Thursday, July 10, 2025
Homeព័ត៌មានអន្តរជាតិពួកឧទ្ទាម​ ហ្វីលីពីន ​ចង់​ចរចាសន្តិភាព ​ដោយគ្មានបទឈប់បាញ់​

ពួកឧទ្ទាម​ ហ្វីលីពីន ​ចង់​ចរចាសន្តិភាព ​ដោយគ្មានបទឈប់បាញ់​

ហ្វីលីពីន៖ កងទ័ពព្រៃ​របស់ក្រុមអ្ន​កកាន់លទ្ធិកុម្មុយនិស្ត​ក្នុងប្រទេស​ហ្វីលីពីន​បាន​ថ្លែងកាលពីថ្ងៃច័ន្ទថា​ពួកគេ​ចង់​​ធ្វើការ​ចរចា​ស្វែងរក​សន្តិភាព​ជាមួយនិង​លោក​ប្រធានាធិបតី Rodrigo Duterte ដែល​បានបោះបង់ចោលបទឈប់បាញ់​​ ប៉ុន្តែ​ការ​ដាក់​បញ្ចូល​កិច្ចព្រមព្រៀងផ្អាកសង្គ្រាមនេះ​នឹង​ក្លាយ​ជា​ការ​លំបាក​ប្រសិនជា​យោធានៅតែ​រក្សាជំហរ​រំលោភបំពាន​ដដែល។

លោក​ Duterte កាលពីថ្ងសុក្រ​បាន​លើក​ឡើង​ពី​បទឈប់​បាញ់​ដែល​មាន​អាយុកាល​៦ខែ​របស់រដ្ឋាភិបាល​ជាមួយនិង​ក្រុមឧទ្ទាម​និង​បាន​ថ្លែងនៅ​ថ្ងៃសៅរ៍​ថា​លោក​បាននិងកំពុង​បោះបង់​ចោល​នូវ​ការចរចា​ដែលមាន​ប្រទេស​ន័រវែសធ្វើ​ជា​មេអណ្តើក ។ ការបម្រែបម្រួល​​នេះ​បាន​កើតឡើង​បន្ទាប់ពីទ័ពឈ្លប​បាន​បោះបង់​ចោល​បទឈប់បាញ់​របស់ពួកគេ​ហើយថែមទាំង​បាន​សម្លាប់​ទាហាន​៦នាក់​និង​ចំណាប់ខ្មាំង​២នាក់ផ្សេងទៀត​ក្នុងការ​ផ្ទុះអំពើហិង្សា​ថ្មីៗនេះ​។

រដ្ឋាភិបាល​និង​ក្រុមឧទ្ទាម​បាន​ប្រកាសកិច្ចព្រមព្រៀង​ឈប់បាញ់​កាលពីឆ្នាំទៅ​​ដើម្បី​លើក​តម្កើង​ការចរចា​ស្វែងរក​សន្តិភាព​ ។

កាលពីថ្ងៃច័ន្ទ​ទីប្រឹក្សាក្រុមឧទ្ធាម​លោក Luis Jalandoni បាន​ចោទប្រកាន់​យោធា​កំពុងរំលោភបំពាន​បទឈប់បាញ់របស់​រដ្ឋាភិបាល​តាមរយៈ​ការ​ពង្រាយកងទ័ព​ក្នុង​ភូមិប្រមាណជា​៥០០នៅទូទាំងប្រទេស​ ក៏ដូចជា​ការ​កាន់កាប់​ទីស្នាក់ការភូមិ​ និង​សាលារៀន និង​បន្ត​ប្រតិបត្តិការ​ប្រឆាំងនិងកិច្ចព្រមព្រៀងនេះ​ដូចជាការ​ឈ្លបការណ៍​ដែល​លោក​បាន​លើកឡើងថា​ជា​បព្វហេតុ​ដែលនាំឲ្យ​ផ្ទុះការប៉ះ​ទង្គិច​ដោយចៀសមិនផុតឡើយ ។

