ភ្នំពេញ ៖ នារីម្នាក់ហេតុតែមានចិត្តស្រលាញ់ប្តីលើសលប់ខ្លាំងពេក លុះគ្រាន់តែប្តីមិនសូវខ្វល់ខ្វាយជាមួយដូចមុន ក៏គិតថាប្តីមានស្រី ទើបរត់ទៅរកគ្រូស្នេហ៍ជួយបញ្ចុះអាគម ដើម្បីឱ្យប្តីងាកមកស្រលាញ់ប្រពន្ធដូចដើមវិញ ដឹងអី ប៉ះគ្រូប៉ោក នាំឡើងផ្ទះសំណាក់បញ្ចូលអាគម តាមវិធី រួមរ័កអស់ចិត្ត ថែមទាំងបង្គាប់ឱ្យប្រពន្ធគ្រូ ប្រើដៃរុកលេងប្រដាប់ភេទនារីរងគ្រោះឱ្យខ្លួនជាគ្រូអង្គុយមើល ដោយប្រាប់ថា ជាវិធីបញ្ចូលស្នេហ៍យ៉ាងស័ក្តិសិទ្ធ។ លុះ៥ថ្ងៃ ក្រោយមក ទើបនារីរងគ្រោះភ្ញាក់ខ្លួនថា ចាញ់ល្បិចប្តីប្រពន្ធគ្រូប៉ោកទាំង២នាក់នោះ ក៏ដាក់ពាក្យបណ្តឹងឱ្យសមត្ថកិច្ច ចាប់អូសកគ្រូស្នេហ៍២នាក់ប្តីប្រពន្ធ យកមកចាត់ការតាមច្បាប់។
ករណីគ្រូស្នេហ៍ប្រើល្បិចរួមរ័ក ដោយកុហកថា ជាវិធីបញ្ចូលអាគមស្នេហ៍នេះ បានកើតឡើង កាលពីវេលាម៉ោង៦និង៣០នាទីព្រលប់ ថ្ងៃទី២៦ ខែសីហា ឆ្នាំ២០១៨ នៅចំណុចផ្ទះសំណាក់ យីហោ “ពេជ្រលាភ” ដែលមានទីតាំង ស្ថិតក្នុងភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ។ លុះ៥ថ្ងៃក្រោយមក នៅថ្ងៃទី៣១ ខែសីហា ឆ្នាំ២០១៨ ទើបស្ត្រីរងគ្រោះ ភ្ញាក់ខ្លួនថាត្រូវចាញ់បោកគ្រូ២នាក់ប្តីប្រពន្ធខាងលើ ក៏បានដាក់ពាក្យប្តឹងសុំឱ្យនគរបាលប៉ុស្តិ៍ចោមចៅ២ ជួយអន្តរាគមន៍ចាប់ខ្លួនគ្រូបោកទាំងពីរនាក់នេះតែម្តង។
ជនសង្ស័យទាំង២នាក់ប្តីប្រពន្ធជាគ្រូស្នេហ៍បោកប្រាស់ ដែលត្រូវសមត្ថកិច្ចចាប់ឃាត់ខ្លួន រួមមាន បុរសជាប្តី មានឈ្មោះចាន់ ឈាន អាយុ៣៦ឆ្នាំ មុខរបរជាគ្រូស្នេហ៍ផង និងជាអ្នកលាងម៉ូតូផង។ ចំណែកស្ត្រីជាប្រពន្ធគ្រូប៉ោក មានឈ្មោះឈា ណូន អាយុ៣១ឆ្នាំ មុខរបរលាង ម៉ូតូ។ ប្តីប្រពន្ធគ្រូប៉ោកនេះ ស្នាក់នៅផ្ទះជួលក្នុងភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ។ ដោយឡែក ស្ត្រីរងគ្រោះមានអាយុ ២៩ឆ្នាំ ជាកម្មការិនីរោងចក្រកាត់ដេរ ស្នាក់នៅផ្ទះជួលក្នុងភូមិអូរដឹម សង្កាត់ចោមចៅ៣ ខណ្ឌពោធិ៍សែនជ័យ។
