ភ្នំពេញ ៖ បុរសម្នាក់យករថយន្តរបស់ថៅកែដឹកស្រីស្នេហ៍ដើរលេង បើកមកដល់ស្តុប ជ្រុលទៅបុករថយន្ត២គ្រឿងទៀត កំពុងតែឈប់ស្តុប បណ្តាលឲ្យរងការខូចខាតយ៉ាងដំណំ ហេតុការណ៍នេះបានកើតឡើងកាលពីវេលាម៉ោង៩យប់ ថ្ងៃទី១២ ខែមិថុនា ឆ្នាំ២០១៧ តាមបណ្តោយផ្លូវព្រះសីហនុ កែងផ្លូវ៦៣ នៅចំណុចមុខបណ្ណាគារ IBC ស្ថិតនៅក្នុងសង្កាត់ចតុមុខ ខណ្ឌដូនពេញ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុ គេបានឃើញបុរសម្នាក់និងស្ត្រីម្នាក់ ត្រូវជាសង្សារនឹងគ្នា ជិះរថយន្តស៊េរីទំនើប ម៉ាក FORTUNER ពណ៌ទឹកប្រាក់ ពាក់ស្លាកលេខភ្នំពេញ2AM-3749 បើកបរតាមបណ្តោយផ្លូវព្រះសីហនុ ក្នុងទិសដៅពីកើតទៅលិច លុះពេលមកដល់ចំណុចកើតហេតុ មើលអត់ឃើញថាមានរថយន្ត២គ្រឿងទៀត ម៉ាក PAJERO ពណ៌ស្លែ លាយស្ករ ពាក់ស្លាកលេខភ្នំពេញ 2E-8132 និងមួយគ្រឿងទៀត ម៉ាកកាមរីហាយប្រ៊ីតពណ៌ស ពាក់ស្លាកលេខភ្នំពេញ 2AN-3989 កំពុងតែឈប់ស្តុប ត្រូវរថយន្តបង្កបុកពីក្រោយរថយន្ត PAJERO រងការខូចខាតបន្តិចបន្តួច រថយន្តបង្កខ្ទេចអស់មួយកំណាត់ខាងមុខ ហើយរថយន្ត PAJERO រុញទៅបុករថយន្តកាមរីហាយប៊្រីត បណ្តាលឲ្យបែកស្តុបខាងស្តាំ បង្កឲ្យមានការស្ទះចរាចរណ៍យ៉ាងខ្លាំង បានសមត្ថកិច្ចចុះមកជួយសម្រួលអោយយករថយន្តចូលកៀនហើយដើម្បីចរចាគ្នា។
សាក្សីដែលនៅម្តុំកន្លែងកើតហេតុ គាត់បានប្រាប់ថា រថយន្តបង្កអ្នកបើករថយន្តមិនមែនជាម្ចាស់រថយន្តនោះទេ គឺជារថយន្តរបស់ថៅកែតែប៉ុណ្ណោះ យកមកបើកដឹកស្រីស្នេហ៍ដើរ
លេង។
ក្រោយពេលកើតហេតុ ខាងរថយន្ត PAJERO គាត់មិនបានទាមទារសំណងអីនោះទេ ដោយរថយន្តបង្កសងទៅឲ្យខាងរថយន្តកាមរីហាយប្រ៊ីត ចំនួន150$ ដើម្បីបញ្ចប់រឿងនៅនឹង
កន្លែង៕