មិនថាបុរសណាក៏ចូលចិត្តឱ្យគូស្នេហ៍ជាមនុស្សពូកែយកចិត្តយកថ្លើម ប៉ុន្តែគ្រាន់តែចាំថែទាំតែម៉្យាង ប្រហែលជាមិនគ្រប់គ្រាន់ឡើយ ត្រូវមានមន្តស្នេហ៍ចងចិត្តបុរសផងដែរ។ តើមានមន្តស្នេហ៍អ្វីខ្លះដែលស្ត្រីគួរមានជាប់ខ្លួន ដើម្បីចងចិត្តបុរស?
-ថែទាំខ្លួនឯងជានិច្ច
ទោះបីបានស្រលាញ់គ្នាហើយក៏ដោយ ក៏កុំព្រងើយកន្តើយការថែទាំខ្លួនឯង ដាច់ខាត ព្រោះរឿងសម្រស់ជាមួយស្ត្រីគឺជាគូនឹងគ្នា។ ការដែលស្ត្រីចេះថែទាំខ្លួនឯងឱ្យស្រស់ស្អាតជានិច្ច ទោះមានដៃគូហើយ កាន់តែធ្វើឱ្យគូស្នេហ៍មានអារម្មណ៍ បារម្ភខ្លាចបុរសដទៃឆក់យកទៅបាត់។
-ពូកែអង្វរករ
ស្ត្រីពូកែអង្វរករតែងយកឈ្នះបុរសជានិច្ច ប៉ុន្តែត្រូវដឹងថា ពេលណាគួរប្រែខ្លួនជាមនុស្សអង្វរករ កុំអង្វរករមិនដឹងកាលៈទេសៈ ព្រោះអាចប្តូរពីមើលទៅគួរឱ្យស្រលាញ់ ប្រែជាគួរឱ្យរំខានវិញ ម៉្យាងទៀតគួរអង្វរករល្មមៗ មិនមែន អង្វរករខ្លាំងជ្រុលរហូតក្លាយជាមនុស្សយកតែចិត្តខ្លួនឯងនោះឡើយ។
-យកចិត្តយកថ្លើម
អ្នកណាក៏ចូលចិត្តឱ្យមានមនុស្សមកយកចិត្តយកថ្លើមដែរ ប៉ុន្តែ មិនមែនយកចិត្តគ្រប់រឿង ដោយមិនមានដែនកំណត់ឡើយ។ គ្រាន់តែរឿងខ្លះ ដូចជាអាហារ ដែលបុរសចូលចិត្តទីកន្លែងដែលធ្វើឱ្យគេមានក្តីសុខ អាចមើលទៅជារឿងតូច ប៉ុន្តែវាធ្វើឱ្យគូស្នេហ៍មានក្តីសុខ ដែលអ្នកចងចាំចំណុចទាំងនោះរបស់គេបាន។
-ថែទាំយកចិត្តទុកដាក់
ពាក្យពេចន៍ដែលនិយាយគ្នារាល់ថ្ងៃ ក៏បង្ហាញពីការយកចិត្តទុកដាក់ ដែលស្ត្រីមានចំពោះបុរស គួរឧស្សាហ៍សួរដោយក្តីព្រួយបារម្ភ ចាំដាស់តឿនឱ្យគេថែទាំសុខភាព នោះគូស្នេហ៍នឹងមានអារម្មណ៍កក់ក្តៅចិត្តដែលបាននៅជិតអ្នក។
-បង្កើតភាពភ្ញាក់ផ្អើលខ្លះ
រឿងភាពភ្ញាក់ផ្អើល ជាចំណុចដែលជួយបន្ថែមសម្រស់ដល់ស្នេហាបានយ៉ាងល្អ ដូចជា ការត្រៀមកាដូដែលគេចូលចិត្តក្នុងឱកាសពិសេសណាមួយ។ ក្រៅពីជាការបង្ហាញ ឱ្យគេឃើញថា អ្នកស្រលាញ់គេហើយ នៅធ្វើឱ្យគេបានឃើញ ផងដែរថា អ្នកមិនភ្លេចរឿងដែលធ្វើឱ្យគេមានក្តីសុខឡើយ។
