ខេត្តពោធិ៍សាត់ ៖ នារីវ័យក្មេងម្នាក់ បានទៅរាំលេងធុងបាស់នៅក្នុងភូមិ រហូតដល់ពាក់ កណ្តាលអធ្រាត្រ ទើបដើរត្រឡប់មកផ្ទះវិញ លុះដល់ពាក់កណ្តាលផ្លូវ ក៏ត្រូវប្រុសល្មោភកាម ចំនួន៣នាក់ បានចាប់អូសដៃចូលទៅក្នុងគុម្ព ប្ញស្សីរំលោភបូក រួចក៏រត់គេចខ្លួនបាត់ស្រមោល លុះនារីរងគ្រោះដាក់ពាក្យប្តឹង ក៏ត្រូវសមត្ថកិច្ច ស្រាវជ្រាវចាប់ឃាត់ខ្លួនជនសង្ស័យបានម្នាក់ កាលពីវេលាម៉ោង១២ថ្ងៃត្រង់ ថ្ងៃទី៣០ ខែ មករា ឆ្នាំ២០១៧ នៅចំណុចភូមិមាត់ព្រៃ ឃុំកំពង់ពោធិ៍ ស្រុកក្រគរ។
ជនសង្ស័យល្មោភកាម ដែលចាប់រំលោភ សេពសន្ថវៈនារីរងគ្រោះក្នុងគុម្ពប្ញស្សីនោះ មាន ឈ្មោះផល ភិន ហៅជ័យ អាយុ២៩ឆ្នាំ មុខរបរ កសិករ មានលំនៅក្នុងភូមិ-ឃុំដែលសមត្ថកិច្ច ចុះចាប់ឃាត់ខ្លួន។ ចំណែកបក្ខពួកជនសង្ស័យ ចំនួន២នាក់ទៀត មិនត្រូវបានគេស្គាល់អត្តសញ្ញាណនៅឡើយ គ្រាន់តែដឹងថា រស់នៅភូមិ ជាមួយជនសង្ស័យ។ ដោយឡែកនារីរងគ្រោះ មានឈ្មោះស.ស.ម អាយុ១៧ឆ្នាំ មានលំនៅ ក្នុងភូមិកំពង់ឡ ឃុំកំពង់ពោធិ៍ ស្រុកក្រគរ។
តាមសម្តីរបស់នារីរងគ្រោះ បានរៀបរាប់ ប្រាប់ថា នៅមុនពេលកើតហេតុ កាលពីថ្ងៃទី ២៥ ខែមករា ឆ្នាំ២០១៧ នៅក្នុងភូមិរបស់ នាង មានពិធីមង្គលការកូនអ្នកស្រុកម្នាក់ លុះ ដល់យប់មានដាក់ធុងបាស់រាំលេងកម្សាន្តទៀត ផង។ ចំណែកនាងក៏បានទៅចូលរួមរាំលេងធុង បាស់ជាមួយគេឯងដែរ រហូតដល់វេលាម៉ោង ១២រំលងអធ្រាត្រ ឈានចូលថ្ងៃទី២៦ ខែមករា ឆ្នាំ២០១៧ នាងក៏ដើរត្រឡប់ទៅផ្ទះវិញ លុះ ពេលដើរបានពាក់កណ្តាលផ្លូវ ក៏ស្រាប់តែលេច មុខជនសង្ស័យឈ្មោះផល ភិន ហៅជ័យ រួមនិង បក្ខពួក២នាក់ទៀត(មិនស្គាល់អត្តសញ្ញាណ) បានចេញមកស្ទាក់ផ្លូវនាង រួចចាប់អូសដៃនាង ចូលទៅក្នុងគុម្ពប្ញស្សី ហើយឈ្មោះផល ភិន បានធ្វើសកម្មភាព ចាប់រំលោភសេពសន្ថវៈនាង ទាំងកំរោលរហូតដល់បានសម្រេច។
