ភ្នំពេញ ៖ បន្ទាប់ពីមានបទបញ្ជាពីសម្តេចក្រឡាហោម ស ខេង យ៉ាងម៉ឺងម៉ាត់អោយអាជ្ញាធរខណ្ឌសែនសុខធ្វើយ៉ាងណាត្រូវតែបំបែកសំបុកគ្រឿងញៀននៅតំបន់ត្រពាំងឈូកមុខមន្ទីរពេទ្យ ព្រះកុសុមៈដែលបង្រ្កាបមិនចេះអស់នេះអោយអស់ត្រឹមរយះពេល១ខែ ។
ក្រោយពីទទួលបទបញ្ជាភ្លាមជាក់ស្តែងកាលពីវេលាម៉ោង៨និង៣០នាទីយប់ថ្ងៃទី០៧ ខែកុម្ភៈគណៈបញ្ជាការឯកភាពខណ្ឌសែនសុខដឹកនាំកំលាំងផ្ទាល់ដោយលោកគួក សុខហួរ អធិការរងនគរបាលខណ្ឌនិងលោកមុត សុវណ្ណ នាយករដ្ឋាបាលខណ្ឌសែនសុខ រួមនិងកម្លាំងកងរាជអាវុធហត្ថខណ្ឌជាច្រើននាក់ទៀតបានចុះបង្ក្រាបទីតាំងជួញដូរនិងប្រើប្រាស់គ្រឿងញៀននៅតំបន់ខាងលើនេះរហូតទៅដល់ទៅ២លើកក្នុងមួយយប់នេះដោយឃាត់ខ្លួនបានជនសង្ស័យចំនួន៤១នាក់ក្នុងនោះស្រីម្នាក់ និងដកហូតថ្នាំញៀនចំនួនពីរកញ្ចប់តូចនិងឧបករណ៍ប្រើប្រាស់មួយចំនួនផងដែរនៅចំណុចភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
គួរបញ្ជាក់ថានៅដើមឆ្នាំ២០១៧នេះ នគរបាលខណ្ឌសែនសុខបានបើកយុទ្ធនាការអោយដូចភ្លៀងរលឹមដោយចុះជាប់គ្នាទាំយប់ទាំងថ្ងៃតែម្តង និងបានប្រមូលក្រុមក្មេងដែរតែងតែដើរចោរផ្ទះមកប្រមូលផ្តុំប្រើប្រាស់គ្រឿងញៀននិងខ្លះមកលេងល្បែងស៊ីសងខុសច្បាប់ជាច្រើននាក់ហើយទោះជានៅដើមឆ្នាំ២០១៧នេះខាងអគ្គស្នងការនគរបាលបានដាក់គោលការណ៍ត្រូវយកបញ្ហាគ្រឿងញៀនជាបញ្ហាចំបងក៍ដោយ តែសកម្មភាពចុះបង្ក្រាបនេះតែងតែកើតមានឡើងជារឿយៗ នៅក្នុងខណ្ឌសែនសុខនេះ នៅតែបង្រ្កាបក្រុមចែកចាយនិង ប្រើប្រាស់គ្រឿងញៀនមិនចេះអស់ ។
បច្ចុប្បន្នជនសង្ស័យខាងលើរួមទាំងវត្ថុតាងត្រូវបាននាំខ្លួនយកទៅធ្វើការសាកសួរនៅអធិការដ្ឋាននគរបាលខណ្ឌសែនសុខចាត់ការបន្តតាមនីតិវិធី៕
សោល វណ្ណៈ