ភ្នំពេញ៖ធ្លាប់មានព័តមានថាស្រីស្អាតសុខ ពិសី និងសិស្សប្អូនអ៊ីវ៉ា ត្រូវគ្នាតែការទូតប៉ុណ្ណោះ តែនៅក្រៅឆាកស្រីស្រស់ទាំងពីរមិនសូវចុះសម្រុងគ្នាឡើយ។ប្រភពបានឲ្យដឹងថាចំពោះមូលហេតុគឺដោយសារតែពិសី គឺជាតួឯកគ្រប់ពេលវេលារបស់សាន់ដេរយៈពេលជាង១០ឆ្នាំមកនេះនិងបន្ដទៅមុខជាច្រើនឆ្នាំទៀត ខណៈដែលស្រីនាថ ហៅអ៊ីវ៉ា គឺបានត្រឹមជាតួរងប៉ុណ្ណោះ បើទោះជានាងមានសម្ថភាពមិនក្រោមពិសី ក៍ដោយ។
ប៉ុន្ដែជាថ្មីម្ដងទៀតដើម្បីលាងជម្រះមន្ទិលសង្ស័យរឿងដ៍រសើបនេះមុនថ្ងៃឆ្លងឆ្នាំ២០២៣ សុខ ពិសី និងអ៊ីវ៉ា បានបង្ហាញកាយវិការល្អូកល្អើនដាក់គ្នាសារជាថ្មីតាមរយៈការអង្គុយកៅអីជាប់គ្នា បង្ហាញកាយវិការរាំនៅលើកៅអីរួមគ្នានិងមានតារារួមអាជីពថតដើម្បីឲ្យគេគ្រប់គ្នាអស់ការសង្ស័យនិងជឿរថាតារាទាំងពីរស្រលាញ់គ្នាខ្លាំងណាស់នោះលែងម៉ៃបែបនេះទៀត ព្រោះថាតារាប្រុសស្រីជាច្រើនរបស់សាន់ដេក៍នៅជុំគ្នាពេលនោះដែរដែលអាចធ្វើជាសាក្សីបានថាអ្នកទាំងពីរគ្មានរឿងធំដូចគេម៉ៃឡើយ។
ស្រីស្រស់អ៊ីវ៉ា បានហៅការដែលនាងនិងសុខ ពិសី ស្អិតល្មូតគ្នានោះជាឱកាសដ៍កម្រែឬ១០០០ឆ្នាំទើបមានម្ដង។ស្រីនាថ បានបញ្ចេញរូបភាពនាងនិងពិសី លាងជម្រះមន្ទិលថាអត់ត្រូវគ្នាតាមរយៈរូបភាពនោះថា”អាចនិយាយបានថារូបភាពនេះ១០០០ឆ្នាំ ទើបមានម្ដង”។
ដោយឡែកFan ទាំងសងខាងបានចូលទៅខមិនថាចាំមើលមានអ្នកនិយាយថាអត់ចេះត្រូវគ្នាទៀតអត់ បើគេបង្ហាញប៉ុណ្ណឹងហើយ?
