ភ្នំពេញ ៖ ស្គាល់គ្នា២ខែរាប់អានជាបងប្អូនធម៌ បានមកផឹកស៊ីហាងបងស្រីធម៌ស្រវឹងស្រា បាននាំគ្នាចងមុខដេកជាមួយគ្នាដាក់ដៃគងលើគ្នាទៅវិញទៅមក និងដណ្តប់ភួយមួយពីរនាក់ ប្តីមកទាន់ទប់កំហឹងមិនបានទាញទូរស័ព្ទថតរូបភាពរួចដើរទៅយកកំាបិតយកមកកាប់ប្អូនធម៌ បែរជាត្រូវក្បាលប្រពន្ធរយះហូរឈាមជោកក្បាល បង្កឲ្យមានការភ្ញាក់ផ្អើលកាលពីវេលាម៉ោង៣និង៣០នាទីយប់ថ្ងៃទី១ ខែកុម្ភៈ ឆ្នាំ២០១៧ ស្ថិតនៅហាងលក់ទឹកត្នោតជូរម្តុំដីវាល ក្រោយកាណាឌីយ៉ា ក្នុងភូមិត្រពាំងថ្លឹង សង្កាត់ចោមចៅខណ្ឌពោធិ៍សែនជ័យ។
បុរសជាប្តីមានឈ្មោះ ខាត់ សុខា អាយុ៣៦ឆ្នាំ មុខរបរបើកហាងលក់ទឹកត្នោតជូរនិងស្រាបៀរ ស្នាក់នៅកន្លែងកើតហេតុខាងលើមានស្រុកកំណើតនៅស្រុកសិរីសោភណ្ឌខេត្តឧត្តរមានជ័យ មានប្រពន្ធឈ្មោះព្រុំ សុភាព អាយុ៣៥ឆ្នាំ មុខរបរបើកហាងលក់គ្រឿងស្រវឹង រស់នៅជាមួយគ្នាមានស្រុកកំណើតនៅភូមិព្រៃល្វា សង្កាត់ចោមចៅខណ្ឌពោធិ៍សែនជ័យ។ ចំណែកប្អូនធម៌ដែលដេកជាមួយឈ្មោះ ហម ចិន្តា ភេទប្រុស អាយុ៣១ឆ្នាំ មុខរបរជាងសំណង់ ស្នាក់នៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ មានស្រុកកំណើតនៅភូមិទ្រា ឃុំឈើកាច់ ស្រុកបាភ្នំខេត្តព្រៃវែង។ ថោង ធឹម
ព័ត៌មានលម្អិត សូមអានកាសែត នគរធំ