ខេត្តស្វាយរៀង ៖ បុរសម្នាក់ រស់នៅជាពោះម៉ាយយូរជូរមាត់ ឃើញនារីវ័យក្មេងម្នាក់ អង្គុយលេងនៅមុខផ្ទះ ស្រាប់តែបែកគំនិតចូល ទៅចាប់ខ្ទប់មាត់ប៉ុនប៉ងរំលោភសេពសន្ថវៈ តែមិនបានសម្រេច និងត្រូវនារីរងគ្រោះស្រែក ឆោឡោ ធ្វើឱ្យជនសង្ស័យភ័យរត់គេចខ្លួនបាត់ លុះស្អែកឡើង នារីរងគ្រោះដាក់ពាក្យប្តឹង ក៏ ត្រូវសមត្ថកិច្ចចុះចាប់ខ្លួន តែជនសង្ស័យបាន ព្យាយាមលោតចូលទឹកស្រះគេចខ្លួន តែចុង ក្រោយ ត្រូវបានអ្នកភូមិដេញចាប់ ក្របួចជាប់ ប្រគល់ឱ្យសមត្ថកិច្ចចាត់ការតាមច្បាប់។
ករណីប៉ុនប៉ងរំលោភសេពសន្ថវៈខាងលើ នេះ បានកើតឡើង កាលពីវេលាម៉ោង១០យប់ ថ្ងៃទី៣០ ខែមករា ឆ្នាំ២០១៨ នៅចំណុចមុខ ផ្ទះនារីរងគ្រោះ ស្ថិតនៅក្នុងភូមិជ្រៃធំ សង្កាត់ ព្រៃអង្គុញ ក្រុងបាវិត។ លុះនារីរងគ្រោះដាក់ ពាក្យប្តឹង ក៏ត្រូវសមត្ថកិច្ចចាប់ខ្លួនបាន កាលពី ព្រឹកថ្ងៃទី៣១ ខែមករា ឆ្នាំ២០១៨ នៅចំណុច ស្រះទឹកមួយកន្លែងក្នុងភូមិ។
ជនសង្ស័យល្មោភកាមដែលប៉ុនប៉ងចាប់ រំលោភសេពសន្ថវៈកូនក្រមុំគេនេះ មានឈ្មោះ ពុត វិស្ស័យ អាយុ៣៥ឆ្នាំ មុខរបរជាងដែក ជាបុរសពោះម៉ាយ មានលំនៅក្នុងភូមិកើតហេតុ ខាងលើ។ ចំណែកនារីរងគ្រោះ មានឈ្មោះ ស.ស.រ អាយុ១៨ឆ្នាំ មុខរបរកម្មករផលិតទឹកសុទ្ធ និងមានលំនៅក្នុងភូមិជាមួយគ្នា។
តាមសម្តីនារីរងគ្រោះ បានរៀបរាប់ប្រាប់ ថា នៅមុនពេលកើតហេតុ កាលពីវេលាម៉ោង ១០យប់ ថ្ងៃទី៣០ ខែមករា ឆ្នាំ២០១៨ នាង បានទៅអង្គុយលេងនៅខាងមុខផ្ទះតែម្នាក់ឯង ស្រាប់តែមួយសន្ទុះក្រោយមក ក៏លេចមុខជនសង្ស័យដែលជាអ្នករស់នៅក្នុងភូមិជាមួយគ្នា បានដើរចូលមកក្បែរនាង រួចក៏ធ្វើសកម្មភាព ចាប់ខ្ទប់មាត់នាង ប៉ុនប៉ងអូសដៃទៅរំលោភ ប៉ុន្តែត្រូវបានរើបម្រាស់ចេញ ស្រែកឆោឡោ ធ្វើឱ្យជនសង្ស័យភ័យខ្លួន ក៏រត់គេចខ្លួនបាត់។ លុះព្រឹកឡើងនាងក៏បានទៅដាក់ពាក្យបណ្តឹង នៅប៉ុស្តិ៍រដ្ឋបាលសង្កាត់ព្រៃអង្គុញ ឱ្យសមត្ថកិច្ច ជួយអន្តរាគមន៍តែម្តង។
ប្រភពពីសមត្ថកិច្ចបានឱ្យដឹងថា ក្រោយ ពីទទួលបានពាក្យបណ្តឹងរបស់នារីរងគ្រោះ សមត្ថកិច្ចបានចុះធ្វើការស្រាវជ្រាវ និងឃាត់ ខ្លួន ជនសង្ស័យនាំយកមកសាកសួរ ប៉ុន្តែនៅ ពេលឃើញសមត្ថកិច្ចចុះទៅដល់ជនសង្ស័យ បានព្យាយាមរត់គេចខ្លួន ដោយលោតចូលទៅ ក្នុងស្រះទឹក តែចុងក្រោយ នៅតែគេចមិនផុត ដោយសារមានការសហការរវាងប្រជាពលរដ្ឋ និងសមត្ថកិច្ចចាប់ក្របួចជនសង្ស័យជាប់។
នៅចំពោះមុខសមត្ថកិច្ច ជនសង្ស័យបាន ឆ្លើយសារភាពថា រូបគេពិតជាប៉ុនប៉ងរំលោភ នារីរងគ្រោះមែន ដោយសារតែរូបគេនៅពោះម៉ាយយូរជូរមាត់ លុះឃើញនារីរងគ្រោះនៅ តែម្នាក់ឯងស្ងាត់ល្អ ក៏ចូលទៅចាប់ខ្ទប់មាត់ ប្រុង អូសទៅរំលោភសេពសន្ថវៈ តែត្រូវនាងរើរួច។
ជនសង្ស័យត្រូវបានសមត្ថកិច្ចរៀបចំកសាង សំណុំរឿង បញ្ជូនខ្លួនទៅកាន់សាលាដំបូងខេត្ត ដើម្បីចាត់ការបន្តតាមនីតិវិធី