-ជាស្ត្រីធ្វើការ
សម័យនេះ ការក្លាយជាស្ត្រីពូកែតែរឿងការងារផ្ទះ អាចមិនគ្រប់គ្រាន់ ប៉ុន្តែរឿងការងារក្រៅផ្ទះពូកែ ក៏ជាមន្តស្នេហ៍ដែលធ្វើឱ្យបុរសលង់បាន ព្រោះជាស្ត្រីធ្វើការខាងក្រៅ បង្ហាញឱ្យគេឃើញថា អ្នកជាស្ត្រីឆ្លាត រឹងមាំ និងត្រៀមជាមិត្ត ផ្តល់គំនិតដល់គេគ្រប់ជំហាន។
-មិនព្រមឱ្យបុរសរំលងប្រាណ
មានស្ត្រីមួយចំនួនដែលព្រមចំពោះការលន់តួរបស់ដៃគូ ធ្វើឱ្យក្លាយជាទាសីតណ្ហាឱ្យគេសប្បាយបានតាមចិត្ត។ ស្ត្រីបែបនេះនឹងក្លាយជារបស់គ្មានតម្លៃក្នុងកែវភ្នែកបុរស។ ដូច្នេះ គួរស្រលាញ់ ការពារខ្លួនឱ្យបាន។
-មានមិត្តភក្តិបុរស
ការមានមិត្តភក្តិបុរសជាជំនួយដ៏ល្អសម្រាប់ស្ត្រី ព្រោះក្រៅពីអាចប្រឹក្សាបញ្ហារឿងមួយចំនួនដែលមិនយល់ក្នុងខ្លួនគូស្នេហ៍បានហើយ ជួនកាលគូស្នេហ៍ធ្វើខ្លួនទំនងដូចជា ចង់ធ្វើព្រាន ក៏អាចប្រើមិត្តភក្តិបុរសអ្នក មកជួយបញ្ឈប់និស្ស័យនោះបាន។
-មិនក្បត់ចិត្ត
ទោះស្រលាញ់គ្នាកម្រិតណា ប៉ុន្តែរឿងក្បត់ចិត្តក៏ជារឿងធំដែល ហួសនឹងអភ័យទោសឱ្យ។ ទោះជាក្បត់ចិត្តលើកដំបូងក៏អាចធ្វើឱ្យខូចអារម្មណ៍ រហូតអាចធ្វើឱ្យស្នេហាដែលមានបាត់បង់អស់។ ផ្ទុយគ្នានឹងការបង្ហាញចេញថា អ្នកស្មោះត្រង់ គង់វង្សចំពោះស្នេហា ដែលមានចំពោះគេ ក៏ធ្វើឱ្យគេចង់ឈប់ទ្រឹងត្រឹមអ្នកតែម្នាក់គត់។
-និយាយពាក្យស្រលាញ់ឱ្យមានន័យ
ពាក្យថា ស្នេហា នៅពេលចេះតែនិយាយក៏អាចអស់ន័យបាន គួរជ្រើសចង្វាក់ដែលល្អក្នុងការនិយាយពាក្យស្រលាញ់ ឱ្យគេបានស្តាប់ ហើយអ្វីដែលនៅសល់ ក៏អាចប្រើទង្វើរបស់អ្នក ជាការបង្ហាញឱ្យគេដឹងថា អ្នកស្រលាញ់គេកម្រិតណា។
-ចេះអភ័យទោស
មានស្នេហា មិនមែនមានន័យថា អ្នកទាំងពីរមិនចេះឈ្លោះប្រកែកគ្នានោះទេ។ ដូច្នេះ នៅពេលមានរឿងឈ្លោះ ប្រកែកគ្នា ឬធ្វើខុសចំពោះគ្នា ប្រសិនវាជាលើកដំបូង ដែលគេធ្វើខុសចំពោះអ្នក គួរចេះអភ័យទោសខ្លះ ចាត់ទុកជាការស្វែងយល់ចិត្តគ្នាឱ្យជ្រាលជ្រៅ ល្អជាងគិតតែពីងង៉ក់គ្នា នាំឱ្យពិបាកចិត្តរៀងខ្លួននោះ៕
