ភ្នំពេញ៖អ្នកនាងហ៊ិន ច័ន្ទនីរ័ត្ន មានភាពប្រែប្រួលជាច្រើនចំណុចបន្ទាប់ពីបានក្លាយទៅជាភរិយាលោកឌី ពេជ្រ ស្របច្បាប់កាលពីថ្ងៃទី១២ ខែ ធ្នូ ឆ្នាំ២០២៣ ។នាងមិនសូវបង្ហាញមុខតាមកម្មវិធីអ្នកសិល្បៈច្រើនដូចមុនទេ ហើយសកម្មភាពសិល្បៈរបស់នាងក៍ចាប់ផ្ដើមកាត់បន្ថយបន្ដិចម្ដងៗ និងឈានទៅដកខ្លួនពីអាជីពចាស់មួយនេះថែមទៀតផង បើទោះជាស្វាមីរបស់នាងមិនបង្ហាញពីការហួងហែងដល់នាងក្នុងការលេងសិល្បៈបន្ដទៀតក្ដី ។ប្រភពបានឲ្យដឹងថាបច្ចុប្បន្នច័ន្ទនីរ័ត្ន ជិះរថយន្ដទំនើបម៉ាក Bentley ដែលមានតម្លៃក្បែកន្លះលានដុល្លារ តែនាងមិនមានអង្គរក្សបើកជូន ឬតាមការពារឡើយ ។ច័ន្ទនីរ័ត្ន ក៍ច្រើនតែបង្ហាញខ្លួនទិញអ៊ឺវ៉ាន់ម៉ាកប្រេន ប្រេន ផងដែរ ខណៈដែលការងារសិល្បៈជាប្រចាំរបស់នាងគឺនៅមានតែធ្វើជាពិធីការិនីនៅបាយ័នប៉ុណ្ណោះ ព្រោះនាងលែងផ្ដោតទៅលើការថតសម្ដែងភាពយន្ដ និងខារ៉ាអូខេ ដូចមុនទៀតហើយ តែយូៗនៅចេញមុខតាមក្រុមហ៊ុនAgency ក្នុងនាមជាMC ម្ដងម្កាលប៉ុណ្ណោះ។ប្រភពបានឲ្យដឹងថាច័ន្ទនីរ័ត្ន នឹងត្រូវស្វាមីជម្រុញឲ្យទៅធ្វើជំនួញ ប៉ុន្ដែមិនទាន់ឃើញនាងបើកហាង ឬរកស៊ីអ្វីធំដុំនោះទេ ដែលចំណុចនេះមកពីទើបរៀបការហើយថ្មោងថ្មីពេកពោលគឺទើបមានប្ដីជាង២ខែ ទើបនាងគិតតែពីផែនការណ៍យកកូនជាមុនសិន ។ប៉ុន្ដែរឿងធំដែលគេលែងនិយាយតទៅទៀតនោះគឺពេលនេះគ្មានអ្នកណាថានីរ័ត្ន ជាតារាអភ័ព្វ ឬបរាជ័យរឿងស្នេហាទៀតឡើយ ។
សូមបញ្ជាក់ថាហ៊ិន ច័ន្ទនីរ័ត្ន បានក្លាយទៅជាគូស្នេហ៍ដំបូងដែលនាងនិងសង្សារបែកគ្នាដល់ទៅ៨ឆ្នាំ តែចុងក្រោយបានវិលមកការផ្សះផ្សារត្រូវរ៉ូវគ្នាវិញរហូតដល់នាងដឹកដៃលោកឌី ពេជ្រ ដែលជាក្មួយសម្ដេចតេជោហ៊ុន សែន រៀបការកាលពីថ្ងៃទី១២ ខែ១២ ឆ្នាំ២០២៣ ។បើទោះជាច័ន្ទនីរ័ត្ន មិនទាន់ពពោះមែន ប៉ុន្ដែនាងមានកូន១ទៅហើយ ព្រោះនាងចាត់ទុកកូនស្រីភរិយាមុនប្ដីដូចជាកូននាងបង្កើតដែរ ប៉ុន្ដែតាមព័តមានថាតារាធ្មេញចំពើសរូបនេះនឹងយកកូននៅឆ្នាំ២០២៤ នេះហើយពោលគឺមិនជ្រើសវិធីពន្យាការពពោះព្រោះខ្លាចប៉ះពាល់ដល់អាជីពសិល្បៈរបស់នាងទេ តែនាងចង់ពង្រឹងចំណងស្នេហាឲ្យកាន់តែរឹងមាំថែមទៀត ទើបរៀបគម្រោងយកកូននៅឆ្នាំថោះនេះតែម្ដង។
ប្រភពបានឲ្យដឹងថាពេលហ៊ិន ច័ន្ទនីរ័ត្ន ទៅធ្វើការនៅបាយ័ន ពេលខ្លះប្ដីនាងជូនទៅតែម្ដង ទើបអ្នករួមអាជីពបាននិយាយថានីរ័ត្ន មានអង្គរក្សតាមជាប់ ដែលនោះគឺសំដៅដល់ស្វាមីនាងលោកពេជ្រ ធ្វើតៃកុងឡានឲ្យនាងនោះឯង ។ពិធីការិនីនៅបាយ័នបានបង្ហើបថាច័ន្ទនីរ័ត្ន អាចនឹងបន្ដថតភាពយន្ដបែបប្រវត្តិសាស្រ្ដ ឬរឿងប្រវត្តិរបស់ថ្នាក់ដឹកនាំ តែបើរឿងភាគ និងដុំធម្មតា ៗហើយមានឈុតអោបថើបរោលរាលនោះពួកគេជឿរថាទោះជាប្ដីមិនហាមក៍នីរ័ត្ន មិនហ៊ានសម្ដែងទៀតដែរ ព្រោះខ្លាចប៉ះទង្គិចដល់អារម្មណ៍ស្វាមីនាង ។
ក្រៅពីហ៊ិន ច័ន្ទនីរ័ត្ន តារាដែលដកខ្លួនចេញពីអាជីពសម្ដែងពេលមានគូស្នេហ៍ជាសាច់ញាត្តិរបស់អ្នកធំមានដូចជានាងនឿន ចាន់ធឿន ,កែវ ពិសី និងគឹម ច័ន្ទបូរមី ជាដើម ។សម្រាប់ច័ន្ទនីរ័ត្ន វិញមុនផ្អាក ឬនឹងអាចបាត់មុខពីអាជីពសម្ដែងទាំងស្រុងនេះនាងបានសាងស្នាដៃជាច្រើនទាំងភាពយន្ដនិងខារ៉ាអូខេ ហេតុនេះបន្ទាប់ពីដឹកដៃស្វាមីទៅក្រេបចន្ទទឹកឃ្មុំ(Honey Moon) នៅជប៉ុនកាលពីពេលថ្មីៗនេះរួចអតីតFreshie លេខ១ ឆ្នាំ២០០៧ រូបនេះនឹងមិនរារែក ចិត្តក្នុងការពពោះ ទេ។ដោយឡែកទស្សនិកជនរងចាំមើលថាតើរវាងហ៊ិន ច័ន្ទនីរ័ត្ន និងលី ម៉ារីណា ដែលសុទ្ធតែបានស្វាមីជាបុរសពោះម៉ាយដូចគ្នា ចង់បានកូននៅឆ្នាំ២០២៤ នេះព្រមគ្នាដែរនោះម្នាក់ណានឹងពោះធំមុន?
