ភ្នំពេញ៖ក្រៅពីជាតារាសម្ដែងស្រីស្អាតមាន សូនីតា ជាម្ចាស់ហាងកាហ្វេ”ណ”សាខាទួលទំពួង ,ហាងក្រម៉ា (ផ្ទះស្រលាញ់) ជាដើម ដែលការចំណាយទុនអស់ទឹកប្រាក់ច្រើនគូរសម ខណៈដែលនាងក៍មានផ្ទះវីឡារដ៍ប្រណិត និងជិះរយន្ដទំនើបៗផ្លាស់ប្ដូរជាបន្ដបន្ទាប់ផងដែរ បើទោះជាសូនីតា ហាក់រយាលៗពីអាជីពសម្ដែងមិនសូវសម្រុកដូចតារាផ្សេងៗទៀតក្ដី ប៉ុន្ដែតារាសម្លេងស្រាលរូបនេះមានទ្រព្យមិនធម្មតាឡើយ ។
ក្នុងជំនួបផ្ទាល់កាលពីពេលថ្មីៗនេះមាន សូនីតា បានឆ្លើយតបចំពោះសំណួរថាតើនាងនឹងរៀបជើងព្រួលបែបណា ដើម្បីកុំឲ្យមុខរបរក្រៅសិល្បៈរបស់នាងដួលរលំដោយសារប្រឈមវិបត្តិសេដ្ឋកិច្ចនៅឆ្នាំ២០២៤ ដោយអតីតMC ប៉ុស្ដិ៍លេខ៥ រូបនេះថាបើសិនជាអាជីវកម្មរបស់នាងជួបបញ្ហា១ ដោះស្រាយ១ អត់ធ្វើឲ្យរាំងស្ទះ ឬស្មុគស្មាញទេ ហើយរយៈពេលដែលនាងចេញរកស៊ីខ្លួនឯងប៉ុន្មានឆ្នាំចុងក្រោយនេះនាងបានជួបបញ្ហាអស់ហើយ។ប៉ុន្ដែនាងថាសម្រាប់ចុងឆ្នាំ២០២៣ និងដើមឆ្នាំ២០២៤ នេះហាងរបស់នាងទាំងអស់នៅតំណើរការធម្មតា អត់ទាន់ជួបវិបត្តិឬប្រឈមបញ្ហាចោទធំដុំឡើយ ។
យ៉ាងណាមាន សូនីតា ធ្លាប់ប្រាប់ថាហាងកាហ្វេនាងដែលប្រើដើមទុនដល់ទៅជាង១០ម៉ឺនដុល្លារនោះមិនមែននាងជាថៅកែតែម្នាក់ផ្ដាច់មុខទេ តែនាងបានចូលហ៊ុនជាមួយមិត្តភក្ដិច្រើននាក់។ដោយឡែកនៅឆ្នាំ២០២៤ នេះសូនីតា គ្មានគម្រោងពង្រីកអាជីវកម្មឡើយ គឺមានតែរក្សារនិងទប់លំនឹងឲ្យជាប់ដូចគ្នាទៅនិងពិធីការិនីឌួង ហ្សូរីដា ដែរ ។តែចម្ងល់មួយដែលមហាជនបានលើកឡើងជាច្រើនឆ្នាំនោះគឺថាសូនីតា ជាតារាតែម្នាក់ដែលបានដើរកម្សាន្ដនៅបរទេសជាបន្ដបន្ទាប់ពោលគឺមិនដែលខកខាននៅឆ្នាំណាម្ដងឡើយ ក្រោយពេលនាងមានឈ្មោះបោះសម្លេងនេះដែលបង្ហាញថានាងមានលុយចាយមិនចេះអស់ ទើបធ្វើឲ្យគេសង្ស័យថានីតា មានគូស្នេហ៍នៅក្រោយខ្នងជួយឧបត្ថម្ភ។ការលើកឡើងបែបនេះព្រោះតែសូនីតា ធ្លាប់ប៉ះស្នេហ៍មន្រ្ដីគយវ័យចំណាស់ម្នាក់ តែនាងមិនដែលចេញមុខបកស្រាយលម្អិតរឿងនេះទេ ទើបធ្វើឲ្យជីវិតស្នេហានាងបន្ដអាថ័កំបាំង ។