ក្រុមឧទ្ទាម

កងទ័ពព្រៃ​ត្រៀម​ខ្លួ​នជានិច្ច​ក្នុងការ​បន្ត​នីតិវិធី​ចរចា​ក្នុង​ប្រទេស​ន័រវែស​ដែល​គេបាន​កំណត់កាលបរិច្ឆេទ​សម្រាប់​ចរចា​ក្នុង​ថ្ងៃទី​២២ដល់២៥ខែកុម្ភះ​នេះ ជា​កិច្ចព្រមព្រៀង​រួមស្តីពីបទឈប់បាញ់​ដែលអាចធ្វើទៅបាន ។ ជាងនេះទៅទៀត​រដ្ឋាភិបាល​មិន​ចេញ​សេចក្តី​ថ្លែងការណ៍​ផ្លូវការ​មួយ​ដែល​តម្រូវ​ឲ្យ​មានការ​​បញ្ចប់​កិច្ចការពិភាក្សាឡើយ ។

លោក Jalandoni បានថ្លែងប្រាប់​វិទ្យុ DZMM តាមទូរស័ព្ទពី​អឺរ៉ុបមកថា​យើង​កំពុង​និយាយ​ពី​ការចរចាសន្តិភាព​ដែល​នៅតែ​អាចទៅរួច​ក្នុង​ការ​អវមាននៃ​កិច្ចព្រមព្រៀង​ឈប់បាញ់ឬ​គ្មានបទឈប់បាញ់ ។

ចំណែក​លោក Duterte បានទៅ​សួរសុខទុក​ពួកភេរវករ​ដែល​ជា​​ក្រុមបះ​បោរទាំ​ង​នោះ​បន្ទាប់​ចោទប្រកាន់ពួកគេជាអ្នក​សម្លាប់​ទាហាន៦នាក់​ដូច​ការ​ពិឃាត​សត្វ​ជ្រូក ។ លោកបានថ្លែងថា​មេដឹកនាំ​ឧទ្ទាម​មួយចំនួន​ដែល​ត្រូវ​បាន​ដោះ​លែង​ឲ្យមាន​សេរីភាព​ជាបណ្តោះអាសន្ន​នឹងត្រូវអនុញ្ញាតឲ្យ​ចូល​រួម​ក្នុងការ​ចរចា​សន្តិភាព​ក្នុង​តួនាទី​ជាអ្នក​សម្របសម្រួល​ ហើយពួកគេក៏​គួរតែ​វិលត្រឡប់​ទៅ​ប្រទេស​ជាតិវិញ​និង​ចូល​ទទួលទោសក្នុង​មន្ទីរឃុំឃាំងវិញដែរ ដែល​លោកបាន​គំរាម​ចាប់ខ្លួន​ប្រសិនជា​ពួកគេ​បដិសេធ ។

ទោះជាយ៉ាងណា​លោក Jalandoni បាន​ថ្លែងថា​ពួកឧទ្ទាម​ដែល​បាន​ដោះលែង​ចំនួន​១៧នាក់​ត្រូវបានការពារ​ដោយ​កិច្ចព្រមព្រៀង​ឆ្នាំ​១៩៩៥ ដែលស្ថិតក្រោម​ការព្រមព្រៀង​របស់រដ្ឋាភិបាល​ដែលអនុញ្ញាតមាន​អភ័យ​ឯកសិទ្ធិ​ពីការ​ចាប់ខ្លួន​ ខណៈ​ពេល​ជួយបម្រើការ​ងារនិងតួនាទី​ជា​អ្នកសម្របសម្រួល​ក្នុងការ​ចរចា​សន្តិភាព ។ ម្យ៉ាងទៀត​ក្រុមឧទ្ទាមទាំងអស់​បានវិលត្រឡប់​ចូល​ហ្វីលីពីន​វិញ​បន្ទាប់ពី​ចូលរួម​ការចរចា​ជុំថ្មី​មួយ​ក្នុង​ទីក្រុង​រ៉ូម​ហើយ​មិនគួរត្រូវបាន​ចាប់ខ្លួន​ឡើយ ។

ប្រែសម្រួលដោយ៖ អុីវ វិចិត្រា

 

 

RELATED ARTICLES