ភ្នំពេញ៖មាស សុខសោភា អះអាងពេញៗមាត់ថានាងមានកូនកំលោះមួយឈ្មោះBovee Hundley អាយុ១៧ឆ្នាំ កំពុងរៀននៅអាមេរិក ។ប៉ុន្ដែនាងមិនព្រមឆ្លើយតបចំពោះចម្ងល់មហាជនដែលសួរនាងថាតើសោភា ពពោះ និងសម្រាលកូននៅទីណាឡើយ …។ទោះជាយ៉ាងណាមានការលើកឡើងថាប្រសិនបើសោភា មានកូនកំលោះមែន ហេតុអ្វីពេលនេះនាងមិនព្រមធ្វើដូចឱក សុគន្ធកញ្ញា ពោលគឺយកកូនទី២ ភ្លាមៗ មិនមែនពន្យាពេលឲ្យកូនទី១ ឈានចូលដល់វ័យ១៧ឆ្នាំ ដោយគ្មានប្អូនបែបនេះទេ …។
សូមបញ្ជាក់ថាអំឡុងពេលមាស សុខសោភា ថានាងមានកូនប្រុស១នេះអ្នកស្និតនាងបំផុតធ្លាប់ចេញមុខអះអាងថាតាមពិតយុវជនឈ្មោះBovee Hundley នោះមិនមែនជាកូននាងទេ តែជាក្មួយនាង ប៉ុន្ដែសោភា នៅតែអះអាងថាប្រុសក្មេងនោះជាកូននាងដដែល ខណៈដែលអ្នកគាំទ្រនាងថាលោកHundley មានមុខមាត់កាត់ទៅសោភា ផង ស្វាមីនាងលោករ៉ាដា ផង អីចឹងហើយបានជាមានអ្នកខ្លះជឿថាយុវជនរូបនោះអាចជាកូនសោភា ដូចនាងថាមែន បើទោះជាមនុស្សភាគច្រើនអត់ជឿ ព្រោះតែគេមិនដែលឃើញនាងពពោះម្ដងណាក៍ដោយ។អ្វីដែលកាន់តែច្របូកច្របល់នោះស្វាមីសោភា លោកអ៊ឹត រ៉ាដា ក៍ហៅBovee Hundley ថាជាកូនៗដូចសោភា ដែរ ហេតុនេះហើយមិនថាតែFan ទេសូម្បីតែតារារួមអាជីពក៍វិលក្បុងដែរ ។
មាស សុខសោភា បានចេញបទចុងក្រោយ«ទំព័រខូចចិត្ត » មានការគាំទ្រគួរសម បន្ទាប់ពីនាងបានដើរចេញពីរាម ២ឆ្នាំ និងផលិតបទចម្រៀងដោយខ្លួនឯងនៅផលិតកម្មCamtraxMusic ហើយនៅឆ្នាំ២០២៥ ខាងមុខនេះមិនទាន់មានដំណឹងថាសោភា នឹងចូលទៅផលិតកម្មថ្មីនោះទេ ខណៈដែលហង្សមាស ,Galaxy និងថោន នៅតែបើកទ្វារងចាំនាង ។ប្រភពថាសុខសោភា អាចនឹងបន្ដច្រៀងផលិតកម្មខ្លួនឯងនៅឆ្នាំទី៣ នេះទៀត ប្រសិនបើផលិតកម្មចង់បាននាងទាមទារល័ក្ខខណ្ឌកុងត្រា ព្រោះសោភា មិនចង់ច្រៀងដោយជាប់ចំណងទេ នាងចង់មានសេររីភាព ច្រៀងអត់ជាប់កិច្ចសន្យា ។ដោយឡែកសម្រាប់ផលិតកម្មទាំង៣ខាងលើភាគរយខ្ពស់ដែលសោភា អាចនឹងទៅច្រើនជាងផលិតផ្សេងនោះគឺGalaxy ដោយសារតែព្រាប សុវត្ថិ ,ខេមរៈ សិរីមន្ដ និងខេម នៅទីនោះ ។តែសោភា ដែលនឹងឈានចូលវ័យ៤៤ឆ្នាំ នៅឆ្នាំ២០២៥ ខាងមុខនេះអាចអុកឡុកទីផ្សារចម្រៀងបានតទៅទៀត ឬទៅលែងរួច នោះត្រូវអ្នកជំនាញសិល្បៈលើកឡើងថាទាល់តែនាងទៅច្រៀងនៅផលិតកម្មធំផ្សេងណាដែលមានធនធានមនុស្សគ្រប់គ្រាន់សម្រាប់ផលិតបទចម្រៀងឲ្យនាងទើបអាចទៅរួច ប៉ុន្ដែបើនាងនៅច្រៀងផលិតកម្មខ្លួនឯងបែបនេះតទៅទៀតពិបាកនិងប្រជែងជាមួយតារាស្រីផ្សេងទៀតដែលជាតួឯកប្រចាំផលិតកម្មនីមួយៗនោះខ្លាំងណាស់ ព្រោះផលិតកម្មខ្លួនឯងខ្វះធនធានមនុស្ស និងសម្ភារៈទំនើបៗ បើទោះជាអាចធ្វើបទដែលខ្លួនឯស្រលាញ់ពេលណាក៍ដោយ។អ្នករៀបចំការប្រគុំតន្រ្ដីម្នាក់បង្ហើបថាសុខសាភា ក្រោយងាកមកច្រៀងផលិតកម្មខ្លួនឯង នាងនៅតែមានចំណូលខ្ពស់ព្រោះឡើងConcerts យកបទល្បីៗពីមុនទៅច្រៀង និងកែភ្លេងថ្មី រួមទាំងរកលុយបានពីថតស្ពតស្រាជាដើម ។
គួររំលឹកថាមាស សុខសោភា បានចាប់ដៃអាណិកជនខ្មែរកាណាដាលោកអ៊ឹត រ៉ាដា រយៈពេល១៧ឆ្នាំមកហើយ និងធ្លាប់រៀបការដោយលាក់លៀម២ដងគឺលើកទី១នៅឆ្នាំ២០០៨ ការនៅកាណាដាតាមបែបគ្រីស្ទាន និងលើកទី២រៀបការនៅខ្មែរស្រដៀងសែនព្រេន ថ្ងៃទី២៨ ខែ១២ ឆ្នាំ២០០៩ ។ប្រភពបានឲ្យដឹងថានៅថ្ងៃខួបអាពាហ៍ ពិពាហ៍ គម្រប់១៥ឆ្នាំ ថ្ងៃទី២៨ ខែ១២ ឆ្នាំ២០២៤ ខាងមុខនេះសោភា និងប្ដីគ្រោងធ្វើពិធីជប់លៀងធំ បន្ទាប់ពីពួកគេទើបវិលមកពីរឹតចំណងស្នេហានៅអាមេរិកជាង១០ថ្ងៃ កាលពីដើមខែ១០ ៕
