ភ្នំពេញ៖តារាចម្រៀងទេព បូព្រឹក្ស និងម្ចាស់ស្នេហាលោកងួន ចាន់ដេវីត បានដឹកដៃគ្នាទៅទិញរថយន្ដទំនើប ម៉ាកLamborghini Sv Lp 750-4 ស៊េរីឆ្នាំ២០១៦ ព័ណក្រហម ដែលតាមប្រភពថាមានតម្លៃក្បែ១លានដុល្លារ កាលពីល្ងាចថ្ងៃទី១០ ខែមករា ដែលធ្វើឲ្យមានការភ្ញាក់ផ្អើលពេញពិភពសិល្បៈ ព្រោះតែរថយន្ដនេះមានមានតម្លៃកប់ពពកហើយកន្លងមកអ្នកនៅខ្មែរភាគច្រើនជាអ្នកជំនួញធំៗក្នុងនោះភាគ ច្រើនជាឧកញ៉ាៗទើបមានលទ្ធភាពទិញវាជិះ។ប៉ុន្ដែពេលនេះបូព្រឹក្ស និងគូស្នេហ៍ហ៊ានជះលុយទិញ រថយន្ដ លំដាប់សេដ្ឋីនេះជិះឲ្យផ្អើលមេឃ។
អ្នកយកព័តមានយើងបានតេទៅហ្គារ៉ាសឡានដែលទេព បូព្រឹក្ស ទិញ Lamborghini នេះហើយត្រូវបាន បុរសម្នាក់លើកទូរស័ព្ទនិងនិយាយខ្លីថាមិនអាចនិយាយរឿងនេះបានទេ ព្រោះខាងក្រុមហ៊ុនលោករក្សារ សិទ្ធិជូនអតិថិជន។អ្នកទទួលទូរស័ព្ទនោះមិនប្រាប់ទាំងស៊េរីឡានថាផលិតឆ្នាំណា តម្លៃប៉ុន្មានឡើយ តែនិយាយ ខ្លីថាបូព្រឹក្ស ទិញផ្ដាច់ មិនមែនបង់រំលស់ទេ ។
ទេព បូព្រឹក្ស និយាយថាពេលនេះរូបនាងនិងគូស្នេហ៍សុបិនក្លាយទៅជាការពិតហើយ ខណៈដែលដេវីត និយាយទាំងញញឹមពព្រាយថាលោកស្រលាញ់រថយន្ដម៉ាកនេះតាំងពីខ្លួននៅតូចមកម្លេះ ។បូព្រឹក្ស ដាស់ តឿនទៅដេវីត ថាពេលមានប្រពន្ធសល់បែបនេះ បើនៅម្នាក់ឯងអត់សល់លុយទេ…។
តារារួមអាជីពនិងFan បានខមិនសាទរបូព្រឹក្ស និងដេវីត ថាពួកគេពិតជាគូស្នេហ៍ដ៍សាកសមគ្នា ដែល ចាប់ដៃគ្នា ជាង៧ឆ្នាំ សល់ផ្ទះវីឡារ និងរថយន្ដទំនើបៗបែបនេះ កម្រមានគូស្នេហ៍ណាអាចធ្វើបានដូច។ដោយឡែកមុនឈានទៅជិះរថយន្ដលំដាប់សេដ្ឋីនេះកន្លងមកបូព្រឹក្ស និងដេវីត ធ្លាប់ជិះរថយន្ដទំ នើបៗ ជាច្រើនគ្រឿងមកហើយក្នុងនោះមានដូចជាRolls Royce ,Mercedes និងEscalade ជាដើម តែអ្នកខ្លះ មិនសូវចូលចិត្តពួកគេថាអ្នកទាំងពីរហ៊ឺហា តែការពិតទិញបង់រំលោះ។ប៉ុន្ដែនៅដើមឆ្នាំ២០២៤ នេះបូព្រឹក្ស -ដេវីត លេង១ក្បាច់ទៀតតបទៅអ្នកថាលោកទិញរថយន្ដទំនើបៗបង់រំលស់ ឬខ្ចីលុយគេនោះតាមរយៈ ការជិះ រថយន្ដLamborghini ដែលមិនទាន់មានតារាណាហ៊ានជិះ ក្រៅពីអតីតតារាសម្ដែងគឹម ច័ន្ទបូរមី ដែលជាសង្សាររបស់លោកហ៊ុន បញ្ញាបុត្រ ចៅបងប្រុសអតីតនាយករដ្ឋមន្រ្ដីប៉ុណ្ណោះដែលមានលទ្ធភាពទិញវាជិះយ៉ាងកាលីព ។
