ភ្នំពេញ៖ពាក្យចាស់ពោលថា”កកក៍បាយ មេម៉ាយក៍ស្រី កន្ទុយបារី ក៍ថ្នាំ” ហេតុនេះហើយបានជាមានបុរសមិនតិចនាក់ទេដែលស្ម័គ្រចិត្តយកប្រពន្ធមេម៉ាយ និងរស់នៅយ៉ាងសុខសាន្ដ។ប៉ុន្ដែបើនៅក្នុងរង្វង់អ្នកសិល្បៈវិញ តារាប្រុសរូបសង្ហារដែលយកប្រពន្ធមេម៉ាយភាគច្រើនភាគីខាងស្រ្ដីច្រើនតែមានទ្រព្យធនជាងបុរស ជាក់ស្ដែងដូចជានៅឆ្នាំ២០២៣ នេះមានតារាដល់ទៅ៨ដួងដែលកំពុងសាងស្នេហ៍ជាមួយអ្នកមេម៉ាយដោយគ្មានឧបស័គ្គឡើយ។
១៖ផាណូៈអតីតតារាសម្ដែងរូបនេះបានរៀបការជាមួយអ្នកនាងខាត់ សុឃីម កាលពីថ្ងៃទី១២ ខែធ្នូ ឆ្នាំ២០១២ ពោលគឺចាប់ដៃគ្នារយៈពេល១២ឆ្នាំនេះពួកគេទទួលបានចំណងដៃកូនកូនស្រី១ឈ្មោះបញ្ញា ហ្វូតូស្អាត អាយុជិត១០ឆ្នាំ។អ្នកនាងសុឃីម បានស្គាល់ស្នេហាពិតនិងរស់នៅយ៉ាងមានសុភមង្គលព្រោះស្វាមីក្មេងស្រលាញ់នាងនិងក្រុមគ្រួសារព្រមទាំងចាត់ទុកកូនប្រុសច្បងនាងឈ្មោះស្កាយ ដូចកូនលោកបង្កើតដែរ ។
២៖ជា វិបុលៈអតីតFreshie Boy លេខ១ រូបនេះបានរៀបការជាមួយអ្នកនាងគង់ សុជាតិ កាលពីថ្ងៃទី៩ វិច្ឆិកា ២០១៣ ដែលចំណងស្នេហាជាង១០ឆ្នាំ នេះពួកគេទទួលបានកូនស្រីម្នាក់ឈ្មោះជា សុជាតិនារី ហៅដូរី អាយុជិត៧ឆ្នាំ។សុជាតិ ដែលត្រូវមហាជនចាត់ទុកថាជាសេដ្ឋីម្នាក់ក្នុងសិល្បៈនោះបានជួបវិបត្តិផ្លូវចិត្តធ្ងន់ធ្ងរកាលពីពាក់កណ្ដាលឆ្នាំ២០២០ ក្រោយផ្ទុះរឿងលោកវិបុល បង្កាត់ភ្លើងស្នេហាជាមួយអ្នកនាងចាន់ កែវនិមល នៅក្រៅផ្អើលពេញផ្ទៃប្រទេស។ប៉ុន្ដែពេលនេះលោកវិបុល បានសន្យាថាលោកស្រលាញ់តែភរិយានិងកូនលោក និងថាគ្មានស្រីណាអាចប្រៀបធៀបជាមួយប្រពន្ធលោកបានឡើយទើបធ្វើឲ្យសុជាតិ កក់ក្ដៅឡើងវិញ ស្របពេលដែលលោកវិបុល ក៍ស្រលាញ់កូនប្រុសស្រីរបស់សុជាតិ ដូចជាកូនលោកបង្កើតដែរ។
៣៖អេង រិទ្ធីៈអតីតតារាសម្ដែងលោកម៉ែន អេង ហៅអេង រិទ្ធី បច្ចុប្បន្នជាអភិបាលរងខេត្តស្វាយរៀង និងជាប្រធានក្រុមពិធីករប៉ុស្ដិ៍បាយ័ននោះបានរៀបការជាមួយអ្នកមេម៉ាយកូន១ស៊ឹម សូលិកា កាលពីថ្ងៃទី៩ ខែកញ្ញា ឆ្នាំ២០១៩ ហើយពេលនេះសូលិកា កំពុងតែពពោះកូនស្រីនឹងត្រៀមសម្រាលនៅដើមឆ្នាំ២០២៤ ។
