ភ្នំពេញ៖លុយដុល្លារដល់ទៅ៩ដុំ ស្មើចំនួន៩ម៉ឺនដុល្លារត្រូវបានគ្រួសារលោកទៀង ច័ន្ទសារ ប្រគល់ទៅឲ្យឪពុក ម្ដាយរបស់លី ម៉ារីណា ថ្លៃទឹកដោះកូនស្រីម៉ារីណា ដែលធ្វើជាកូនក្រមុំរបស់លោកអធិការនគរបាល ខណ្ឌដូនពេញនៅព្រឹកថ្ងៃទី១២ ខែមករា ឆ្នាំ២០២៤ ក្នុងពិធីមង្គលការដែលរៀបចំនៅOCIC អគារC ។
លោកតាអាចារ្យបានប្រកាសថាខាងកូនកំលោះលោកទៀង ច័ន្ទសារ ជូនថ្លៃទឹកដោះទឹកប្រាក់ចំនួន៩ម៉ឺនដុល្លារ ដល់កូនស្រីលី ម៉ារីណា អីចឹងសូមភ្ញៀវទាំងអស់ដែលចូលរួមទះដៃអបអរសាទរទាំងអស់គ្នា …។
កម្មវិធីមង្គលការរបស់លី ម៉ារីណា បានរៀបចំទៅតាមក្បួនខ្នាតប្រពៃណីខ្មែរត្រឹមត្រូវដូចជាពិធីហែជំនួនកាត់ សក់ និងក្រាបផ្ទឹមជាដើម ហើយអ្នកកំដខាងកូនស្រីសុទ្ធតែតារាមានស្វាមីនិងកូនរួចក្នុងនោះមានដូចជាអ្នក នាងចន ច័ន្ទលក្ខិណា ,សារ៉ាយ សក្ខណា និងកែវ ពេជ្រពិសី ជាដើម ។ដោយឡែកអ្នកកំដខាងកូនប្រុសលោកទៀង ច័ន្ទសារ វិញក៍ជាតារាសម្ដែងទាំង៣ដួងដែរគឺលោកហេង ដាវី ,ស៊ី សុវត្ថា និងឆាយ គន្ធធា ។ដោយឡែកអ្នកច្រៀងកាត់សក់វិញគឺនាយចាបចៀន និងអ្នកនាងគ្រត ខណៈដែលអ្នក ច្រៀងភ្លេងការមានលោកខាំ សូនាង និងអ្នកនាងអ៊ួច សាខឿន ។
តាមព័តមានថាស្វាមីរបស់អ្នកនាងលី ម៉ារីណា លោកទៀង ច័ន្ទសារ អធិការនគរបាលខណ្ឌដូនពេញ ត្រូវជា ក្មួយរបស់ឯកឧត្តមសេង ទៀង ជំនួយការសម្ដេចនាយករដ្ឋមន្រ្ដី ហេតុនេះហើយទើបនៅពិធីកាត់សក់និង សែនកួចចងដៃគេឃើញលោកសេង ទៀង និងភរិយាឡើងទៅកាត់សក់និងកួចដៃដល់កូនកំលោះក្រមុំ ។ក្រៅពីនេះនៅពេលព្រឹកមង្គលការរបស់ម៉ារីណា ក៍មានការចូលរួមពីលោកជំទាវហ៊ុន ស៊ីណាត ប្អូនអតីតនាយរដ្ឋមន្រ្ដី ,ឯក ឧត្តមហ្វៃ សំអាង ,ឯកឧត្តមប៉ែន វិបុល និងមន្រ្ដីមួយចំនួនទៀតរួមទាំងតារាល្បីជាច្រើនដួង។ចំណែកកកម្មវិធីជប់លៀងនៅពេលរាត្រីវិញគេឃើញមានមន្រ្ដីធំៗជិះរថយន្ដទំនើបៗដែលមាកងអង្គរក្សបើកដឹកដាក់មុខច្រកចូល និងតារាល្បីៗសម្រុកចូលជាបន្ដបន្ទាប់។
សាច់ញាត្តិរបស់លី ម៉ារីណា បានប្រាប់អ្នកយកព័តមានយើងថាកម្មវិធីជប់លៀងរបស់មង្គលការម៉ារីណា រៀបចំ ដល់ទៅ១១០តុ និងត្រៀមសាគូ៣០តុ ពោលគឺភ្ញៀវជាង១០០០នាក់ដែលត្រូវបានអញ្ជើញ។ប៉ុន្ដែពួកគេមិនប្រាប់ថាមង្គលការនេះចំណាយលុយអស់ប៉ុន្មានហើយ ការរួចម៉ារីណា និងប្ដីគ្រោងទៅ ក្រេបចន្ទ ទឹកឃ្មុំ(Honey Moon)នៅទីណាឡើយ ។
គូរបញ្ជាក់ថាលី ម៉ារីណា ធ្លាប់រៀបការ២លើកមកហើយគឺលើកទី១ជាមួយលោកទឹត្យ ថាវរិទ្ធ បានលែងលះគ្នា ក្រោយរៀបការមិនដល់១ខែផងនិងលើកទី២ជាមួយអាណិកជនខ្មែរមកពីអាមេរិកលោកសាត ចាន់ថន រក្សារ ស្នេហាបាន១០ឆ្នាំទើបចែកផ្លូវគ្នាកាលពីដើមឆ្នាំ២០២២ ទាំងចម្រូងចម្រាសបន្សល់កូនប្រុស១អាយុជិត១០ឆ្នាំ។តារារួមអាជីពនិងFan បានជូនពរម៉ារីណា ឲ្យរក្សារបានស្នេហាថ្មីឲ្យបានគង់វង្សយូអង្វែងតទៅ។
ទាក់ទងអាជីពសិល្បៈវិញតាមព័តមានថាតារាវ័យ៤៣ឆ្នាំអ្នកនាងលី ម៉ារីណា កាត់បន្ថយការសម្ដែងស្ទើតែ ទាំងស្រុងពោលគឺ១ឆ្នាំនាងទទួលការថតសម្ដែងតែ១រឿងប៉ុណ្ណោះ។ចំណែកតារាដែលជិតស្និតចាប់ផ្ដើមហៅម៉ារីណា ថា”ជំទាវៗ” ក្រោយពីនាងក្លាយទៅជាភរិយាស្របច្បាប់របស់ លោកទៀង ច័ន្ទសារ ចាប់ពីរាត្រីថ្ងៃទី១២ ខែមករា ឆ្នាំ២០២៤ ៕