តាមសម្តីស្ត្រីរងគ្រោះ បានរៀបរាប់ប្រាប់ថា នាងមានប្តីរួចទៅហើយ ហើយនាងមានចិត្តស្រលាញ់ប្តីខ្លាំងបំផុត ចំណែកប្តីនាងក៏ស្រលាញ់ នាងខ្លាំងណាស់ដែរ ប៉ុន្តែទើបតែមួយរយៈចុងក្រោយនេះ ប្តីរបស់នាងហាក់មានអាការៈ និងអត្តចរិតប្លែកខុសពីពេលមុន ដោយមិនសូវរវីរវល់ ជាមួយរូបនាងសោះ ជាហេតុធ្វើឱ្យនាងសង្ស័យថា ប្តីនេះច្បាស់ជាលួចលាក់មានស្រីក្រៅក្បត់ចិត្តនាងតែម្តង។ ដោយសារតែបែបនេះហើយ ទើបធ្វើឱ្យនាងដេកមិនលក់បក់មិនល្ហើយ ក៏ស្វះស្វែងរកគ្រូមន្តអាគម ដើម្បីដាក់ស្នេហ៍បន្ទន់ចិត្តលោកប្តីឱ្យឈប់គិតស្រីក្រៅផ្ទះ ហើយងាកមកស្រឡាញ់ រូបនាងជាប្រពន្ធដូចដើមវិញ និងកាន់តែខ្លាំងឡើងថែមទៀត។
ស្ត្រីរងគ្រោះបន្តថា នៅមុនពេលកើតហេតុ ខណៈពេលដែលនាងកំពុងស្វែងរកគ្រូស្នេហ៍ ស្រាប់តែមានស្ត្រីម្នាក់ឈ្មោះលូត ផល្លា ដែលជាមិត្តភក្តិរបស់នាងបានប្រាប់ថា គេបានស្គាល់គ្រូស្នេហ៍ម្នាក់ឈ្មោះចាន់ ឈាន និងប្រពន្ធឈ្មោះឈា ណូន (ប្តីប្រពន្ធគ្រូប៉ោកខាងលើ) ខ្លាំងពូកែ ណាស់ ហើយកន្លងមកស្ត្រីដែលត្រូវប្តីបែកចិត្ត តែងតែទៅរកគ្រូម្នាក់នោះដាក់ស្នេហ៍ឱ្យប្តីស្រឡាញ់ និងវិលមករកខ្លួនវិញយ៉ាងមានប្រសិទ្ធិភាពបំផុត។ ដោយសារតែកំពុងរកគ្រូស្នេហ៍មិនបានផង លុះត្រូវមិត្តភក្តិប្រាប់បែបនេះ គឺពិតជាដូចរកអុសប្រទះចង្ក្រានហ្គាសមែន បន្ទាប់មកនាងក៏បាន ពឹងឱ្យមិត្តភក្តិឈ្មោះលូត ផល្លា នាំទៅកាន់ផ្ទះគ្រូស្នេហ៍ខាងលើ ដែលស្ថិតនៅក្នុងភូមិថ្មគោល២ សង្កាត់ចោមចៅ២ ខណ្ឌពោធិ៍សែនជ័យ។ លុះ ក្រោយពីបានជួបនិយាយរៀបរាប់ដំណើររឿងប្រាប់គ្រូស្នេហ៍ជើងល្អ២នាក់ប្តីប្រពន្ធនោះរួចហើយ មិត្តភក្តិរបស់នាងឈ្មោះលូ ផល្លា ក៏បានត្រឡប់ទៅផ្ទះមុនបាត់ទៅ ដោយទុកឱ្យនាងបាននៅផ្ទះគ្រូនោះតែម្នាក់ឯង។
ស្ត្រីរងគ្រោះ បានឱ្យដឹងទៀតថា បន្ទាប់មកគ្រូស្នេហ៍រូបនោះ និងប្រពន្ធបាននាំនាងជិះរថយន្ត១គ្រឿង ម៉ាកកូរ៉ូឡា ចេញពីផ្ទះគ្រូទៅកាន់ផ្សារត្រពាំងថ្លឹង ហៅផ្សារយាយម៉េវ ដើម្បីទិញសម្ភារៈផ្សេងសម្រាប់ធ្វើពិធីបញ្ចុះស្នេហ៍សារិកាលិនថោង។ លុះទិញសម្ភារៈ បានគ្រប់គ្រាន់ ហើយ ប្តីប្រពន្ធគ្រូស្នេហ៍នោះ ក៏នាំនាងឡើងជិះរថយន្តចេញពីផ្សារវិញ ដោយគ្រូបោករូបនោះគឺជាអ្នកបើកបរ ប៉ុន្តែមិនបានត្រឡប់ទៅផ្ទះវិញទេ បែរជាបើកទៅកាន់ផ្ទះសំណាក់ យីហោ “ពេជ្រលាភ” ដែលមានទីតាំងស្ថិតនៅក្នុងភូមិដំណាក់ធំ៣ សង្កាត់ស្ទឹងមានជ័យ ខណ្ឌមានជ័យ ទៅវិញ ដោយប្រាប់ថា ទៅរៀបពិធីធ្វើកិច្ចនៅក្នុងផ្ទះសំណាក់តែម្តងទៅស្រួលជាង។