គូរបញ្ជាក់ថាទេព បូព្រឹក្ស និងងួន ចាន់ដេវីត ត្រូវបានគេចាត់ទុកថាជាតារាដែលចូលចិត្តទិញអ៊ឺវ៉ាន់ម៉ាក ប្រេនប្រេនដូចតារាហូលីវូដ ដែលគ្រាន់តែអាវធំខាងក្រៅដេវីត ១មានតម្លៃដល់ទៅជាង៥ពាន់ដុល្លារក៍មាន។ មុនទិញLamborghini នេះដេវីត បានឡើងច្រៀងនៅឆាកតន្រ្ដីមួយហើយត្រូវFan ស្រែកសុំអាវពីខាងក្រៅ តែដេវីត តបវិញថាមិនអាចឲ្យបានទេ ព្រោះអាវនោះមានតម្លៃជាង៣ពាន់ដុល្លារឯណ្ណោះ។ពាក្យនេះធ្វើឲ្យមានការរិះគន់និងឌឺដងទៅលើអតីតជាងជួសជុសទូរស័ព្ទនៅផ្សារឃ្លាំងរំសេវ រូបនេះខ្លាំង រហូតដល់មានខ្លះថាអាវនោះសមតែយកមកជូតជើងជាដើម…។ប៉ុន្ដែដេវីត មិនតតបហើយពេល នេះលោក ហ៊ានចាយលុយធំទិញរថយន្ដក្នុងក្ដីស្រម៉ៃជិះបានដូចបំណង។
ទេព បូព្រឹក្ស បានបង្កាត់ភ្លើងស្នេហាជាមួយលោកងួន ចាន់ដេវីត កាលពីឆ្នាំ២០១៦ ហើយកាលពីឆ្នាំ២០១៩ អ្នកទាំងពីរដឹកដៃគ្នាទៅថតរូបPre_Wedding នៅកោះម៉ាល់ឌីវ និងចង់រៀបការជាមួយគ្នាទៀតផង។ប៉ុន្ដែជាង៤ឆ្នាំមកនេះដំណឹងពួកគេក្រាបផ្ទឹមបានសា្ងត់ទៅវិញ ហើយកាលពីថ្ងៃទី១៦ ខែកុម្ភៈ ឆ្នាំ២០២៣ បូព្រឹក្ស សម្រាលបានកូនប្រុស១ដោយដាក់ឈ្មោះថាទេព បញ្ចាវរាប ហៅAlbert ។នៅថ្ងៃខួបកំណើតគម្រប់អាយុ៣០ឆ្នាំ កាលពីថ្ងៃទី២២ ខែធ្នូ ឆ្នាំ២០២២ បូព្រឹក្ស និងដេវីត បានស្លៀកពាក់ឈុតប្រពៃណីហាក់ដូចជាសញ្ញាចង់ប្រាប់ថាពួកគេត្រៀមខ្លួនរួចរាល់សម្រាប់អាពាហ៍ ពិពាហ៍ នាពេលខាងមុខ។តែនៅពេលសួររឿងរៀបការនេះបូព្រឹក្ស ធ្លាប់ប្រាប់អ្នកយកព័តមានយើងថារឿងខ្លះអាចនិយាយបាន រឿងខ្លះមិនអាចនិយាយបានទេ ស្របពេលប្រ ភពខ្លះថាអ្នកទាំងពីរបានចុះអេតាស៊ីវិលក្លាយទៅជាប្ដីប្រពន្ធគ្នាស្របច្បាប់ទៅហើយ ទើបសម្រេចចិត្តយកកូន មុនរៀបការបែបនេះ ៕
