ភ្នំពេញ៖លី ម៉ារីណា នឹងរៀបការជាមួយលោកទៀង ច័ន្ទសារ អធិការនគរបាលខណ្ឌដូនពេញ នៅថ្ងៃទី១២ ខែមករា ឆ្នាំ២០២៤ ។នេះបើតាមព័តមានពីតារាដែលបានទៅចូលរួមកម្មវិធីខួបកំណើតលោកអ៊ឹម ជីវ៉ា កាលពីថ្ងៃទី១០ ខែធ្នូ នៅហាង Lotus Lounge & Restaurant ហើយពេលនោះលេខមុខអ្នកនាងម៉ារីណា ទៅចូលរួមដែរ។ការបែកធ្លាយរឿងអ្នកនាងលី ម៉ារីណា ត្រៀមគ្រងឈុតអាពាហ៍ ពិពាហ៍ នេះក្រោយនាងបានដឹកដៃលោកទៀង ច័ន្ទសារ ថតPre-Wedding កាលពីពេលថ្មីៗនេះ តែសាមីខ្លួនទាំងពីរបានព្យាយាមលាក់លៀមរឿងនេះជិតឈឹងតែម្ដង ដើម្បីចង់Surprise នៅថ្ងៃពិសេសរបស់ពួកគេ។តែរឿងនេះមិនអាចលាក់ជិតតទៅទៀតឡើយ ព្រោះនៅពេលដែលអ្នកនាងម៉ារីណា ទៅបង្ហាញខ្លួននៅទីណាមានតារារួមអាជីពនិងFan ចេះតែជជីកសួរនាំជាបន្ដបន្ទាប់ទើបចុងក្រោយធ្លាយរឿងថាម៉ារីណា នឹងក្រាបផ្ទឹមនៅថ្ងៃទី១២ ខែ១ ឆ្នាំ២០២៤ ។
អ្នកយកព័តមានយើងមិនទាន់អាចសុំការបំភ្លឺរឿងនេះពីលី ម៉ារីណា បានទេ ព្រោះតែនាងធ្លាប់ប្រាប់តាមឆាតហ្វេសបុកថានឹងផ្ដល់ចម្លើយតបតាមសំណួរដាក់ទៅនាងទាក់ទងរឿងស្នេហាថ្មីនេះ ប៉ុន្ដែជាច្រើនខែមកហើយនាងមិនទាន់ឆ្លើយតបនៅឡើយ។ទោះជាយ៉ាងណាម៉ារីណា ជាតារាដែលមិនដែលគេចវែស ឬមានរឿងជាមួយអ្នកសារព័តមានម្ដងណាឡើយ ហើយការដែលនាងពន្យាពេលផ្ដល់ចម្លើយតបនាពេលនេះអាចជាការចង់ធ្វើឲ្យFan ភ្ញាក់ផ្អើលតែម្ដង។
សូមបញ្ជាក់ថាអ្នកនាងលី ម៉ារីណា បានពិសោធន៍ស្នេហ៍ជាមួយលោកទៀង ច័ន្ទសារ ជាច្រើនខែមកហើយ តែអ្នកទាំងពីរបានបង្ហាញមុខរួមគ្នានៅថ្ងៃសង្រ្កាន្ដវត្តភ្នំ បុណ្យចូលឆ្នាំខ្មែរ កាលពីខែមេសា ឆ្នាំ០២៣ ហើយនៅថ្ងៃខួបកំណើតម៉ារីណា គម្រប់អាយុ៤២ឆ្នាំកាលពីថ្ងៃទី២៦ ខែឧសភា ឆ្នាំ២០២៣ លោកច័ន្ទសារ បានទៅចូលរួមជាភ្ញៀវពិសេសដោយបានអោបថើបម៉ារីណា ជាចំហធ្វើឲ្យតារាសម្ដែងរូបនេះរំភើបចិតុ្តខ្លាំងណាស់ដែលពេលនោះលោកអធិការជាអ្នកចេញថ្លៃការចំណាយទាំងឡាយនៅថ្ងៃខួបកំណើតរបស់នាងតែម្ដង។ចំណែកនៅថ្ងៃខួបកំណើតម៉ារីណា កាលពីថ្ងៃទី២៤ ខែកញ្ញា ឆ្នាំ២០២៤ ដែលអ្នកដឹកនាំរឿងហង្សមាសលោកកៅ សីហា ចាត់ទុកថាជាខួបលើកទី១៨០ នោះលោកអធិការក៍ទៅចូលរួមដែរនិងបង្ហាញភក្ដីស្នេហ៍ជាសាធារណៈដូចមុន។រឹតតែគូរឲ្យចង់តាមដាននោះកាលពីពេលថ្មីៗនេះម៉ារីណា និងលោកច័ន្ទសារ ទៅថតរូបសម្រាប់តាំងរោងការ ហេតុនេះហើយបានជាធ្វើឲ្យមជ្ឈដ្ឋានមហាជនមើលឃើញច្បាស់ថាតំណាក់កាលនេះចំណងស្នេហាម៉ារីណា និងលោកអធិការ ឈានទៅដល់ចិត្ត១ ថ្លើម១ និងគ្នាទៅហើយ ។ក្រុមតារារួមអាជីពជាច្រើនបានសម្ដែងការសាទរចំពោះអ្នកនាងម៉ារីណា ដែលរកបានគូស្នេហ៍ថ្មីជាបុរសដ៍សាកសមគ្នាជាមួយនាងហើយពួកគេបានជូនពរឲ្យអ្នកនាងរក្សារចំណងស្នេហាឲ្យបានគង់វង្សយូអង្វែងតទៅ។
លី ម៉ារីណា បានចែកផ្លូវគ្នាជាមួយលោកសាត ចាន់ថន កាលពីដើមឆ្នាំ២០២២ បន្ទាប់ពីចាប់ដៃគ្នាបាន១០ឆ្នាំគត់ និងទទួលបានចំណងដៃកូនប្រុស១អាយុជិត១០ឆ្នាំ ។តារាវ័យ៤៣ឆ្នាំ តែសម្រស់នៅតែផូផង់រូបនេះបានបរាជ័យស្នេហាដល់ទៅ២ដងមុនជួបលោកទៀង ច័ន្ទសារ ប៉ុន្ដែនាងជាតារាតែម្នាក់គត់ដែលភ្ជាប់ស្នេហ៍បុរសរូបណាត្រូវតែរៀបការជាមួយនាងពោលគឺទាំងជាមួយលោកទឹត ថាវរិទ្ធ និងលោកសាត ចាន់ថន សុទ្ធតែឆ្លងកាត់ជីវិតអាពាហ៍ ពិពាហ៍ ដូចគ្នា បើទោះជាមិនអាចរក្សារស្នេហាបានដល់ចាស់កោងខ្នងក្ដី ។ចំពោះការត្រៀមរៀបការជាលើកទី៣របស់ម៉ារីណា នាពេលនេះបញ្ជាក់កាន់តែច្បាស់ថាបុរសណាដែលចង់បានបេះដូងនាងត្រូវតែច្បាស់លាស់ពោលគឺក្រាបក្បាលដល់កន្ទេលទើបអាចធ្វើជាប្ដីនាងបាន។អ្វីដែលគូរឲ្យចាប់អារម្មណ៍នោះម៉ារីណា មិនទាន់ទាំងក្លាយទៅជាភរិយាស្របច្បាប់របស់លោកទៀង ច័ន្ទសារ ផងស្រាប់តែមានតារាខ្លះចាប់ផ្ដើមហៅនាងថាជាជំទាវៗទៅហើយ។ចំណែកម៉ារីណា វិញក្រោយជួបស្នេហ៍ថ្មីនេះនាងបានដាក់គោលការណ៍ថាក្នុង១ឆ្នាំនាងទទួលសម្ដែងភាពយន្ដតែមួយរឿងប៉ុណ្ណោះ ដើម្បីយកពេលវេលាដែលនៅសេសសល់ទាំងឡាយសម្រាប់ការរកស៊ីផ្ទាល់ខ្លួនដែលពេលនេះនាងមមាញឹកទៅលើមុខរបរតាមOnline និងបើកហាងនំបញ្ចុកជាដើម ។ដោយឡែកភាពយន្ដវិញនាងកំពុងថតរឿង”អប្សរា មហាអង្គរ”ដឹកនាំដោយលោកហ្វៃ សំអាង ។
ក្រៅពីលី ម៉ារីណា តារាដែលត្រៀមរៀបការនៅឆ្នាំ២០២៤ មានដូចជាពេជ្រ សោភា ,ប៉ាច គីមមួយ ,ម៉ង់ ចាន់កញ្ញា ,ម៉ានីកា និងអ៊ីវ៉ា ជាដើម ៕