ខេត្តរតនគិរី ៖ បុរសល្មោភកាមម្នាក់ ជិះម៉ូតូដើរទិញអេតចាយសុខៗ ដល់កន្លែងស្ងាត់ប្រទះឃើញក្មេងស្រីដើរមកពីចម្ការតែម្នាក់ឯង ក៏ឈប់ម៉ូតូស្ទាក់ចាប់អូសដៃចូលទៅក្នុងព្រៃចាប់រំលោភរហូតដល់បានសម្រេច រួចជិះម៉ូតូគេចខ្លួនបាត់ស្រមោល បង្កឱ្យមានការភ្ញាក់ផ្អើលឡើងកាលពីរសៀលថ្ងៃទី១៤ ខែកក្កដា ឆ្នាំ២០១៨ នៅចំណុចចម្ការស្វាយចន្ទីមួយកន្លែង ស្ថិតក្នុងភូមិទុស ឃុំតាអង ស្រុកកូនមុំ។
ក្មេងស្រីរងគ្រោះ ដែលត្រូវប្រុសព្រានស្ទាក់ចាប់រំលោភរហូតដល់បានសម្រេច មានឈ្មោះ ក.ដ.ក.ញ អាយុ១៣ឆ្នាំ ជាជនជាតិភាគតិចគ្រឹង មុខរបរជួយធ្វើចម្ការឪពុកម្តាយ មានលំនៅក្នុងភូមិឃុំកើតហេតុខាងលើ។ ចំណែកជនសង្ស័យល្មោភកាម មិនត្រូវបានស្គាល់ពីអត្តសញ្ញាណនៅឡើយ គ្រាន់តែដឹងថា ជននេះគឺជាអ្នកប្រកបរបរជិះម៉ូតូដើរទិញអេតចាយ។
តាមសម្តីក្មេងស្រីរងគ្រោះ បានរៀបរាប់ប្រាប់ថា នៅមុនពេលកើតហេតុ នាងទើបនឹងដើរមកពីចម្ការតែម្នាក់ឯង បំណងត្រឡប់ទៅផ្ទះវិញ លុះពេលដើរមកដល់ចំណុចចម្ការស្វាយចន្ទី ទីតាំងកើតហេតុខាងលើ ដែលជាកន្លែងស្ងាត់ ក៏ស្រាប់តែលេចមុខជនសង្ស័យជិះម៉ូតូដើរទិញអេតចាយមកដល់ល្មម លុះឃើញឱកាសស្ងាត់ល្អ ជនសង្ស័យក៏ឈប់ម៉ូតូ រួចចុះមកចាប់អូសដៃរបស់នាងចូលទៅក្នុងព្រៃ ធ្វើសកម្មភាពចាប់រំលោភ សេពសន្ថវៈមកលើនាងរហូតដល់បានសម្រេច៕