ភ្នំពេញ៖សុខ សោម៉ាវត្តី បានផ្ដាំទៅដៃគូស្នេហានាងថាកុំឲ្យស្រលាញ់ស្រីផ្សេង ក្រៅពីនាង តែនាងមិនប្រាប់ថាប្រុសកំពូលស្នេហានាងនោះជាបុរសរូបណាទេ ។ប៉ុន្ដែក្រោយចែកផ្លូវពីកីឡាករលី វ៉ាហេទ ជិត២ឆ្នាំមកវត្តី ស្និតស្នេហ៍តែបុរសម្នាក់គត់នោះគឺជាថៅកែហាងថតរូបPre- Wedding ដ៍ល្បីឈ្មោះមួយដែលនាងនិងបុរសនោះធ្លាប់បានអោបរឹត និងបណ្ដើរគ្នាជាចំហទៅកម្មវិធីមិត្តភក្ដិម្ចាស់ហាងថតរូបនោះដោយបើកចំហទៀតផង បើទោះជានាងមិនដែលហ៊ានផុសរូបនោះដោយផ្ទាល់ក្ដី ប៉ុន្ដែកន្លងមកបុរសចំណាស់កូនកាត់ចិនរូបនោះធ្លាប់បញ្ចេញរូបលោកកៀកកើយគ្នាមួយពិធីការិនីកូន១រូបនេះតាមហ្វេសបុកដោយប្រកាសថាលោកស្រលាញ់អ្នកមេម៉ាយរូបនេះចំៗតែម្ដង។យ៉ាងណាគេនៅមិនទាន់មានដំណឹងថាសោម៉ាវត្តី និងថៅកែគ្រោងភ្ជាប់ពាក្យឬត្រៀមខ្លួនចូលរោងការដូចមិត្តភក្ដិដ៍ជិតដិតរបស់នាងហ៊ិន ច័ន្ទនីរ័ត្ន ដែលបានធ្វើនាពេលនេះឡើយ ។ប៉ុន្ដែផ្ទុយទៅវិញស្ងាត់ៗបែជាលេចសញ្ញាវត្តី ហាក់ចង់ហួងហែងថៅកែទៅវិញតាមរយៈការព្រមានទៅដែគូស្នេហ៍របស់នាងកុំឲ្យបេតីស្រីណា ក្រៅពីនាង ដែលសកម្មភាពបែបនេះ ប្រសិនបើវត្តី ចង់ផ្ញើរសារទៅថៅកែនោះមែន មានន័យថានាងកំពុងតែប្រចណ្ឌលោកខ្លាំងពេកហើយ ។
សុខ សោម៉ាវត្តី បានបង្ហាញខ្លួនសាទរថ្ងៃហ៊ិន ច័ន្ទនីរ័ត្ន ជប់លៀងលាភាពនៅលីវកាលពីពេលថ្មីៗនេះ តែនៅពេលដែលអ្នករួមអាជីពសួរនាងថាពេលណាទើបរៀបការជាលើកទី២នោះនាងបែជានិយាយមិនចេញ និងពេលខ្លះថែមទាំងថាមិនដឹងជាត្រូវរៀបការជាមួយអ្នកណាទៅវិញ ។យ៉ាងណាក្រោយបរាជ័យស្នេហា២លើកសោម៉ាវត្តី បានប្ដូរយុទ្ធសាស្រ្ដក្នុងការភ្ជាប់ស្នេហ៍ថ្មីតាមរយៈការជ្រើសបុរសម្នាក់ដែលមានវ័យចំណាស់វិញម្ដង លែងសូវទុកចិត្តប្រុសក្មេងដូចស្នេហាលើកទី២ ទៀតហើយ។ចំណែកតារារួមអាជីពបានជម្រុញឲ្យវត្តី យកប្ដីចាស់តែមានទ្រព្យស្ដុកនិងកុំមើលរំលងងារជំទាវ ប៉ុន្ដែអ្នកមេម៉ាយរូបស្រស់នេះក៍មិនខុសពីនីរ័ត្ន ដែរពោលគឺបុរសដែលនាងព្រមប្រគល់បេះដូងឲ្យលុះត្រាតែនាងស្រលាញ់ប្រុសនោះដែរ ទើបអាចទៅរួច