៤៖ឆឹម សក្កដាៈបុរសសង្ហាររូបនេះបានភ្ជាប់ពាក្យជាមួយអ្នកមេម៉ាយពេជ្រ សោភា កាលពីថ្ងៃទី១១ ខែវិច្ឆិកា ឆ្នាំ២០២២ នឹងត្រៀមរៀបការនៅឆ្នាំ២០២៣ នេះតែត្រូវបានលុបចោលវិញទាំងមិនប្រាប់មូលហេតុច្បាស់លាស់។យ៉ាងណាតាមព័តមានថាគូស្នេហ៍ដ៍សាកសមគ្នាសក្កដា-សោភា ដែលខ្លះនៅតែមិនជឿរថាពួកគេស្រលាញ់គ្នាមែនទែននេះនឹងត្រៀមរៀបការម្ដងទៀតនៅឆ្នាំ២០២៤ ។
៥៖ណាខុនៈតារាសម្ដែងសង្ហាររូបនេះបានភ្ជាប់ពាក្យជាមួយអ្នកមេម៉ាយកូន១ទ្រព្យស្ដុកម្នាក់ឈ្មោះលីន កាលពីថ្ងៃទី៨ ខែមករា ឆ្នាំ២០២១ តែពេលនេះគ្មានដំណឹងអ្នកទាំងពីររៀបការឡើយ។តាមប្រភពថាភរិយាលោកណាខុន ជាជំនួយការរបស់កូនមន្រ្ដីធំកំពូល១រូបផងដែរ ហេតុនេះមិនយូទេ គេជឿរថាលោកនឹងមានតំណែងធំដែរជាមិនខាន។
៦៖សយ រតនៈ៖តារាហង្សមាសរូបនេះបានសាងស្នេហ៍ជាមួយតារារួមទ្រនុំអ្នកមេម៉ាយរូបស្អាតប៉ាច គីមមួយ ដែលបានភ្ជាប់ពាក្យជាមួយគ្នាកាលពីថ្ងៃទី១ខែកក្កដា ឆ្នាំ២០២២ នឹងគ្រោងដឹកដៃគ្នារៀបការនៅឆ្នាំ២០២៤ ។
៧៖ឆៃដា ពិសិដ្ឋៈក្មួយប្រុសលោកព្រាប សុវត្ថិ ដែលជាតារាចម្រៀងផង ជាអ្នករាំផងរូបនេះបានភ្ជាប់ស្នេហ៍ជាមួយអ្នកមេម៉ាយសាច់សខ្ចីសាត រស្មី អតីតភរិយាកីឡាប្រដាល់ជៀស ស្រួច ដែលស្នេហាគូស្នេហ៍ខុសវ័យនេះគ្មានឧបស័គ្គទេ ហើយម្ដាយក្មេកលោកព្រាប សុវត្ថិ លោកស្រីគង់ ចន្ធូ ធ្លាប់មានប្រសាសន៍ថាឲ្យតែចៅមានក្ដីសុខ នោះយាយសប្បាយចិត្តហើយ។ប៉ុន្ដែលោកស្រីស្នើសុំកុំឲ្យទស្សនិកជនរំលឹករឿងអតីតកាលចៅប្រសារព្រោះអាចប៉ៈទង្គិចដល់រឿងបច្ចុប្បន្ន។
៨៖ព្រីង ច័ន្ទបុត្រ ៖អតីតតារាសម្ដែងលោកព្រីង សំរួច ហៅព្រីញ ច័ន្ទបុត្រ ឬនាយចេក បានភ្ជាប់ស្នេហ៍ជាមួយអ្នកមេម៉ាយលោកស្រីសរ មុន្នីរស្មី ដែលត្រូវជាម្ដាយក្មេកតារាកំប្លែងវ៉ាន់ នីឡា ។នាយចេក បានដឹកដៃគូស្នេហ៍ថ្មីទៅចុះអេតាស៊ីវិល(សំបុត្រអាពាហ៍ ពិពាហ៍)កាលពីថ្ងៃទី៥ ខែមិថុនា ឆ្នាំ២០២០ តែគ្មានដំណឹងរៀបការឡើយ។
៩៖រស់ រាជ្ជសាលៈតារាបង្ហាញម៉ូដរូបនេះ បានប៉ៈស្នេហ៍មេម៉ាយកូន៣ទ្រព្យស្ដុកនិងជាថៅកែឡេ និងពេជ្រ ល្បីឈ្មោះលោកស្រីទ្រី ដាណា បានភ្ជាប់ពាក្យកាលពីថ្ងៃទី៩ ខែវិច្ឆិកា ឆ្នាំ២០២៣ នឹងគ្រោងរៀបការនៅថ្ងៃទី៣ ខែធ្នូ ឆ្នាំ២០២៣ ។
ក្រៅពីតារាទាំង៨ដួងខាងលើក៍មានតារានិងអតីតតារាមួយចំនួនទៀតដែលស្វាក់ស្នេហ៍អ្នកមេម៉ាយមានដូចជាលោកឧកញ៉ាលាន អាហ្វ្រីលគីនីន ,ហ្សូណូ ,ខេវ័ន និងម៉ារ៉ា ប៊ុណ្ណា ជាដើម ៕