មាន សូនីតា សារភាពថាបេះដូងមានមិនមែនទំនេរទេ ប៉ុន្ដែនាងក៍មិនធ្លាប់ភ្ជាប់ពាក្យជាមួយប្រុសណាដែរ គឺស្ថិតក្នុងតំណាក់កាលមើលចិត្តថ្លើមគ្នាជាមួយបុរសនោះនៅឡើយ ហេតុនេះនាងថាមិនអាចកំណត់ពេលវេលាថាតើប៉ុន្មានឆ្នាំទៀតនឹងដល់ពេលវេលារៀបការបានទេ ។តែនាងថាឃើញគេរៀបការ ចិត្តចង់តែរៀបការដែរ ពិសេសដូចជាមិត្តភក្ដិនាងហ៊ិន ច័ន្ទនីរ័ត្ន រៀបការប្ដីកាលពីពេលថ្មីៗនេះនាងមានអារម្មណ៍ថាចង់រៀបការដូចពួកម៉ាកដែរ ប៉ុន្ដែធ្វើម៉េចបើនាងអត់ទាន់និយាយត្រូវរ៉ូវគ្នាជាមួយគូស្នេហ៍និងរឿងមួយនេះផង ។
មាន សូនីតា ជោគជ័យតែអាជីពសម្ដែង តែបរាជ័យការធ្វើMC ដែលនាំឲ្យអ្នកដឹកនាំកម្មវិធីសិល្បៈមួយចំនួនស្ដាយនិងថាមូលហេតុដែលនាងមិនអាចចាប់អាជីពនេះបានព្រោះតែសម្លេងនាងតូចនិងស្រាលពេក ពោលគឺសម្លេងដូចកូនក្មេង ។យ៉ាងណាសូនីតា ពេលនេះមិនពឹងលើអាជីពសិល្បៈទាំងស្រុងទេហើយនាងកំពុងតែរីករាយដើរចាយលុយសឹងគ្រប់ប្រទេសដែលមិនក្វល់ពីខ្លាចអស់លុយឡើយ ហើយនៅដើមឆ្នាំ២០២៤ នេះនីតា បានចេញយុទ្ធនាការថ្មីមួយដែលនាងចាត់ទុកថាជាកាដូឲ្យខ្លួនឯងនោះគឺការបង្កើតមាតិកា”កម្ពុជា ឋានសួគ័លើដី”ដែលផ្ដោតពីការផ្សព្វផ្សាយពីតំបន់ទេសចរណ៍ក្នុងខេត្តនីមួយៗដើម្បីឲ្យទាំងភ្ញៀវជាតិនិងអន្ដរជាតិបានស្គាល់កាន់តែច្បាស់។សូនីតា មានការតាំងចិត្តខ្ពស់ចំពោះការងារថ្មីរបស់នាងនេះថាមិនរាថយឡើយ បើទោះជាមិនទាន់មានSponsor ក្ដី ។ដោយឡែកនៅថ្ងៃឆ្លងឆ្នាំសាកលចូល២០២៤ នេះសូនីតា ដែលដើរចាយលុយដុល្លារអស់ជាច្រើនក្នុង១ឆ្នាំៗនៅអ៊ឺរ៉ុបនោះប៉ងប្រាថ្នាឲ្យនាងមានដុល្លារកាន់តែច្រើនថែមទៀត ។
មាន សូនីតា ប៉ងប្រាថ្នាឆ្នាំថ្មីនេះនូវបំណងសំខាន់មួយគឺ”ជូនពរខ្លួនឯងឲ្យមានលុយលានដុល្លារអាមេរិក “។ប៉ុន្ដែនាងមិនបញ្ជាក់ថាបច្ចុប្បន្នមានលុយប៉ុន្មានលានហើយក្នុងកណ្ដាប់ដៃ និងនៅខ្វះលុយប៉ុន្មានលានដុល្លារទៀតទើបគ្រប់នោះទេ…។
គូរបញ្ជាក់ថាមាន សូនីតា ក្រៅពីមានបុរសទាំងក្នុងនិងក្រៅស្រុកតាមប្រម៉ាញ់បេះដូងនោះ នាងធ្លាប់លេចឭរឿងរ៉ាវដ៍រសើបថាមានស្រីៗតាមស្នេហាច្រើនជាងប្រុស ប៉ុន្ដែក្រុមLesbian ទាំងនោះខ្លះបានដកថយវិញ ក្រោយនមានដំណឹងថាស្រីស្អាតម្នាក់នេះលោកគយម្នាក់តាមស្អិតខ្លាំងពេក ៕