ថាលោកសេង មង្គល ជាបុរសរូបសង្ហារដែលមានសាច់ដុំធំកង់ៗ ហើយមានទាំងស្រីក្មេងនិងវ័យចំណាស់តាមស្នេហាលោករហូតមានពាក្យចរចាមអារ៉ាមខ្លះថាលោកមានប្រុសខ្លះក៍តាមស្នេហាលោកដែរ ។តែប៉ុន្មានឆ្នាំចុងក្រោយនេះលោកមង្គល ត្រូវបានគេម៉ៃថាលោកមានស្នេហាជាមួយនារីដល់ទៅ២នាក់ក្នុងពេលតែមួយនោះគឺជាមួយស្រីស្អាតហ៊ិន ច័ន្ទនីរ័ត្ន តែកាលពីថ្ងៃទី២៧ខែ១០ នីរ័ត្ន បានភ្ជាបពាក្យជាមួយលោកឌី ពេជ្រ នឹងត្រៀមរៀបការនៅថ្ងៃទី២២ខែ១២ ឆ្នាំ២០២៣ ខណៈដែលលោកស្រីទ្រី ដាណា បានភ្ជាប់ពាក្យជាមួយលោករស់ រាជ្ជសាល នឹងត្រៀមរៀបការនៅថ្ងៃទី៣ ខែធ្នូ ឆ្នាំ២០២៣ ។
អ្នកលេងបណ្ដាញសង្គមបានលើកឡើងថាត្រឹមតែមួយពព្រិចភ្នែកសោះលោកមង្គល បានបាត់បង់មនុស្សស្រីដែលគេសង្ស័យថាមានទំនាក់ទំនងស្នេហាជាមួយដល់ទៅ២នាក់ព្រមគ្នា ដែលធ្វើឲ្យលោក”ស្រីរ៉ស់ក៍រួច ទន្សាយក៍រួច “ ហេតុនេះហើយបើមិនឲ្យលោកទៅរំសាយអារម្មណ៍នៅបរទេសម៉ារយៈទេ តើចង់ឲ្យលោកត្រូវធ្វើម៉េចទៅ ?ប៉ុន្ដែមានការលើកឡើងដែរថាលោកមង្គល អាចនឹងបង្ខំចិត្តត្រូវព្យាបាលដួងចិត្តត្រឹមមួយរយៈពេលខ្លីប៉ុណ្ណោះ មិនយូទេលោកនឹងបានជួបគូស្នេហ៍ថ្មីជាមិនខាន ព្រោះលោកមានជម្រើសស្នេហ៍ច្រើនណាស់ ឲ្យតែចង់ព្យាបាលដំបៅបេះដូងនោះច្បាស់ជាមានស្រីថ្មីស្ម័គ្គចិត្តមកធ្វើជាគ្រូពេទ្យភ្លាម។តែគេមិនទាន់ដឹងថាស្នេហ៍ក្រោយនេះលោកចង់បានប្រពន្ធជានារីមានទ្រព្យស្ដុកស្រាប់ ឬក៍ជាតារារួមអាជីពដូចគ្នា ?
