ភ្នំពេញ៖នៅបាំងតែ១ខែទៀតប៉ុណ្ណោះ អតីតតារាចម្រៀងហង្សមាសសុខ ស្រីនាង នឹងគម្រប់ខួប៣ឆ្នាំគត់នៃការផ្អាកឡើងច្រៀងសម្ដែងលើឆាកតន្រ្ដីទាំងឡាយ ខណៈដែលនាងការឈប់បង្ហោះរូបភាពទាំងឡាយនៅលើបណ្ដាញសង្គមទើបតែរយៈពេលជិត១១ខែប៉ុណ្ណោះ ។ជុំវិញការបោះបង់អាជីពចាស់ដោយគ្មានស្ដាយស្រណោះប៉ុនក្រចកដៃបែបនេះស្រីនាង ហាក់អាថ័កំបាំងជាងតារាផ្សេងៗទៀតដែលលាឈប់ពីអាជីពសិល្បៈដែរ តែពួកគេនៅតែចេញមុខតាមOnline និងកម្មវិធីអ្នកសិល្បៈដែលស្និតស្នាលគ្នា ប៉ុន្ដែនាងវិញគឺលាក់មុខជិតឈឹងតែម្ដង ហើយផ្លាស់ប្ដូរទាំងលេខទូរស័ព្ទដែលធ្លាប់ប្រើទៀតផង ទើបមិនអាចទាក់ទងបានឡើយ ។ដោយសារតែស្រីនាង ធ្លាប់តស៊ូក្នុងអាជីពចម្រៀងជាង១០ឆ្នាំ ហើយទើបតែលេចមុខធ្លោគូសមមុនពេលនាងដើរចេញពីអាជីពនោះធ្វើឲ្យមានពាក្យចរចាមអារ៉ាមជាច្រើនបានផ្ទុះឡើងក្នុងនោះដំណឹងដែលរសើបជាងគេគឺលេចឭថានាងត្រូវមន្រ្ដីធំហួងហែង លែងឲ្យលេងអាជីពចាស់នេះទៀតហើយ និងខ្លះទៀតសង្ស័យថានាងមានកូន១ទៀតផង ។
យ៉ាងណាជុំវិញដំណឹងបោកបក់លើខ្លួននេះសុខ ស្រីនាង មិនដែលចេញមុខបកស្រាយម្ដងណាឡើយ ដោយនាងជ្រើសផ្លូវរក្សារភាពស្ងៀមស្ងាត់ ខណៈដែលអ្នកដឹកនាំសម្ដែងភាពយន្ដនិងខារ៉ាអូខេនៅហង្សមាសដែលស្និតនាងនោះក៍ឆ្លើយថាលែងដឹងពីរឿងនាងច្រើនខែមកហើយ ព្រោះអត់ដែលបានជួបគ្នា ។ប៉ុន្ដែពួកគេឆ្លើយថាស្រីនាង ឈប់ពេលដាច់កុងត្រាជាមួយហង្សមាស មិនមែនចេញមុនកំណត់នោះទេ គ្រាន់តែមិនតកុងត្រាថ្មី។
សុខ ស្រីនាង ឈប់ឡើងឆាកច្រៀងសម្ដែងតាំងពីខែមេសា ឆ្នាំ២០២១ ពោលគឺអំឡុងពេលដែលកូវីដកំពុងផ្ទុះនិងឆ្លងរាលដាលដល់តារាៗជាលើកដំបូង នាងលែងចេញច្រៀងរហូតដល់សព្វថ្ងៃ ។នេះបើតាមការបង្ហើបពីលោកសេត គឹមសឿន អ្នកដឹកនាំការប្រគុំតន្ត្រីប៉ុស្ដិ៍CNC ។ប៉ុន្ដែអំឡុងពេលដែលលែងទទួលច្រៀងនោះស្រីនាង បានចំណាយពេលដល់ទៅ២ឆ្នាំដើម្បីដើរលេងកម្សាន្ដនៅតំបន់ទេសចរណ៍ ទាំងនៅប៉ែកអាស៊ី និងអ៊ឺរ៉ុប ដែលគេសង្ស័យថាតំណើររបស់នាងអាចជាការពិសោធន៍ស្នេហ៍ថ្មី តែនាងបានផុសរូបម្នាក់ឯងរហូតដល់ខែមេសា ឆ្នាំ២០២៣ ទើបលែងផុសមកដល់បច្ចុប្បន្ននេះតែម្ដង។