សុខ ពិសី-អ៊ីវ៉ា បានរួមរស់ក្រោមដំបូលសាន់ដេរយៈពេលជាង១០ឆ្នាំដូចគ្នា តែនៅឆ្នាំ២០២៤ នេះឥទ្ធិពលតារាទាំងពីរខុសគ្នាដូចមេឃនិងដី ។ពិសី ក្រោយប៉ៈស្នេហ៍ថៅកែសាន់ដេលោកឡាយ សុខចំរើន រយៈពេលជាង១០ឆ្នាំមកនេះបច្ចុប្បន្ននាងត្រូវបានតារារួមដំបូលគោរពនាងប្រៀបបានជាម្ចាស់ ឬថៅកែផលិតកម្ម បើទោះជានាងនិងលោកចំរើន មិនដែលសារភាពស្នេហ៍ម្ដងណាក៍ដោយ។ដោយឡែកសម្រាប់អ៊ីវ៉ា វិញប៉ុន្មានឆ្នាំចុងក្រោយនេះនាងច្រៀងដោយអត់កុងត្រាជាមួយសាន់ដេ ប៉ុន្ដែថៅកែបានឲ្យសិទ្ធិពិសេសដល់នាងជាងតារាផ្សេងទៀតនោះគឺរាល់បទចម្រៀងដែលសាន់ដេទម្លាក់ឲ្យនាងច្រៀងស្រីនាថ មានសិទ្ធច្រៀងឬបដិសេធច្រៀងបទនោះទៅតាមការសម្រេចចិត្តរបស់នាង ។
គូរបញ្ជាក់ថាសុខ ពិសី ឆ្នាំនេះមានអាយុ៣៤ឆ្នាំហើយ តែនាងនៅមិនទាន់កំណត់ពេលវេលានៃការចូលរោងការជាមួយថៅកែសាន់ដេទេ បើទោះជាអ្នកគាំទ្រ តារារួមអាជីពជម្រុញឲ្យពិសី ត្រូវតែបង្ហាញពីភាពក្លាហានតាមរយៈការដឹកដៃគូស្នេហ៍ចូលរោងការដូចតារាផ្សេងៗទៀតក៍ដោយ តែពិសី បន្ដរារែកចិត្ត និងច្រើនតែDrama ថាឯកោឬគ្មានអ្នកកំដជាដើម ។ចំណែកស្រីស្រស់អ៊ីវ៉ា វិញបានធ្វើឲ្យឪពុកនាងលកអ៊ូ វ៉ាវ សប្បាយចិត្តខ្លាំងណាស់ ព្រោះព្រមបញ្ចេញគូស្នេហ៍ពិតតាំងពីកណ្ដាលឆ្នាំ២០២៣ នោះគឺលោកលី សេងហួរ ម្ចាស់ក្លិបបាល់ទាត់សៀមរាបយូណាធីត ។ប្រភពបានឲ្យដឹងថាស្រីនាថ នឹងលោកសេងហួរ នឹងចូលរោងការនៅដើមឬចុងឆ្នាំ២០២៤ ខាងមុខនេះហើយ ពោលគឺរៀបការមុនសិស្សច្បងពិសី ព្រោះលោកវ៉ាវ មិនចង់ឲ្យនាងពន្យាពេលការប្ដីតទៅទៀតទេ ។ប៉ុន្ដែពិសី វិញដោយសារតែខ្លាចរៀបការហើយធ្លាក់កូដទើបចេះតែបន្ដអូសកក្រឡារឿងគ្រងឈុតកូនក្រមុំមែនទែនជាង១០ឆ្នាំមកនេះ ហើយនៅឆ្នាំ២០២៣ នាងនៅតែមិនព្រមកំណត់ពីពេលវេលារៀបការប្ដីដដែល បើទោះជានាងត្រូវដល់វ័យមានគ្រួសារក្ដី ។
មជ្ឈដ្ឋានមហាជនបានលើកឡើងថាសុខ ពិសី និងអ៊ីវ៉ា ត្រឹមអង្គុយរាំក្បែគ្នាមិនទាន់លុបលាងគេសង្ស័យថាអត់សូវត្រូវគ្នានោះបាន១០០% ទេ ហេតុនេះFan ចង់ឲ្យពិសី និងស្រីនាថ ចេញបទចម្រៀងឆ្លងឆ្លើយគ្នាទើបពួកគេអស់ចិត្ត។តារារួមអាជីពបានលើកឡើងថាឥទ្ធិពលរបស់ពិសី នាពេលនេះនៅសាន់ដេប្រៀបដូចជាថៅកែពោលគឺមិនខុសពីឱក សុគន្ធកញ្ញា នៅហង្សមាសនោះទេ ដែលតារាហង្សមាសគោរពនាងដូចម្ចាស់ផលិតកម្ម ហើយគេជឿរថាមង្គលការរបស់អ៊ីវ៉ា នាពេលខាងមុខនេះនឹងធ្វើឲ្យពិសី ប្ដូរចិត្តពីខ្លាចរោងការទៅជាក្លាហានហ៊ានរៀបការជាចំហ ព្រោះក្រោយពេលនាងក្លាយទៅជាភរិយាស្របច្បាប់របស់លោកចំរើន នឹងធ្វើឲ្យពិសី មានសុវត្ថិភាពទាំងផ្លូវកាយនិងចិត្ត៕