ភ្នំពេញ៖ម្ចាស់ពាន I Am A Singer Cambodia រដូវកាលទី១ លោកដួង វីរៈសិទ្ធ ដើរចេញពីហង្សមាសកាលពីដើមឆ្នាំ២០២១ ព្រោះតែចង់ស្វែងរកទ្រនុំណាដែលទុករូបលោកជារបស់មានតម្លៃ ជាតួឯក ដោយសារតែអំឡុងពេលជ្រកនៅហង្សមាសលោកបានត្រឹមធ្វើជាតួរងដែលពេលនោះព្រាប សុវត្ថិ ,ខេមរៈ សិរីមន្ដ និងឱក សុគន្ធកញ្ញា គឺជាតួឯក។ប៉ុន្ដែលោកវីរៈសិទ្ធ បានធ្វើជាតួឯកតែរយៈពេល២ឆ្នាំ ប៉ុណ្ណោះអំឡុងមាស សុខសោភា មិនទាន់ដើរចេញលោកគឺជាដៃជាមួយរៀមច្បង រូបនេះ តែតាំងពីដើមឆ្នាំ២០២៣ ដែលសោភា មិនព្រមបន្ដកុងត្រាថ្មីនោះលោកគ្មានដៃគូណាសដែលសាកសមទៀតឡើយ ហើយមុននេះចំពេលដែលថៅកែប្រុសរាម លោកឧកញ៉ាឈាង រ័ត្ន ទទួលមរណភាពកាលពីថ្ងៃទី១១ ខែ១០ ឆ្នាំ២០២៣ នោះធ្វើឲ្យលោកវីរៈសិទ្ធ កាន់តែមិនមានភាពអត់ច្បាស់លសាស់ពីការបន្ដច្រៀងឲ្យផលិតកម្មមួយនេះទៀត ឬមួយចាកចេញនោះឡើយ ខណៈដែលតាមព័តមានថាGalaxy រងចាំត្រងតារាល្បីៗថែមទៀតហើយបើលោកសិទ្ធ ទៅចូលរួមនោះពួកគេនឹងស្វាគមន៍ ។តែផ្ទះថ្មីនោះសម្រាប់តារាប្រុសហាក់ចង្អៀតបន្ដិចហើយ ព្រោះថាព្រាប សុវត្ថិ ,ខេមរៈ សិរីមន្ដ ,ខេម និងខាន់ ជេមស៍ ជាដើមកំពុងតែជ្រកនៅទីនោះស្រាប់ ហេតុនេះបើអតីតតារាហង្សមាសរូបនេះទៅរួមដំបូលដែរគឺពិបាកប្រជែងយកតំណែងជាតួឯកមិនខាន ។
អ្នកយកព័តមានយើងបានទូរស័ព្ទទៅលោកដួង វីរៈសិទ្ធ កាលពីពេលថ្មីៗនេះ តែតេចូលគ្មានអ្នកទទួលទើបមិនទាន់ដឹងច្បាស់ថាលោកក្រាញនៅរាម តទៅទៀត ឬមួយក៍ត្រៀមខ្លួនទៅជ្រកនៅទ្រនុំថ្មី។ប៉ុន្ដែក្នុងជំនួបមុននេះលោកវីរៈសិទ្ធ ថាលោកនៅតែជាតារារាម ហើយមិនក្វល់ថាមានដៃគូឬអត់នោះទេគឺលោកនៅតែធ្វើបទចម្រៀងចេញដោយខ្លួនឯងដែលនេះជាទម្លាប់តាំងពីមុនចូលរាម ម្លេះ។លោកថាមិនព្រួយបារម្ភពីការប្រជែងបទចម្រៀងលើទីផ្សារនោះទេ ព្រោះទៅណាក៍លោកនៅតែធ្វើបទដោយខ្លួនឯងដដែល ។