អ្នកជំនាញសិល្បៈបានលើកឡើងថាវាមិនមែនជារឿងចៃដន្យនោះទេ ដែលសុខ ស្រីនាង អាចរកប្រាក់ចំណូលបានរាប់ម៉ឺនដុល្លារក្នុង១ឆ្នាំៗពីវិស័យសិល្បៈព្រោះច្រៀងមួយកម្មវិធីស៊ីថ្លៃជិត២ពាន់ដុល្លារ តែនាងបែជាបោះបង់អាជីពនេះចោលកណ្ដាលទីបែបនេះទៅវិញ។ប្រភពនោះសង្ស័យថាគូស្នេហ៍របស់ស្រីនាង គឺអាចធានាការរស់នៅសោយសុខរបស់នាងដោយមិនបាច់ពឹងអាជីពចាស់តទៀត បានជានាងមិនស្រណោះលុយពីសិល្បៈដែលកំពុងតែមានទីផ្សារបែបនេះ ។
ថ្វីត្បិតតែសុខ ស្រីនាង មិនអាចទាក់ទង ឬមិនដែលចេញមុខបំភ្លឺរឿងដែលលេចឭលើខ្លួនតាំងពីនាងឈប់ច្រៀងជិត៣៦ខែ នេះក្ដី ប៉ុន្ដែមុននេះអ្នកដឹកនាំសម្ដែងMV ម្នាក់នៅហង្សមាសដែលធ្លាប់លេចឭថាមានភាពស្និតស្នាលគ្នាចម្លែកជាមួយស្រីនាង គឺលោកEco Vak Song នោះក៍បានចេញមុខការពារស្រីនាង ថាមូលហេតុដែលនាងលែងច្រៀងព្រោះជាប់រវល់រកស៊ី។ប៉ុន្ដែនៅពេលដែលអ្នកលេងបណ្ដាញសង្គមលើកជាសំណូរថាតើស្រីនាង រកស៊ីអី បានជាមហារវល់រហូតយដកឃ្លាមកច្រៀងលែងរួចនោះDirector រូបនេះមិនឆ្លើយតបឡើយ។
គូរបញ្ជាក់ថាមុនដើរចេញពីអាជីពចម្រៀងសុខ ស្រីនាង ត្រូវបានថៅកែហង្សមាសប្រគល់តំណែងធំឲ្យនាងគ្រងតួឯករឿងភាគ”រាជនីយភូមិគ្រិះ” និងភាពយន្ដខ្នាតធំដែលនាងចូលទៅថតជំនួសឱក សុគន្ធកញ្ញា ដែលពេលនោះពពោះកូនទី១រឿង”ខ្ញុំមានញាណលើស “ ពេលនេះមិនទាន់ដាក់បញ្ចាំងនៅឡើយ ។អតីតតារាKH និងសាន់ដេ រូបនេះក៍ត្រូវបានថៅកែរុញទៅឲ្យនាងធ្វើជាគណៈកម្មាការ Cambodian Idol Junior រដូវកាលទី១ ផងដែរ តែពេលនេះត្រូវជំនួសដោយលោកហ្សូណូ វិញ។អ្នកមេម៉ាយវ័យ៣៧ឆ្នាំ រូបនេះបានលែងលះអតីតប្ដីលោកស៊ី សុវត្ថិ កាលពីឆ្នាំ២០១០ ហើយអំឡុងពេលដែលធ្លាក់ខ្លួនមេម៉ាយជិត១៤ឆ្នាំមកនេះ ស្រីនាង មានជម្រើសស្នេហ៍ច្រើនដែលតាមព័តមានថាក្នុងនោះក៍មានមន្រ្ដីធំខ្លះចង់ស្អំបេះដូងនាងដែរ ។ប៉ុន្ដែចំពោះបុរសដែលមានឥទ្ធិពលអាចឲ្យស្រីនាង លាឈប់ពីអាជីពកណ្ដាលទីបែបនេះ ទៅរួចបានបានគេនៅមិនទាន់ដឹងពីឋានៈនិងតួនាទីក៍ដូចជាឥទ្ធិពលរបស់លោកម្នាក់នោះថាជាម្នាក់ណាឡើយ ព្រោះនៅពេលនាងលេងចម្រៀងខ្សែរឿង”ស្នេហាខ្ញុំ ផ្លូវ២ “ជាមួយឱក សុគន្ធកញ្ញា នោះមានដំណឹងថាស្រីៗតាមស្នេហានាងច្រើនជាងប្រុស ៕