មិនមែនឲ្យតែមានលុយដណ្ដើមបានបេះដូងនាងដោយងាយឡើយ ។ចំណុចនេះហើយដែលធ្វើឲ្យតាតាឧកញ៉ាខ្លះលួចស្នេហ៍វត្តី ជាច្រើនឆ្នាំហើយចង់ចូលខ្លួនទៅស្អំបេះដូងនាងបានសម្រេចចិត្តដកថយទៅវិញ ហើយចុងក្រោយមានតែលោកថៅកែហាងថតរូបនោះម្នាក់ប៉ុណ្ណោះ ដែលត្រូវបានពិធីការនីរូបនេះទុកចិត្ត បើទោះជាមិនទាន់ច្បាស់១០០% ថានាងនិងថៅកែនឹងឈានទៅដឹកដៃគ្នាចូលរោងការនាពេលខាងមុខក្ដី តែច្រើនខែមកនេះអ្នកទាំងពីរយល់ចិត្តគ្នាបានច្រើននិងទំនាក់ទំនងគ្នារកាន់តែលូនទៅមុខ គ្មានឧបស័គ្គឡើយ ។
សុខ សោម៉ាវត្តី ស្ថិតក្នុងចំណោមតារាម្នាក់ដែលធ្លាក់ខ្លួនមេម៉ាយតែនៅរក្សារទីផ្សារសិល្បៈបានទាំងការថតភាពយន្ដនិងMC ដែលឈនៅលំដាប់ជូរមុខនាពេលបច្ចុប្បន្ន។ប៉ុន្ដែអំឡុងពេលដែលវត្តី កំពុងពិសោធន៍ស្នេហ៍ថៅកែនេះនាងលែងសូវសម្រុកថតភាពយន្ដដូចមុន ដោយផ្ដោតតែនៅលើការពង្រឹងអាជីពជាMC នៅបាយ័ន ប៉ុណ្ណោះ។ប្រភពខ្លះបង្ហើបថាវត្តី មានបុរសទាំងក្នុង និងក្រៅស្រុកតាមស្នេហាក្រោយនាងចែកផ្លូវវ៉ាហេទ ដោយប្រុសខ្លះសុំធានារូបនាងនិងកូនស្រីទៅរស់នៅស្រុកក្រៅទៀតផង ប៉ុន្ដែចុងក្រោយនាងនៅតែនៅតែចង់សាកល្បងជាលើកទ៣ ក្នុងការជ្រើសផ្លូវសាងស្នេហ៍”ជួញឆ្ងាយ ប្រសើរជាងជួញជិត “ ។តែនាងធ្លាប់ប្រាប់អ្នកយកព័តមានយើងថាអត់ចង់រៀបការជាលើកទី២ ឡើយ ព្រោះធ្លាប់ការម្ដងហើយ ។ប៉ុន្ដែគូស្នេហ៍នាងវិញបែជាចង់បញ្ចេញស្នេហាមួយនេះជាសារធារណៈនិងចង់រៀបការដូចគ្នាទៅនិងគូស្នេហ៍របស់ច័ន្ទនីរ័ត្ន នាពេលនេះដែរ។
ទស្សនិកជនរងចាំមើលថាអ្នកមេម៉ាយរូបស្អាតសុខ សោម៉ាវត្តី នឹងហ៊ានបណ្ដើរគូស្នេហ៍ថ្មីទៅកៀកកើយគ្នាដោយចំហ នៅថ្ងៃមង្គលការរបស់ហ៊ិន ច័ន្ទនីរ័ត្ន ដែរទេ ព្រោះថាលោកថៅកែហាងថតរូបនោះក៍ស្គាល់និងរាប់អានគ្នាជាមួយនីរ័ត្ន ដែរហេតុនេះលោកនឹងទៅបង្ហាញខ្លួននៅថ្ងៃអាពាហ៍ ពិពាហ៍ ដ៍ធំនោះជាមិនខាន ។ចំណែកFan សោម៉ាវត្ដី វិញជឿរថាតារាកូន១រូបនេះ អាចនឹងប្ដូរចិត្តហ៊ានរៀបការម្ដងទៀតតាមការស្នើរសុំរបស់ថៅកែ ដែលពេលនោះនាងក៍អាចលុបដានស្នេហ៍ចាស់ដែលធ្វើឲ្យនាងដំបៅបេះដូងអស់២លើកមកហើយនោះបានដែរ ៕
