ខេត្តកំពង់ឆ្នាំង ៖ ជនសង្ស័យជាឃាតករដៃឆៅ ដែលបានធ្វើសកម្មភាពកាប់សម្លាប់ ប្តីប្រពន្ធ២នាក់ ត្រូវជាបងស្រីបង្កើត និងបងថ្លៃ របស់ខ្លួន បណ្តាលឱ្យស្លាប់ក្នុងថ្លុកឈាមនៅ ចំណុចភូមិសំរោង ឃុំលង្វែក ស្រុកកំពង់ត្រឡាច កាលពីព្រឹកថ្ងៃទី៣០ ខែមីនា ឆ្នាំ២០១៧ កន្លង មកនោះ ត្រូវបានសមត្ថកិច្ចចាប់ឃាត់ខ្លួនបាន ហើយ កាលពីវេលាម៉ោង៦និង៣០នាទីព្រលប់ ថ្ងៃទី០៤ ខែមេសា ឆ្នាំ២០១៧ នៅចំណុចភូមិ កំពង់ហ្លួង ស្រុកពញាឮ ខេត្តកណ្តាល។
ជនសង្ស័យជាឃាតករ មានឈ្មោះម៉ុន សំអូន ហៅតាអូន អាយុ៣៣ឆ្នាំ។ ចំណែក ជនរងគ្រោះទាំង២នាក់ប្តីប្រពន្ធ រួមមានបុរស ជាប្តីមានឈ្មោះសោម កែប ហៅឆន អាយុ ៥៣ឆ្នាំ ជនជាតិខ្មែរ-អូស្ត្រាលី ធ្វើជាអ្នកសារព័ត៌មាន ដោយប្រើឈ្មោះហែម ឆន មានតួនាទី ជាប្រធានគណៈកម្មការហិរញ្ញវត្ថុនៃសមាគម អ្នកកាសែតខ្មែរសន្តិភាព (ត្រូវជាបងថ្លៃរបស់ ជនជាឃាតករ)។ ដោយឡែក ស្ត្រីជាប្រពន្ធ មានឈ្មោះម៉ុន ចាន់ថន អាយុ៣៥ឆ្នាំ (ត្រូវ ជាបងស្រីបង្កើតរបស់ជនជាឃាតករ)។ ទាំង ៣នាក់ ស្នាក់នៅភូមិកើតហេតុខាងលើជាមួយ គ្នា។
តាមប្រភពពីសមត្ថកិច្ចស្រុកកំពង់ត្រឡាច បានឱ្យដឹងថា ប្រតិបត្តិការចាប់ឃាត់ខ្លួនជន- សង្ស័យជាឃាតករខាងលើនេះ ធ្វើឡើងដោយ មានកិច្ចសហការរវាងសមត្ថកិច្ចស្រុកកំពង់- ត្រឡាច និងកម្លាំងនគរបាលស្រុកពញាឮ ខេត្ត កណ្តាល ទើបឈានដល់ការចាប់ខ្លួនជនសង្ស័យ ជាឃាតករឈ្មោះម៉ុន សំអូន កាលពីវេលាម៉ោង ៦និង៣០នាទីព្រលប់ ថ្ងៃទី០៤ ខែមេសា ឆ្នាំ ២០១៧ នៅចំណុចភូមិសាស្ត្រទឹកដី ស្រុកពញាឮ ខេត្តកណ្តាល។
ប្រភពដដែលបន្តថា ក្រោយកើតហេតុ សមត្ថកិច្ចខេត្តកំពង់ឆ្នាំង បានស្នើសុំកិច្ចសហ- ការពីសមត្ថកិច្ចតាមបណ្តាស្រុកខេត្តនានា ដែល មានសាច់ញាតិរបស់ជនសង្ស័យរស់នៅ ដើម្បី ត្រៀមចាប់ឃាត់ខ្លួន ប្រសិនបើប្រទះឃើញ ជនដៃដល់ចូលទៅតាមផ្ទះបងប្អូនរបស់គេ។ ស្រាប់តែមកដល់វេលាម៉ោង៥ល្ងាច ថ្ងៃទី០៤ ខែមេសា