ភ្នំពេញ៖ថ្លែងក្នុងសន្និសីទកាសែតកាលពីរសៀលថ្ងៃទី២២ ខែមករា លោកអ៊ិន សុភិន ថៅកែផលិតកម្មមហាហង្សនិងជាអ្នកដឹកនាំការប្រកួតMiss Global 2023 ដែលផ្ដាច់ព្រ័ត្រកាលពីថ្ងៃទី១៨ ខែមករា ឆ្នាំ២០២៤ នោះបានប្រកាសថាសម្រាប់រវដូវកាលថ្មីការប្រកួតបវរកញ្ញាសាកលលោក ២០២៤(Miss Global 2024) ខាងមុខនេះកម្ពុជាទទួលបានអាជ្ញាប័ណ្ឌ(license) ផ្ដាច់មុខក្នុងការរៀបចំព្រឹត្ដិការណ៍ដ៍ធំលក្ខណៈអន្ដរជាតិ ដែលនេះជារឿងល្អសម្រាប់កម្ពុជាដើម្បីឲ្យពិភពលោកបានស្គាល់កម្ពុជាកាន់តែច្បាស់ថែមទៀតតាមរយៈការប្រជែងសម្រស់បវរកញ្ញាលំដាប់ពិភពលោកមួយនេះ។លោកសុភិន ប្រាប់ទៀតថាការប្រកួតMiss Global 2024 នឹងចាប់ផ្ដើមពីថ្ងៃទី១១ ដល់ថ្ងៃទី២៦ ខែវិច្ឆិកា ឆ្នាំ២០២៤ ហើយតាមព័តមានដែលលោកទទួលបានគឺមានបេក្ខភាពមកពីប្រទេសផ្សេងៗចូលរួមប្រកួតច្រើនលើសពីMiss Global 2023 ទៅទៀត។
លោកថាការដែលកម្ពុជាទទួលបានការទុកចិត្តពីស្ថាប័នMiss Global ឲ្យរៀបចំផ្ដាច់មុខMiss Global 2024 នោះគឺដោយសារតែការរៀបចំMiss Global 2023 ទទួលបានការជោគជ័យ និងបញ្ចប់ទៅដោយរលូន ទើបពិភពលោកមានការចាប់អារម្មណ៍ខ្លាំងលើកម្ពុជាដែលជាម្ចាស់ផ្ទះរៀបចំFinal ព្រឹត្តិការណ៍ដ៍ធំមួយនេះ បើទោះជានៅវគ្គពាក់កណ្ដាលផ្ដាច់ព្រ័ត្រ(Simi Final )រៀបចំនៅវៀតណាមក្ដី ។ថៅកែផលិតកម្មមហាហង្សរូបនេះបញ្ជាក់ថាវិស័យបវរកញ្ញាមិនអាចមើលរំលងបានទេពោលគឺការរៀបចំព្រឹត្តិការដ៍អស្ចារ្យបែបនេះធ្វើឲ្យពិភពលោកស្គាល់កម្ពុជាកាន់តែច្បាស់ ហើយក៍ជួយជម្រុញវិស័យទេសចរកម្ពុជាឲ្យកាន់តែផុសផុលភ្ញៀវអន្ដរជាតិមកទស្សនាកម្ពុជាកាន់តែច្រើនផងដែរ ។
គូរបញ្ជាក់ថានៅថ្ងៃសន្និសីទសាព័តមាន បិទបញ្ចប់លទ្ធផលការប្រកួតMiss Global 2023 នោះក៍មានជ័យលាភីទាំង៥ ឆ្លើយរាល់សំណួររបស់អ្នកកាសែតផងដែរគឺម្ចាស់ មកុដ(The Winner Miss Global 2023) កញ្ញា Ashley Melendez បរកញ្ញាមកពីប្រទេសPuerto Rico ,លំដាប់រងទី១ បវរកញ្ញាមកពីប្រទេសSamoa ,លំដាប់រងទី២បវរកញ្ញាមកពីប្រទេសThailand ,លំដាប់រងទី៣ បវរកញ្ញា មកពីប្រទេសPhilippines និងលំដាប់រងទី៤ បវរកញ្ញាមកពីប្រទេសVietnam ,បវរកញ្ញាតំណាងឲ្យកម្ពុជាកកញ្ញា លក្ខណ៍ មុនីអានីតា និងថ្នាក់ដឹកនាំរបស់Miss Global ផងដែរ។
