ភ្នំពេញ៖ក្រោយ១ថ្ងៃនៃការប្រារពខួបកំណើតកូនប្រុសគម្រប់អាយុ១១ឆ្នាំ កាលពីថ្ងៃទី១១ ខែ១១ ឆ្នាំ២០២៣ ឱក សុគន្ធកញ្ញា បានចេញសារដាស់តឿនដល់មនុស្សទាំងឡាយថាចង់ធ្វើអ្វី ចង់បានអ្វីប្រញ៉ាប់ធ្វើទៅព្រោះពេលវេលាមិនចាំយើងទេ គឺពីមួយថ្ងៃទៅមួយថ្ងៃដើរទៅមុខជានិច្ច ហើយបើក្រឡេកមកមើលមនុស្សក្នុងគ្រួសារវិញក៍បន្ថែមវ័យបន្ដិចម្នាក់ដែរ ។ប្អូនថ្លៃថៅកែហង្សមាសរូបនេះក៍បានប្រាប់ពីមូលហេតុដែលនាងបានសម្រេចចិត្តយកកូនទី២ ដែរថានោះគឺដើម្បីកុំឲ្យកូនប្រុសទី១របស់នាងឆលី នៅម្នាក់ឯងអផ្សុក ទើបត្រូវតែមានប្អូន។ប៉ុន្ដែអំឡុងផ្ទៃពោះកាន់តែរីកធំនេះសុគន្ធកញ្ញា នៅមិនទាន់ឈប់សម្រាកពីសិល្បៈនោះទេ ពោលគឺបន្ដធ្វើការធម្មតាពិសេសគឺការថតស្ពតខ្លីៗ។តែសម្រាប់ការច្រៀងសម្ដែងនារដូវក្ដៅនេះដែលតារាល្បីៗមមាញឹកខ្លាំងពីខែ១១ ឆ្នាំ២០២៣ ដល់ខែ៤ ឆ្នាំ២០២៤ នោះសុគន្ធកញ្ញា អាចនឹងកាត់បន្ថយការចេញច្រៀងសម្ដែងពីឆាក១ទៅឆាក១ដូចកាលនាងមិនទាន់ពពោះជាមិនខាន ហើយការរាំក្បាច់កាចនិងសាហាវៗក៍ត្រូវបានផ្អាកដែរ ដើម្បីកុំឲ្យប៉ៈពាល់ដល់សុខភាពទារកក្នុងផ្ទៃរបស់នាង។
គូរកត់សម្គាល់ថាឱក សុគន្ធកញ្ញា ក្រោយមានស្វាមីជាង៤ឆ្នាំ នេះអាជីពចម្រៀងរបស់នាងមិនសូវមានសន្ទុះខ្លាំងដូចកាលនៅលីវទេ បើទោះជាមិនទាន់មានតារាស្រីរូបណានៅហង្សមាសវ៉ានាងក៍ដោយ។ប៉ុន្ដែកញ្ញា រស់នៅពោពេញទៅដោយសុភមង្គលទើបគេចាត់ទុកនាងជាតារាដែលជោគជ័យទាំងអាជីពសិល្បៈ និងស្នេហា ព្រមគ្នាជាង៤ឆ្នាំចុងក្រោយនេះ។បន្ទាប់ពីសុគន្ធកញ្ញា សម្រាលកូនស្រីនៅដើមឆ្នាំ២០២៤ ខាងមុខនេះគេជឿរថានាងកាន់តែទទួលបានការថ្នាក់ថ្នមពីស្វាមីនាងលោកអ៊ឹង សុខលី ទ្វេដងជាមិនខានដែលនាំឲ្យអ្នកដែលព្យាករណ៍មុននាងរៀបការថាតារារូបនេះអាចនឹងទឹកភ្នែកព្រោះលោកលី មានស្រីក្មេងៗច្រើនតោងស្នេហ៍លោកតាមរយៈការពឹងពាក់រឿងការងារសិល្បៈនោះ ទីបំផុតការសន្និដ្ឋានទាំងនោះគឺខុសពីស្ថានភាពបច្ចុប្បន្នព្រោះអគ្គនាយកទូរទស្សន៍ហង្សមាសរូបនេះបានឲ្យតម្លៃភរិយាលោកខ្លាំងដូចជាហៅនាងថាជា”ឧត្តមភរិយា “ និង”មាតាដៃ១០០ “ទៀតផង។ចំណែកអ្នកសិល្បៈរួមអាជីពវិញមួយចំនួនបានហៅសុគន្ធកញ្ញា