ឆ្នាំ២០១៧ ជនសង្ស័យជាឃាតករ បានចូលទៅផ្ទះម្តាយធំរបស់គេ នៅចំណុចភូមិ កំពង់ហ្លួង ស្រុកពញាឮ ខេត្តកណ្តាល ទើប សមត្ថកិច្ចខេត្តកណ្តាល ជូនដំណឹងដល់សមត្ថកិច្ច ស្រុកកំពង់ត្រឡាច ខេត្តកំពង់ឆ្នាំង សហការ គ្នាចុះចាប់ឃាត់ខ្លួនជនសង្ស័យជាឃាតករបាន តែម្តង។
នៅចំពោះមុខសមត្ថកិច្ច ជនសង្ស័យជា ឃាតករ បានសារភាពថា ខ្លួនពិតជាបានកាប់ សម្លាប់បងថ្លៃ និងបងស្រីបង្កើតប្រាកដមែន មូលហេតុក៏ព្រោះតែខ្លួនខឹងនឹងបងថ្លៃ ដែល ចេះតែប្រមាថមើលងាយ និងចេះតែចង្អុល ក្បាលរបស់ខ្លួនជាញឹកញាប់។
សមត្ថកិច្ចបញ្ជាក់ថា ជនសង្ស័យជាឃាតករ រូបនេះ ធ្លាប់ជាប់ពន្ធនាគារ៣ឆ្នាំ ពីបទប៉ុនប៉ង ធ្វើឃាត ហើយជននេះ គឺជាមនុស្សដែលមាន សតិមិនប្រក្រតី ដែលគេច្រើនហៅថា មនុស្ស បែកកម្មដ្ឋាន ព្រោះតែជននេះធ្លាប់បួស និង រៀនធម៌អាថ៌ច្រើនពេក។
ជនសង្ស័យជាឃាតករ ត្រូវបានសមត្ថកិច្ច រៀបចំកសាងសំណុំរឿង បញ្ជូនខ្លួនទៅកាន់ សាលាដំបូងខេត្ត ដើម្បីចាត់ការបន្តតាមនីតិវិធី។
គួររំលឹកថា កាលពីព្រឹកថ្ងៃទី៣០ ខែមីនា ឆ្នាំ២០១៧ កន្លងទៅ មានករណីឃាតកម្មដ៏ សាហាវឃោរឃៅមួយបានកើតឡើងនៅចំណុច ភូមិសំរោង ឃុំលង្វែក ស្រុកកំពង់ត្រឡាច ដោយ បុរសជាអ្នកកាសែតម្នាក់ ត្រូវបានប្អូនថ្លៃរបស់ ខ្លួនកាប់ប្រហារបណ្តាលឱ្យស្លាប់ លុះប្រពន្ធស្ទុះ ចូលមកជួយក៏ត្រូវជនសង្ស័យកាប់បន្ថែមទៀត បណ្តាលឱ្យស្លាប់ទាំង២នាក់ប្តីប្រពន្ធក្នុងថ្លុក- ឈាមយ៉ាងអាណោចអាធ័ម។
តាមប្រភពពីកន្លែងកើតហេតុ បានឱ្យដឹង ថា ដំបូងឡើយជនដៃដល់ បានកាប់ប្រហារ ទៅលើជនរងគ្រោះប្តី ចំណែកស្ត្រីរងគ្រោះជា ប្រពន្ធឃើញបែបនេះ ក៏រត់ទៅឱ្យគេជួយតែ ដោយសារផ្ទះគាត់នៅឆ្ងាយពីគេ ហើយនៅក្បែរ នោះ មានតែស្ត្រីទើបឆ្លងទន្លេគ្មានអ្នកផ្សេង អាចជួយបាន ទើបស្ត្រីរងគ្រោះជាប្រពន្ធរត់ ត្រឡប់មកមើលប្តីវិញ ក៏ត្រូវជនដៃដល់កាប់ បងស្រីខ្លួនឯងបន្តទៀត រហូតស្លាប់ទាំង២នាក់តែម្តង៕ សុក្រិត