ភ្នំពេញ ៖ បុរសម្នាក់មានជំងឺលើសឈាមប្រចាំកាយដើរហាត់ប្រាណតាមត្រូវត្រូវសន្តិសុខ យាមឈើកែច្នៃចោទថាចោរបានវាយទ្រមខ្លួនរងរបួសធ្ងន់កាលពីវេលាម៉ោង៥និង៣០ល្ងាចថ្ងៃទី២៣ខែមិនាឆ្នាំ២០១៧ស្ថិតនៅតាមបណ្ដោយផ្លូវបេតុងនៅចំនុចមុខសិប្បកម្មកែច្នៃឈើ នៅក្នុងសង្កាត់ចោមចៅ ខណ្ឌពោធិ៍សែនជ័យ។
ជនរងគ្រោះមានឈ្មោះញឹបសៀកឡេងភេទប្រុសអាយុ47ឆ្នាំមុខរបរយោធាបំរើការងារនៅ អង្គភាពកងពលតូចលេខ៧០ស្នាក់នៅផ្ទះលេខ៣៧ភូមិត្រពាំងថ្លឹងសង្កាត់ចោមចៅខណ្ឌពោធិ៍សែនជ័យមានស្រុកកំណើតនៅស្រុកសំរោងខេត្តតាកែវមានប្រពន្ធឈ្មោះស្រីម៉ៅ អាយុ៤២ឆ្នាំ មុខរបរលក់ដូរនៅផ្ទះកើតហេតុខាងលើ មានស្រុកកំណើតនៅស្រុកស្វាយជ្រុំខេត្តស្វាយរៀងមានកូនចំនួន៣នាក់។
តាមការរៀបរាប់របស់ប្រពន្ធជនរងគ្រោះបានអោយដឹងថាប្តីរបស់គាត់មានជម្ងឺលើសឈាមប្រចាំកាយរហូតពិការដៃជើងទៅហើយ ។ ជារៀងរាល់ល្ងាចជនរងគ្រោះតែងតែដើរហាត់ប្រាណដោយបណ្តើរឆ្កែមួយក្បាលទៅជាមួយ នៅមុនពេលកើតហេតុប្តី របស់គាត់បានចេញពីផ្ទះនៅវេលាម៉ោង៤និង៣០នាទីល្ងាច ដោយមិនបាន បណ្តើរឆ្កែទៅជាមួយដូចសព្វ មួយដងទេ រហូតមកដល់ម៉ោង៥និង៣០នាទីល្ងាចនៅ តែមិនឃើញត្រឡប់មកវិញ មានការ ងឿងឆ្ងល់ក៏បានបានអោយកូនស្រីបងជិះម៉ូតូដើរ រកបានប្រទះឃើញឳពុកគាត់ត្រូវសន្តិសុខ យាមនៅសិប្បកម្មកែច្នៃឈើវាយរងរបួសជើង ដៃបណ្តាលអោយរងរបួសធ្ងន់ដោយសន្តិសុខខាងលើចោទថាជនរងគ្រោះជាចោរចូលលូចឈើក្នុងរោងកែច្នៃ ដោយវាយឲ្យហើម ប៉ោងខ្នងនិងប៉ោងជង្គង់ថែមទៀត។
ក្រោយពេលកើតហេតុក្រុមគ្រួសាររបស់ជនរងគ្រោះបាននាំជនរងគ្រោះទៅដាក់ពាក្យ បណ្តឹងនៅប៉ុស្តិ៍នគរបាលចោមចៅទាមទារសំណងចំនួន៤លានរៀលយកមកព្យាបាល របួស ។ បន្ទាប់ពីទទួលបានពាក្យបណ្តឹងហើយសមត្ថកិច្ចចុះទៅសួរនាំកន្លែងកើតហេតុត្រូវបានសន្តិសុខយាមនៅក្បែរនោះបានឆ្លើយថាកន្លងមកសន្តិសុខយាមនៅសិប្បកម្មកែច្នៃឈើខាងលើនេះធ្លាប់វ៉ៃគេរបៀបនេះជាញឹកញាប់មកហើយ ប៉ុន្តែសមត្ថកិច្ចមិនទាន់បានចុះ ទៅឃាត់ខ្លួនជនបង្កបាននៅឡើយទេ ៕ នូផាន់ណា