ភ្នំពេញ៖ស្រីស្អាតមាន សូនីតា បានប្រារពខួបកំណើតគម្រប់អាយុ៣៤ឆ្នាំ កាលពី១០ ខែកុម្ភៈ ដែលនៅថ្ងៃពិសេសរបស់នាងនេះសូនីតា ថាប្លែកជាងឆ្នាំមុនៗ ព្រោះតែនាងហ៊ានយកបទចម្រៀងមាស សុខសោភា ដែលនាងស្រលាញ់បំផុត”ព្យាយាមគ្មានន័យ” មកច្រៀងដោយសម្លេងនាងផ្ទាល់ រួមទាំងការថតMV ឡើងវិញផងដែរ។សូនីតា ថានាងហាក់ដូចជាថ្លើមធំបន្ដិចដែលជ្រើសរើសបទសុខសោភា មកCover ឡើងវិញនេះ ប៉ុន្ដែមូលហេតុក៍ព្រោះតែនាងចង់ជម្នះនូវពាក្យដែលគេមើលស្រាល(Bully) លើខ្លួនពីបញ្ហាសម្លេងតាំងពីរូបនាងនៅតូចរហូតមកដល់បច្ចុប្បន្ន ទើបនាងប្រឹងហាត់ចម្រៀងមួយបទនេះដោយការយកចិត្តទុកដាក់ខ្ពស់បំផុត។ប៉ុន្ដែសូនីតា មិនប្រាប់ថាតើអ្នកចូលចិត្តBully នាងនោះមិនចេញចិត្តតែសម្លេងនាងមួយមុខឬមានកន្លែងណាផ្សេងទៀតដែរឡើយ។
យ៉ាងណាតាមរូបភាពសកម្មភាពខួបកំណើតរបស់មាន សូនីតា នោះគេមិនឃើញនាងបង្ហាញមុខមនុស្សពិសេសក្នុងបេះដូងរបស់នាងចូលរួមឬជូនកាដូពិសេសដូចគូស្នេហ៍ដ៍ទៃទៀតឡើយ ពោលគឺនាងព្យាយាមលាក់ជិតតែម្ដង បើទោះជាក្នុងបទសម្ភាសន៍នាពេលកន្លងមកនាងបានសារភាពថាមិនមែនបេះដូងនៅទំនេរ តែកំពុងសិក្សាស្វែងយល់ចិត្តគ្នាជាមួយបុរសម្នាក់ក្ដី។ប្រភពខ្លះថាបុរសដែលសូនីតា បានស្វែងយល់ចិត្តគ្នាជាច្រើនឆ្នាំមកហើយនោះមិនដែលភ្លេចថ្ងៃខួបកំណើតនាងម្ដងណាទេ ហើយលោកតែងតែមានកាដូជាពិសេសជូននាងតែនីតា ព្យាយាមលាក់មុខម្ចាស់កាដូជិតឈឹង។
គូររំលឹកថាមាន សូនីតា មានស្រុកកំណើតមកពីខេត្តកំពង់ចាមបានប្រលងFreshie ជាប់លេខ៣ កាលពីឆ្នាំ២០០៩ ហើយអំឡុងពេលប្រឡូកសិល្បៈ១៥ឆ្នាំមកនេះ ស្រីស្រស់ទទួលបានតំណែងជាតួឯកទាំងភាពយន្ដនិងMV ជាច្រើនរឿងនិងបទមកហើយ ។តែនៅប៉ុន្មានឆ្នាំចុងក្រោយនេះនីតា រយាលៗពីអាជីពសម្ដែងហើយលេចមុខនាងដើរកម្សាន្ដនៅបរទេសជាញឹកញាប់ ពោលគឺដើរចាយលុយតែម្ដង។នីតា ធ្លាប់ប្រាប់ថានាងទទួលថតរឿងក្នុងមួយឆ្នាំ តែមួយរឿងប៉ុណ្ណោះ ព្រោះចង់ទុកពេលយកមករកស៊ី