ភ្នំពេញ ៖ បុរសម្នាក់ បើករថយន្តដឹកស្រីស្នេហ៍បើកក្នុងល្បឿនយ៉ាងលឿនដូចហោះ ហើយរវល់តែ ប្រឡែងជាមួយស្រីស្នេហ៍រេចង្កូតរថយន្តទៅបុកក្បាលនាគពុះចែកទ្រូង ផ្លូវបណ្តាលអោយបាក់អស់៣កង់ កាលពីវេលាម៉ោង២និង៣០នាទីរំអាធាត្រឈានចូល ថ្ងៃទី២៩ខែមីនាឆ្នាំ២០១៧តាមបណ្តោយផ្លូវព្រះមុនីវង្សនៅចំណុចជិតស្តុប៣១០ស្ថិតនៅក្នុងសង្កាត់បឹងកេងកង១ ខណ្ឌចំការមន។
សាក្សីដែលឃើញហេតុបានអោយដឹងថាមុនពេលកើតហេតុគេបានឃើញបុរសម្នាក់មិនស្គាល់អត្តសញ្ញាណដឹកស្រីស្នេហ៍ម្នាក់បើករថយន្តម៉ាកឡិចស៊ីសRX300 ពណ៌ស្ករពាក់ស្លាកលេខភ្នំពេញ2AJ8620បើកបរតាមបណ្តោយផ្លូវព្រះស៊ីសុវត្ថិក្នុងទិសដៅពីត្បូងទៅជើងក្នុងល្បឿនយ៉ាងលឿនដូចហោះហើយអ្នកបើកបររវល់តែប្រឡែងជាមួយស្រីស្នេហ៍បានរេ ចង្កូតជ្រុលទៅបុកទ្រូងផ្លូវបណ្តាលអោយបាក់អស់៣កង់ខូចខាតរថយន្តខ្ទេចមួយកំណាត់ខាងមុខផ្ទុះពោងសុវត្ថិភាពទាំងសងខាងចំណែករថយន្តបង្កវិញឡើងទៅកលនៅលើទ្រូងផ្លូវទៅមុខលែងរួចភ្លាមៗនោះដែលរថយន្តបង្កបានដឹកដៃស្រីស្នេហ៍រត់គេចខ្លួនបាត់ស្រមោលបន្សល់ទុកនៅតែរថយន្តបង្កនៅកន្លែងកើតហេតុតែប៉ុណ្ណោះ។
ក្រោយពេលកើតហេតុរថយន្តបង្កត្រូវសមត្ថកិច្ចវាស់វែងស្ទូចយកទៅរក្សាទុកនៅការិយា
ល័យចរាចរណ៍ជើងគោករងចាំដោះស្រាយគ្នានៅពេលក្រោយទៀត៕ ឥនសាន់ស៊ីដេត