ដួង វីរៈសិទ្ធ មុនទៅរាម លោកមានដៃគូដ៍សាកសមនៅហង្សមាសដល់ទៅ២ដួងគឺនាងឈិន ម៉ានិច្ច និងរ៉េត ស៊ូហ្សាណា ប៉ុន្ដែទឹកដមសម្លេងរបស់លោកត្រូវបានអ្នកជំនាញសិល្បៈលើកឡើងថាមិនស៊ីគ្នាជាមួយឱក សុគន្ធកញ្ញា និងពេជ្រ សោភា នោះទេ ហេតុនេះហើយបានជាលោកសិទ្ធ អត់ដែលបានចាប់ដៃគូជាមួយរៀមច្បងទាំងពីរ ។ដោយឡែកសម្រាប់ហង្សមាសដែលបាត់បង់តារាសំខាន់របស់ខ្លួនព្រាប សុវត្ថិ និងខេមរៈ សិរីមន្ដ នោះគេជឿរថាលោកសិទ្ធ បើចង់វិលវិញក៍គ្មានឧបស័គ្គទេ ព្រោះថាសុគន្ធ និសា ក៍ធ្លាប់ទៅហើយមកវិញដែរ ។ប៉ុន្ដែមិនមានភាគរយខ្ពស់នោះទេដែលថាលោកចង់ទៅហង្សមាសវិញនោះព្រោះអតីតតារាមហាហង្សរូបនេះចង់ធ្វើជាតារាចម្រៀងឯករាជ្យដូចគ្នាទៅនិងប្អូនប្រុសលោកម៉ម ពេជ្ជរិទ្ធ ម្ចាស់បទ”មិនអាចឃាត់ទេ “នោះក៍ធ្វើបទចម្រៀងដោយខ្លួនឯង មិនចូលផលិតកម្មណាឡើយ។
គូរកត់សម្គាល់ថាលោកម៉ម វាសនា ហៅដួង វីរៈសិទ្ធ ក្រៅពីមានទឹកដមសម្លេងល្អលោកចេះនិពន្ធMelody ,ទំនុកច្រៀង ,ធ្វើភ្លេង និងMix ផងដែរដែលតារាផ្សេងៗទៀតមិនងាយមានទេពកោសល្យដូចរូបលោកទេ។លោកធ្លាប់ប្រាប់ថាក្រោយចេញពីហង្សមាស ចូលរាម គឺទីផ្សារចម្រៀងនិងប្រាក់ចំណូលលោកនៅតែរក្សារដូចមុន និងអាចនិយាយបានថាមានកម្មវិធីគេហៅច្រៀងច្រើនលើសមុនផង។ប៉ុន្ដែលោកថាការចូលផលិតកម្មណា ឬច្រៀងដោយធ្វើបទដោយខ្លួនឯងសុទ្ធនោះលោកនឹងធ្វើទៅតាមពេលវេលា ។
ក្រៅពីដួង វីរៈសិទ្ធ តារាដែលចេះធ្វើនិពន្ធបទចម្រៀងដោយខ្លួនឯងមានដូចជាពេជ្រ សោភា ,វណ្ណដា,ហេង ពិទូ និងទេព ពិសិដ្ឋ ជាដើម ។អ្នកជំនាញសិល្បៈបានលើកឡើងថាដួង វីរៈសិទ្ធ មានទឹកដមសម្លេងល្អ ប៉ុន្ដែលោកច្រៀងល្បីភាគច្រើនបទCover មរតកដើមជាងបទថ្មីៗ ហេតុនេះហើយបានជាឈានទៅប្រជែងតារាលំដាប់កំពូល ។តែទីផ្សារចម្រៀងរបស់លោកចាប់ពីមនុស្សវ័យកណ្ដាលឡើងទៅគឺភាគច្រើនស្រលាញ់និងចូលចិត្តស្ដាប់បទលោកតែម្ដង។
ទស្សនិកជនរងចាំមើលថាតើលោកដួង វីរៈសិទ្ធ និងទៅទៅGalaxy បុកគ្នាជាមួយព្រាប សុវត្ថិ និងខេមរៈ សិរីមន្ដ ជាលើកទី២ ឬមួយក៍លោកនៅតែបន្ដជ្រកនៅរាម ដោយអត់ដៃគូបែបនេះតទៅទៀត ?