ម្ចាស់មកុដ Miss Global 2023 កញ្ញា Ashley Melendez បរកញ្ញាមកពីប្រទេសPuerto Rico បានថ្លែងថានាងទទួលបានការស្វាគមន៍យ៉ាងកក់ក្ដៅពីFan នៅប្រទេសកម្ពុជាហើយនឹងពាំនាំអ្វីដែលមាននៅកម្ពុជាទៅប្រាប់ប្រជាជននៅប្រទេសរបស់នាងឲ្យបានដឹង។បវរកញ្ញាសាម័រ លំដាប់រងទី១ ថានាងមោទនភាពដែលបានចូលរួមប្រកួតវេទិការមួយនេះហើយទទួលបានលទ្ធផលល្អ នឹងពេលនេះធ្វើឲ្យពិភពលោកស្គាលSamoa កាន់តែច្រើន។លំដាប់រងទី២ កញ្ញាកាន បវរកញ្ញាថៃ ថានាងបានបញ្ចេញសម្ថភាពអស់ហើយ និងថាស្រលាញ់ប្រទេសកម្ពុជា។លំដាប់រងទី៣ បវរកញ្ញាមកពីប្រទេសហ្វីលីពីន ថាបានស្គាល់ច្បាស់ប្រាសាទអង្គវរត្តរបស់ខ្មែរដ៍ល្បីល្បាញ ហើយនាងពេញចិត្តលទ្ធផលមួយនេះ។ចំណែកលំដាបរងទី៤ បវរកញ្ញាមកពីប្រទេសវៀតណាម ថានាងពេញចិត្តចំពោះលទ្ធផលមួយនេះ ហើយនាងស្រលាញ់ប្រទេសកម្ពុជា ។
អ្នកគ្រប់គ្រងការប្រកួតMiss Global 2023 របស់វៀតណាមបានថ្លែងថាលោកពេញចិត្តចំពោះការប្រកួតវគ្គផ្ដាច់ព័ត្រនៅកម្ពុជាព្រោះប្រទទេសទាំងពីរនៅជិតគ្នា ងាយស្រួលធ្វើតំណើរទៅមក ហើយលោកចង់ឲ្យកម្មវិធីប្លែក និងម្យាងលោកស្រលាញ់ប្រទេសកម្ពុជាផងដែរ ។
គូរបញ្ជាក់ថាការប្រកួតMiss Global 2023 បានធ្វើនៅ២ប្រទេសគឺនៅកម្ពុជានិងវៀតណាម ដែលចាប់ផ្ដើមពីថ្ងៃទី២ ដល់ថ្ងៃទី១៨ ខែមករា ឆ្នាំ២០២៤ ក្នុងនោះកម្ពុជារៀបចំ៣វគ្គគឺវគ្គបំពាក់ឆៀង ,វគ្គបង្ហាញឈុតតំណាងជាតិ និងវគ្គផ្ដាច់ព្រ័ត្រ(Final )នៅថ្ងៃទី១៨ ខែមករា ឆ្នាំ២០២៤ ដែលមានបេក្ខភាពចំនួន៨២ប្រទេសចូលរួមហើយជាលទ្ធផលកញ្ញាកញ្ញា Ashley Melendez បរកញ្ញាមកពីប្រទេសPuerto Rico គឺជាម្ចាស់មកុដ ។តាមប្រភពថាសម្រាប់ការទទួលបានសិទ្ធិផ្ដាច់មុខរៀបចំMiss Global 2024 ខាងមុខនេះលោកអ៊ិន សុភិន បានទិញLicense ពីMiss Global ដល់ទៅ៣០ម៉ឺនដុល្លារ ខណៈដែលការរៀបចំប្រកួតMiss Global 2023 ទាំង៣ វគ្គនៅកម្ពុជានោះការចំណាយក្បែ១លានដុល្លារឯណ្ណោះ ៕
