ភ្នំពេញ៖តារាពុជំនាញអ្នកនាងខាត់ សុឃីម នៅថ្ងៃទី២៣ វិច្ឆិកា នាងបានរំលឹកផង ដាស់តឿនផង ដល់ក្រុមដែលធ្លាប់ដៀមដាម មើលងាយមកលើរូបនាងអំឡុងពេលដែលពួកគេចាត់ទុកថានាងថាធ្លាក់ខ្លួនកាលពីចុងឆ្នាំ២០២១ នោះដោយនាងបានចង់ដឹងថា”អស់ពីស្ដុកឬនៅ មនុស្សដែលចូលចិត្តមើលងាយគេ ?”។ការស៊កសំដីតាមរយៈសារនៅលើហ្វេសបុករបស់អ្នកនាងសុឃីម បែបនេះច្បាស់ណាស់ថានៅឆ្នាំ២០២៣ នេះនាងអាចក្រោកឈឡើងវិញបានដោយខ្លួនឯង មានមុខរបរថ្មីតំណើរការរលូន ទិញរថយន្ដLexus Lx 600 តម្លៃជាង២០ម៉ឺនដុល្លារ រួមទាំងបង្ហាញគ្រឿងអលង្ការមាសពេជ្រ ទាំងឈុតៗ បញ្ជាក់ថាជីវភាពរបស់នាងបានប្រសើរឡើងវិញហើយ ហេតុនេះបានជានាងចង់ដឹងថាតើអ្នកចូលចិត្តមើលងាយគេ អស់ពីស្ដុកឬនៅ ?យ៉ាងណាតាមចម្លើយភាគច្រើនដែលចូលទៅខមិននោះអ្នកសិល្បៈរួមអាជីពប្រាប់ទៅសុឃីម វិញថាមិនទាន់អស់ពីស្ដុកទេ ដែលមានន័យថាអ្នកពូកែទើស និងចូលចិត្តមើលងាយគេ នៅតែមានដដែល គ្រាន់តែតិចឬច្រើនជាងមុនទៅតាមពេលវេលា ។
សូមរំលឹកថាអ្នកនាងខាត់ សុឃីម ដែលត្រូវគេចាត់ទុកថានាងមានភាពប៉ិនប្រសព្វខ្លាំងក្នុងការរកលុយពីសិល្បៈក្នុង១ឆ្នាំៗបានរាប់សែនដុល្លារដោយសារតែនាងមានជំនាញពហុ និងឈ្លាសវៃនោះស្រាប់តែកាលពីចុងខែកញ្ញា ឆ្នាំ២០២១ នាងភ្លាត់ស្នៀតចាញ់បោកឧកញ៉ារកស៊ីដីឡូតិ៍ម្នាក់អស់លុយជិត១លានដុល្លារ ហើយរហូតមកដល់ពេលនេះសុឃីម មិនអាចទាមទារលុយនោះត្រឡប់មកវិញបាន១សេន ឡើយបើទោះជានាងនិងប្ដីធ្លាប់ទៅឈនៅមុខតុលាការខេត្តសៀមរាប ដើម្បីស្រែករកយុត្តិធ័មក្ដី ។អ្វីដែលសុឃីម ឈឺចាប់បំផុតនោះនាងបានដកបទពិសោធន៍ផ្ទាល់ខ្លួននិយាយប្រាប់ទៅអ្នកផ្សេងៗទៀតដើម្បីកុំឲ្យចាញ់បោកគេដូចរូបនាងព្រោះរឿងទាំងនេះកើតមានឡើងដោយសារតែការលោភលន់ ចង់មានលឿនពេក ទើបលទ្ធផលអស់ពីខ្លួន ប៉ុន្ដែពាក្យពេជ្រន៍ទាំងនោះធ្វើឲ្យនាងឈឺចាប់ដោយសារតែអ្នកបានដឹងរឿងនាងពេបជ្រាយ និងឌឺដង ដៀមដាម ដាក់នាងថាឆ្លាតប៉ុណ្ណឹងដែរនៅតែឲ្យគេបោកបាន និងខ្លះទៀតនិយាយថាពេលនេះខាត់ សុឃីម ធ្លាក់ខ្លួនដល់ចំណុចសូន្យជាដើម ទើបធ្វើឲ្យសុឃីម ក្ដៅចិត្តដោយភ្លាមៗនោះទិញរថយន្ដទំនើបLexus Lx 570 តម្លៃជិត២០ម៉ឺនដុល្លារ ហើយកាលពីពាក់កណ្ដាលខែសីហា ឆ្នាំ២០២៣ នាងបានប្ដូរមកជិះរថយន្ដLexus