ភ្នំពេញ៖នៅ សុនិតា បានបង្ហាញភាពផ្អែមល្ហែមជាថ្មីជាមួយស្វាមីវ័យចំណាស់របស់ខ្លួនលោកទិត ថាវរិទ្ធ ដោយនាងថែមទាំងចាត់ទុកប្ដីថាជាទីប្រឹក្សាបេះដូងរបស់នាងទៀតផង បន្ទាប់ពីពួកគេបានចាប់ដៃគ្នាបានជាង៦ឆ្នាំ ទទួលបានកូនប្រុស១អាយុជិត៥ឆ្នាំ ដោយគ្មានដំណឹងរៀបការ ។សកម្មភាពរបស់សូនិតា បែបនេះធ្វើឲ្យភាពក្រៀមក្រំកាលពីចុងឆ្នាំ២០២២ ដែលគេសង្ស័យថានាងនិងម្ចាស់ស្នេហាប្រេះឆាស្នេហ៍នោះបានបន្សាបទៅវិញបន្ដិចម្ដងៗ ក្រោយអ្នកទាំងពីវិលមករកភាពស្អិតល្មូតគ្នាជាថ្មីកាលពីពាក់កណ្ដាលឆ្នាំ២០២៣ ។យ៉ាងណាសូនិតា មិនទាន់ពពោះកូនភ្លោះតាមបំណងដែលFan ជូនពរនាងនៅថ្ងៃខួបអាពាហ៍ ពិពាហ៍ គម្រប់៦ឆ្នាំ នោះទេ បើទោះជានាងនិងប្ដីរួចផុតពីប្រឈមហានិភ័យស្នេហ៍ទៀតក្ដី ។ចំណែកលោកថាវរិទ្ធ វិញក៍គ្មានដំណឹងលោកមានស្រីស្នេហ៍ថ្មីទៀតដែរ អំឡុងពេលដែលគេសង្ស័យថាលោកនិងសូនិតា មិនអាចចាប់ដៃគ្នាបានតទៅទៀតនោះ បើទោះជាតាមព័តមានថាមានតារាស្រីក្មេងៗមួយចំនួននៅតែចង់ឲ្យដៃលោកក៍ដោយ។
នៅ សុនិតា បានផ្អាកអាជីពសិល្បៈជាង៣ឆ្នាំមកហើយតាំងពីនាងក្លាយទៅជាភរិយាលោកទឹត ថាវរិទ្ធ ដោយទទួលបានតំណែងជំទាវ ។ប៉ុន្ដែកាលពីចុងឆ្នាំ២០២២ នោះនាងបានវិលមករកអាជីពចាស់មួយប្រាវ នៅពេលដែលមានដំណឹងថាស្នេហារង្គោះរង្គើរនោះ តែពេលត្រូវរ៉ូវគ្នាវិញក៍ផ្អាកធ្វើជាMC និងដើរម៉ូដ រួមទាំងថតសម្ដែងជាថ្មី ។ប្រភពបានឲ្យដឹងថាបច្ចុប្បន្ននៅ សុនិតា មានតួនាទីជាប្រធានផ្នែកពិធីការនៃសមាគមសិល្បករខ្មែរ ហេតុនេះតារាវ័យក្មេងៗមួយចំនួនក៍គោរពនាងមិនធម្មតាដែរ ។យ៉ាងណាសុនិតា ស្នេហានៅតែគ្មានសុវត្ថិខ្ពស់នោះទេ ប្រសិនបើនៅនាងនៅតែពន្យាពេលរៀបការបែបនេះទៅទៀត ព្រោះកន្លងមកនាងធ្លាប់បង្ហាញសារហាក់ប្រចណ្ឌប្ដី ដោយសារតែស្រីក្មេងៗគេមានសម្រស់ស្អាតជាង ហេតុនេះដើម្បីឲ្យប្ដីក្លាយទៅជាប្លង់រឹងបាននោះទាល់តែនាងអូសដៃលោកថាវរិទ្ធ ក្រាបផ្ទឹមទើបអាចទៅរួច ។
នៅ សុនិតា ធ្លាប់មានព័តមានថានាងបានភ្ជាប់ពាក្យជាមួយលោកទឹត ថាវរិទ្ធ ថ្ងៃទី៥ ខែកញ្ញា ឆ្នាំ២០១៨ ហើយនាងបានសម្រាលកូនប្រុសថ្ងៃទី២០ ខែកក្កដា ឆ្នាំ២០១៩។ប្រភពបានឲ្យដឹងថាសុនិតា ទទួលបានការពេញចិត្តពីក្រុមគ្រួសារលោកថាវរិទ្ធ ប៉ុន្ដែបែជាគ្មានសញ្ញាថាខាងប្រុសចង់គិតគួររឿងរៀបការនេះនៅពេលណាទៅវិញ ។ប្រសិនបើសុនិតា នៅតែគ្មានវាសនាគ្រងឈុតកូនក្រមុំទៀត នោះគេជឿរថានាងអាចនឹងយកកូនថែមជាមិនខាន ដើម្បីចងចិត្តប្ដី ហើយនាងចង់បង្កើតម្ដងបាន២នោះគឺកូនភ្លោះ តែបំណងធំនេះអាចសម្រេចបានឬអត់នោះកូនសោរគឺមានតែលោកថាវរិទ្ធ ។
ក្រៅពីនៅ សុនិតា តារាដែលមានកូនមុនរៀបការមានដូចជាខាត់ សុឃីម ,យុគ ចិន្ដា ,សុន ស្រីពេជ្រ ,ឡោម លក្ខិណា ,ពេជ្រ សូលីកា ,ផាត់ ផាន់ណា ,កែវ ពេជ្រពិសី និងឌុច លីដា ជាដើម ខណៈដែលតារានិងអតីតតារាឡើងងារជំទាវមានស្រីតូច ចំណាន ,ពេជ្រ ច័ន្ទបរមី ,ឱក បូរី ,កែវ ពិសី ,ផាន់ ម៉ូនីកា ,ចន ច័ន្ទលក្ខិណា និងរូបនាងសុនិតា ជាដើម ៕