ខណៈដែលបច្ចុប្បន្ននាងមានហាង៣ផ្សេងគ្នាគឺហាងកាហ្វេ”ណ”សាខាទួលទំពួង ,ហាងក្រម៉ា និងហាងកាត់ដេរ។ការពង្រីកអាជីវកម្មជាបន្ដបន្ទាប់របស់សូនីតា នេះក្រោយពេលនាងធ្លាប់ប៉ះរឿងស្នេហាជាមួយមន្រ្ដីគយវ័យចំណាស់ម្នាក់ជាច្រើនឆ្នាំ តែស្រីស្រស់មិនដែលហ៊ានលាតត្រដាងឬជម្រះមន្ទិលស្នេហារឿងនេះទេ ។
ទាក់ទងការឈានមួយជំហ៊ានទៀតរបស់មាន សូនីតា ដោយចាប់ផ្ដើមច្រៀងCover បទចម្រៀងដែលខ្លួនស្រលាញ់មានទាំងថតMV នេះត្រូវបានអ្នកជំនាញសិល្បៈលើកឡើងថាស្រីស្អាតរូបនេះអាចច្រៀងជាតារាកិត្តិយសបាន ប៉ុន្ដែមិនអាចធ្វើជាតារាចម្រៀងអាជីពបានឡើយ ។ប្រភពថាកុំថាឡើយធ្វើជាតារាចម្រៀងអាជីព សូម្បីតែធ្វើជាMC ក៍មិនអាចទៅរួចទេ ព្រោះថាសម្លេងនីតា តូចនិងស្រាលពេក ពោលគឺនិយាយទៅដូចកូនក្មេង ដែលចំណុចខ្សោយរបស់នាងបែបនេះហើយទើបការសាកល្បងចាប់អាជីពជាពិធីការនីបានតែមួយប្រាវក៍នីតា ដកខ្លួនទៅវិញដោយសារតែអ្នកដឹកនាំកម្មវិធីសិល្បៈលើកឡើងថាសម្លេងនាង”អត់ត្រូវប៉ាន់”។
ថ្វីត្បិតតែមាន សូនីតា បរាជ័យក្នុងការចាប់អាជីពMC ព្រោះតែម្លេងមិនអំណោយផលមែន តែនាងត្រូវបានអ្នកដឹកនាំសម្ដែងភាពយន្ដលើកសរសើរពីទេពកោសល្យថាសម្ដែងបានល្អមិនចាញ់មីងរបស់នាងអ្នកនាងចន ច័ន្ទលក្ខិណា ទេ ។ចំណុចនេះហើយដែលក្រុមDirector មិនហ៊ានទម្លាក់នីតា មកធ្វើជាតួរង ធ្វើឲ្យស្រីស្រស់នៅតែមានកេ្រឌីត និងថានាងទទួលសម្ដែងភាពយន្ដ និងខារ៉ាអូខេ ទាល់តែរឿងនិងបទណាដែលនាងស្រលាញ់ដែរទើបព្រមថត។
Fan របស់មាន សូនីតា លើកឡើងថាពេលនេះស្រីស្អាតមានអាយុ៣៤ឆ្នាំ ទៅហើយពោលគឺដល់វ័យចូលរោងការ ព្រោះតារាស្រីល្បីៗភាគច្រើនការប្ដីនៅអាយុប៉ុណ្ណេះ ហេតុនេះពួកគេមិនចង់ឲ្យនាងសាងស្នេហ៍ដោយអាថ័កំបាំងទៀតឡើយ ។គេថាប្រសិនបើនីតា ក្លាហានចាប់ផ្ដើមបណ្ដើរម្ចាស់ចិត្តជាសាធារណៈនៅឆ្នាំ២០២៤ នេះនឹងធ្វើឲ្យនាងលាងជម្រះរឿងដ៍រសើបថានាងមានស្រីតាមស្រលាញ់ច្រើនជាងប្រុសនោះជាមិនខាន ៕