ថា”ជំទាវ” និងខ្លះទៀតហៅលោកសុខលី ថា”លោកឧកញ៉ា”ជាដើម បើទោះជាគេមិនទាន់ឃើញព្រះរាជក្រឹត្យផ្ដល់គោរម្យងារជាផ្លូវការពីព្រះមហាក្សត្រជីវិតតម្កល់លើត្បូងក្ដី ប៉ុន្ដែគេជឿរថាការទិញគោរម្យងារមួយនេះមិនមានអ្វីជាឧបស័គ្គនោះទេ ប្រសិនបើលោកសុខលី ចង់បានទោះជាត្រូវចំណាយទឹកប្រាក់ដល់ទៅ៥០ម៉ឺនដុល្លារក្ដី ព្រោះថាក្នុង១ឆ្នាំៗលោកបានរកប្រាក់ចំណូលពីការរៀបចំប្រគុំតន្រ្ដីដល់ទៅខ្ទង់លានដុល្លារឯណ្ណោះ ។
សូមបញ្ជាក់ថាឱក សុគន្ធកញ្ញា អាយុ៣៧ឆ្នាំ ទើបបានទិញផ្ទះអាជីវកម្មថ្មីនិងសម្ពោធហាងកាបូបកាលពីខែមុននៅក្បែផ្សារMega Mall 271 បុរីជីពម៉ុងលែន ខណៈដែលនាងមានផ្ទះវីឡារមួយទៀតនៅបុរីអ័រគីដេវីឡា និងបន្ទប់ខុនដូផ្សេងទៀត។គេកត់សម្គាល់ថាបើទោះជាអាជីពចម្រៀងរបស់ឱក សុគន្ធកញ្ញា លែងសូវផ្ទុះដូចមុនក្ដី ប៉ុន្ដែនាងនៅតែក្ដាប់ទីផ្សារស្ពតពាណិជ្ជកម្មធំៗ ក្នុងកណ្ដាប់ដៃណែនដដែល ខណៈដែលតំណែងជាJudge និងCoach នាងនៅហង្សមាសច្រើនជាងតារាស្រីផ្សេងៗទៀត ព្រោះស្វាមីនាងជាអ្នកគ្រប់គ្រងនិងដឹកនាំបណ្ដារកម្មវិធីទាំងនោះដោយផ្ទាល់តែម្ដង។ចំណុចខាងលើនេះហើយដែលគេអាចមើលឃើញថាបើសុគន្ធកញ្ញា មិនសូវមានបទចម្រៀងចេញច្រើន ឬអត់មានបទល្បីៗដូចមុនទៀតក៍នាងអាចទប់លំនឹងជាតារាស្រីឈានមុខគេរបស់ហង្សមាសបានតទៅទៀតដោយគ្មានបញ្ហាចោទឡើយ ។ដោយឡែកអ្នកជំនាញសិល្បៈលោកនូ ស៊ឹប បានលើកឡើងថាឱក សុគន្ធកញ្ញា ទោះជាមានកូ៤ ឬ៥នាក់ ក៍នៅតែល្បីដែរ ព្រោះសម្លេងល្អ ប៉ុន្ដែទាមទារឲ្យនាងត្រូវចេះធ្វើខ្លួនឲ្យសាកសមជាតារា និងមានសុខភាពល្អដែរទើបអាចទៅរួច ។
ក្រៅពីឱក សុគន្ធកញ្ញា តារាដែលជិតបានកូន២មាននាងជាស៊ឹម សូលិកា ម្នាក់ទៀតដែលកំពុងពពោះនឹងត្រៀមសម្រាលដូចគ្នា ។ដោយឡែកតារាដែលស្ងាត់រឿងតាមយកកូនទី២ វិញមានដូចជាពេជ្រ សូលីកា ,សួស វីសា ,កុល ដាវី ,នៅ សុនិតា និងឌុច លីដា ជាដើម។
មជ្ឈដ្ឋានមហាជនរងចាំមើលថាតើឱក សុគន្ធកញ្ញា នឹងត្រូវស្វាមីរបស់នាងរៀបជើងព្រួលបែបណាទៅក្រោយនាងសម្រាលកូនទៅ២ ដើម្បីកុំឲ្យកញ្ញា ធ្លាក់ចុះដូចតារាមួយចំនួនទៀតដែលមានប្ដីនិងកូនរួចពិបាកស្ដរមុខមាត់?