នារីរងគ្រោះបន្តថា ក្រោយពីជនសង្ស័យ ឈ្មោះផល ភិន រំលោភនាងបានសម្រេចហើយ បក្ខពួកជនសង្ស័យចំនួន២នាក់ទៀត បានព្យាយាមចាប់បីនាងយកទៅមាត់ព្រៃ បម្រុងនឹង រំលោភសេពសន្ថវៈបន្ថែមទៀត តែនាងប្រឹង រើបម្រះរួច និងស្រែកហៅឱ្យគេឯងជួយ ទើប ធ្វើឱ្យជនសង្ស័យទាំង៣នាក់ បាននាំគ្នារត់គេច ខ្លួនបាត់ស្រមោលអស់។ សរុបមក ជនសង្ស័យ ទាំង៣នាក់ បានព្យាយាមរំលោភបូកលើនាង តែមានតែជនសង្ស័យ ឈ្មោះផល ភិន តែម្នាក់ ប៉ុណ្ណោះដែលរំលោភនាងបានសម្រេច ចំណែក ២នាក់ទៀត មិនទាន់បានរំលោភនាងនៅឡើយ ក៏ត្រូវនាងស្រែក ធ្វើឱ្យពួកគេភ័យស្លន់ស្លោរត់ គេចខ្លួនអស់ទៅ។
នារីរងគ្រោះបញ្ជាក់ថា ក្រោយកើតហេតុ នាងបានរៀបរាប់រឿងរ៉ាវ ឱ្យឪពុកម្តាយបាន ដឹង បន្ទាប់មកក៏ដាក់ពាក្យបណ្តឹងឱ្យសមត្ថកិច្ច ជួយអន្តរាគមន៍ រហូតឈានដល់ការចាប់ខ្លួន ជនសង្ស័យនាំយកមកចាត់ការតាមច្បាប់។
ប្រភពពីសមត្ថកិច្ចមូលដ្ឋាន បានឱ្យដឹងថា កាលពីថ្ងៃទី២៦ ខែមករា ឆ្នាំ២០១៧ សមត្ថកិច្ច បានទទួលពាក្យបណ្តឹងពីនារីរងគ្រោះ រួចក៏បាន ចុះធ្វើការស្រាវជ្រាវ រហូតឈានដល់ការចាប់ ខ្លួនជនសង្ស័យបាន កាលពីថ្ងៃទី៣០ ខែមករា ឆ្នាំ២០១៧ និងបាននាំខ្លួនយកមកសាកសួរ។
នៅចំពោះមុខសមត្ថកិច្ច ជនសង្ស័យឈ្មោះ ផល ភិន ហៅជ័យ បានសារភាពថា រូបគេពិត ជាបានធ្វើសកម្មភាព រំលោភសេពសន្ថវៈនារីរងគ្រោះ រហូតដល់បានសម្រេចប្រាកដមែន។ នៅមុនពេលកើតហេតុ រូបគេរួមនិងបក្ខពួក២ នាក់ទៀត បាននាំគ្នាទៅរាំលេងធុងបាស់នៅក្នុង ភូមិកើតហេតុខាងលើ រួចក៏បានជួបនារីរងគ្រោះ និងបាននិយាយគ្នាលេងផងដែរ។ លុះក្រោយ ពេលរាំធុងបាស់រួច ឃើញនារីរងគ្រោះដើរត្រឡប់ ទៅផ្ទះវិញតែម្នាក់ឯង ពួកគេទាំង៣នាក់ ក៏នាំ គ្នាដើរតាមពីក្រោយ និងបានចាប់អូសដៃនារីរងគ្រោះចូលគុម្ពប្ញស្សីរំលោភ រហូតដល់បាន សម្រេច ចំណែកបក្ខពួក២នាក់ទៀត ប្រុង រំលោភដែរ តែត្រូវនារីរងគ្រោះស្រែកផ្អើលនាំ គ្នារត់គេចខ្លួនអស់ ទីបំផុត មកដល់ថ្ងៃទី៣០ ខែមករា ឆ្នាំ២០១៧ រូបគេក៏ត្រូវសមត្ថកិច្ច្ច ចាប់ឃាត់ខ្លួនតែម្តង។
ជនសង្ស័យត្រូវបានសមត្ថកិច្ចរៀបចំកសាង សំណុំរឿង បញ្ជូនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី។ ចំណែកបក្ខពួក ជនសង្ស័យ២នាក់ផ្សេងទៀត ដែលរត់គេចខ្លួន សមត្ថកិច្ចកំពុងស្រាវជ្រាវតាមចាប់ខ្លួន នាំយក មកផ្តន្ទាទោសតាមច្បាប់៕ សាមឿន