Lx 600 តម្លៃជិត២៤ម៉ឺនដុល្លារ ព្រមទាំងបើកហាងCosmetic និងលេងខ្លួនតាមរយៈការពាក់គ្រឿងអលង្ការស្រោចខ្លួន ហើយពេលនេះសកម្មភាពសិល្បៈរបស់នាងនៅតែមមាញឹកតាមរយៈការចេញច្រៀងមង្គលការ,សម្អាងការ និងមានវង្សតន្រ្ដីបុរាណ សម័យទៀតផងដែលក្នុង១រដូវក្ដៅនេះនាងអាចរកលុយបានច្រើនពីអាជីពមួយនេះ ទើបសុឃីម ផ្ដាំសួរសុខទុក្ខអ្នកមើលស្រាលដល់រូបនាងថាតើអស់ពីឃ្លាំងឬនៅ ?ទោះជាយ៉ាងណាសុឃីម មិនបានចង្អុលបង្ហាញឈ្មោះឲ្យចំៗថាបុគ្គលរូបណាខ្លះទេដែលមើលងាយនាងខ្លាំងរហូតធ្វើឲ្យនាងឆ្លើយតបទៅពួកគេវិញតាមរយៈការលេងសម្ភារៈថ្លៃៗមិនធ្លាប់មានពីមុន និងនាងចងចាំពួកគេរហូតមិនអាចបំភ្លេបានបែបនេះទេ ។ប៉ុន្ដែអ្វីដែលជាគំរូល្អសុឃីម បានយកការឈឺចាប់ពីការត្រូវបានគេមើលងាយលើខ្លួនរហូតក្លាយទៅជាភាពរឹងមាំក្រោកឈបានដូចដើមវិញហើយពេលនេះនាងមិនប្រឈមវិបត្តិសេដ្ឋកិច្ចម្ដងទៀតឡើយ ព្រោះបើធ្លាក់ខ្លួន ឬគ្មានលុយដូចមនុស្សមួយចំនួនម៉ៃនោះ ម៉េចបានពេលនេះនាងហ៊ានជិះរថយន្ដ១គ្រឿងដល់ទៅតម្លៃស្មើផ្ទះវីឡារមួយបែបនេះ?
គូរបញ្ជាក់ថាអ្នកនាងខាត់ សុឃីម បានចាប់ដៃលោកអ៊ិន សុបញ្ញា ហៅផាណូ រយៈពេលជិត១១ឆ្នាំមកហើយដែលទទួលបានចំណងដៃកូនស្រី១ឈ្មោះ បញ្ញា ហ្វូតូស្អាត អាយុជិត១០ឆ្នាំ ខណៈដែលកូនប្រុសច្បងទី១របស់នាងឈ្មោះស្កាយ អាយុ១៨ឆ្នាំដែលទើបប្រលងជាប់បាក់ឌុបថ្មីៗនេះ។សុឃីម បានលុបចោលគម្រោងយកកូនទី៣ ដោយនាងអះអាងប្រាប់អ្នកយកព័តមានយើងថាមូលហេតុដោយសារតែការយកកូនសម័យនេះបើឪពុកម្ដាយគ្មានពេលវេលាអប់រំកូនឲ្យបានល្អទេ នោះពិបាកនាំកូនឲ្យដើរផ្លូវត្រូវ។
ក្រៅពីខាត់ សុឃីម តារាដែលយកស្វាមីក្មេងមានដូចជាអ្នកនាងគង់ សុជាតិ និងទ្រី ដាណា ជាដើម ។ប្រភពបានឲ្យដឹងថាសុឃីម អាចនឹងលេង១ក្បាច់ទៀតដើម្បីឲ្យអ្នកចូលចិត្តមើលស្រាលលើខ្លួន ភ្លឺភ្នែកច្បាស់ជាងនេះគឺពិចារណាទិញរថយន្ដទំនើបឲ្យថ្លៃជាងLexus Lx600 ជិះឲ្យផ្អើលមេឃដែលអាចជាRoll Royce ឬLamborghini ជាដើម។ដោយឡែកអ្នកជំនាញសិល្បៈបានលើកឡើងថាអាជីពចម្រៀងរបស់សុឃីម រយៈពេលចុងក្រោយនេះលែងសូវល្បីបទកន្ទ្រឹមខ្លាំងខ្លាំងដូចមុនទៀត ព្រោះតែពេលនេះមានតារាវ័យក្មេងនាងតន់ ច័ន្ទសីម៉ា ដែលច្រៀងស្ទីលសម្លេងស្អកស្រដៀងនាងតែម្ដង៕
