ភ្នំពេញ ៖ ជនសង្ស័យ២នាក់ និងបក្ខពួកម្នាក់ទៀតបានធ្វើសកម្មភាពឆក់កាបូបពីស្រ្តីម្នាក់នៅលើស្ពានអាកាស៥មករាបានហើយស្រាប់តែធ្លាក់បក្សពួកម្នាក់ពីលើម៉ូតូត្រូវសមត្ថកិច្ចចាប់ឃាត់ខ្លួនរួមទាំងវត្ថុតាង តែបាត់ទូរស័ព្ទណូគាអិនចុចពិលមួយគ្រឿង កាលពីវេលាម៉ោង៦និង៣០នាទីព្រលប់ ថ្ងៃទី២៨ ខែមិនា ឆ្នាំ២០១៧នៅចំណុចផ្លូវសហព័ន្ធរុស្សី ចុះពីលើស្ពានអាកាស៥មករា ស្ថិតនៅសង្កាត់ទឹកល្អក់ទី១ ខណ្ឌទួលគោក ។
ជនសង្ស័យដែលសម្ថតកិច្ចឃាត់បាននេះមានឈ្មោះ ម៉ន គីមហុង ភេទប្រុស អាយុ១៥ឆ្នាំ មុខរបរមិនពិតប្រាកដ ស្នាក់នៅម្តុំផ្សារថ្មី ខណ្ឌដូនពេញ ជាអ្នកឆក់និងអង្គុយខាងក្រោយ ។ចំណែកស្ត្រីរងគ្រោះមានឈ្មោះ ឈូ ស្រីពៅ ហៅស្រីពៅ ភេទស្រី អាយុ៣៣ឆ្នាំ មុខរបរបុគ្គលិកក្រមហ៊ុន ស្នាក់នៅផ្ទះជួល ផ្លូវលំ សង្កាត់ទួលសង្កែ ខណ្ឌឫស្សីកែវ ជិះម៉ូតូម៉ាកវីវ៉ា ពណ៌ខ្មៅ ស្លាកលេខ ភ្នំពេញ 1G-0664 ។
បើតាមសំដីស្ត្រីរងគ្រោះបានអោយដឹងថា មុនពេលកើតហេតុបានចេញពីកន្លែងធ្វើការងារនៅក្រុមហ៊ុនក្នុងបំណងទៅរៀននៅសាកលវិទ្យាល័យភូមិន្ទភ្នំពេញ RUPP បានជិះម៉ូតូតាមបណ្តោយផ្លូវសហព័ន្ធរុស្សី ពីកើតទៅលិច មកដល់ចំណុចស្ពានអាកាស៥មករា ពេលចុះពីលើស្ពានមិនទាន់ផុតផង ស្រាប់តែមានជនសង្ស័យចំនួន៣នាក់ ជិះម៉ូតូ២គ្រឿង ម៉ូតូដែល ធ្វើសកម្មភាពម៉ាកហុងដាឌ្រីម ពណ៌ខៀវ សេរី០១៥ មិនចាំស្លាកលេខ ដោយជិះគ្នាចំនួន២នាក់ ហើយអ្នកអង្គុយខាងក្រោយបានធ្វើសកម្មភាពឆក់កាបូបស្ពាយតូចពណ៌ខ្មៅបានសម្រេច តែដោយផ្លូវចង្អៀត ជនសង្ស័យជាអ្នកបើកបានអកសឺជាមួយរថយន្តហើយព្យាយាមជិះ គេចក៏ធ្លាក់អ្នកជិះពីខាងក្រោយនិងកាបូបទើបឆក់នឹងបាននោះ ត្រូវបានប្រជាពលរដ្ឋជួយចាប់ឃាត់ខ្លួន និងយកកាបូបមកវិញ តែបានជ្រុះទូរស័ព្ទណូគាអិនចុចពិលបាត់ ។
តាមសំដីជនសង្ស័យបានសារភាពថា ខ្លួនពិតជាបានឆក់កាបូបពីស្ត្រីរងគ្រោះមែន ដោយបានជិះពីខាងក្រោយឈ្មោះ តូណា ភេទប្រុស អាយុ១៥ឆ្នាំ ជាម្ចាស់ម៉ូតូនិងអ្នកបើក និងម្នាក់ទៀតមានឈ្មោះ អាធី ភេទប្រុស អាយុ១៦ឆ្នាំ ជិះម៉ូតូ Let’s ពណ៌ស មិនចាំស្លាកលេខ ជាអ្នកបិងគូទ ។
បច្ចុប្បន្នជនសង្ស័យត្រូវកម្លាំងឃុំខ្លួនបណ្តោះអាសន្ននៅអធិការដ្ឋាននរគបាលខណ្ឌទួលគោក ដើម្បីសាកសួរ និង កសាងសំណុំរឿងចាត់ការតាមនីតិវិធី ៕ ង៉ូវ ឌីណា