ស្ត្រីរងគ្រោះ បានបញ្ជាក់ថា នៅពេលចូលទៅដល់ក្នុងបន្ទប់ផ្ទះសំណាក់ គ្រូស្នេហ៍ជើងល្អរូបនោះ ក៏បានរៀបចំពិធីរបស់ខ្លួន រួចក៏បានបញ្ជា ឱ្យនាងស្រាតសម្លៀកបំពាក់ចេញឱ្យអស់ ចំណែកគ្រូប៉ោងរូបនោះ រួមនឹងប្រពន្ធ ក៏បានស្រាតខោអាវចេញអស់គ្មានសល់ដែរ ដោយគ្រូបាននិយាយ ថា ទាល់តែដោះខោអាវចេញអស់ ទើបស្នេហ៍ជ្រាបចូលសព្វរាងកាយ។ ភ្លាមនោះ គ្រូស្នេហ៍ហេងស៊យ ក៏បានដេកផ្ងារនៅឡើគ្រែពូក បន្ទាប់មក ក៏តម្រូវឱ្យនាងឡើងអង្គុយពីលើ រួចដាក់ប្រដាប់ភេទរបស់គ្រូ បញ្ចូលក្នុងប្រដាប់ភេទនាង ដោយអះអាងថា ជាវិធីបញ្ចូលអាគមដ៏មហាស័ក្តិសិទ្ធ បន្ទាប់មក គ្រូនោះ ក៏បានរំលោភនាងរហូតដល់បានសម្រេច នៅចំពោះមុខប្រពន្ធរបស់គ្រូ ដែលអង្គុយមើលគ្រប់សកម្មភាពគ្មានចន្លោះ ធ្វើឱ្យមុខ ឡើងកំដៅក្រហមស្ទើរឆេះ។
ស្ត្រីរងគ្រោះ បានបញ្ជាក់ទៀតថា ក្រោយពីគ្រូធំជាប្តីបញ្ចូលស្នេហ៍ដល់ក្អែលចេញមកវិញរួចហើយ គ្រូនោះមិនទាន់ឱ្យនាងស្លៀកសម្លៀកបំពាក់វិញឡើយ តែបានបង្គាប់ឱ្យនាងដេកផ្ងារ កន្ធែកជើង រួចក៏ប្រាប់ឱ្យប្រពន្ធរបស់ខ្លួន (ប្រពន្ធគ្រូស្នេហ៍) ដែលស្រាតននលគកដែរនោះ ចូលទៅ បញ្ចូលស្នេហ៍បន្ថែមទៀត តាមរយៈវិធីយកដៃរុកចូលប្រដាប់ភេទរបស់នាង ឱ្យគ្រូអង្គុយមើលវិញម្តង និងបង្គាប់បញ្ជាឱ្យរុកដក ខ្សោយខ្លាំងតាមមាត់គ្រូប្រាប់។ លុះបន្ទាប់ពីពិធីបញ្ចូលអាគមស្នេហ៍ បានបញ្ចប់ហើយ គ្រូប៉ោករូបនោះ បានប្រាប់នាងថា វិធីបញ្ចូលស្នេហ៍ទាំង២វិធីនេះ (រួមរ័ក និងរុកលេងប្រដាប់ភេទ) នេះ គឺស័ក្តិសិទ្ធខ្លាំងណាស់ អាចដាស់វិញ្ញាណប្តីរបស់នាង ឱ្យងាកមកស្រលាញ់ប្រពន្ធវិញយ៉ាងងប់ងល់ តាមបំណងដែល នាងចង់បានមិនខាន។
ស្ត្រីរងគ្រោះ បានបន្ថែមថា ក្រោយពីប្តីប្រពន្ធគ្រូស្នេហ៍ធ្វើកិច្ចបញ្ចូលអាគមឱ្យនាងរួចរាល់ ដោយប្តីជាអ្នករំលោភ ចំណែកប្រពន្ធរុកលេង ប្រដាប់ភេទនាងអស់ចិត្តហើយ ទើបគ្រូជើងល្អនោះ បានដឹកប្រពន្ធ និងនាំនាងចេញពីផ្ទះសំណាក់វិញ រួចបានប្រាប់ឱ្យនាងត្រឡប់ទៅផ្ទះវិញចុះ ចាំពេលណាអាគមសាបរលាប ចាំមកថែមអាគមទៀតនៅពេលក្រោយ ពោលគឺគ្រូនៅតែទទួលស្វាគមន៍ជានិច្ច។ ចំណែកនាងភ្លាមៗនោះ ហាក់មិនបានគិតដល់ថា ត្រូវចាញ់បោកគ្រូនោះឡើយ ព្រោះអារម្មណ៍គិតតែម៉្យាងគត់ គឺធ្វើបែបណាឱ្យតែប្តីស្រឡាញ់ និងបោះបង់ស្រីក្រៅ។ រហូតដល់៥ថ្ងៃក្រោយមក គឺនៅថ្ងៃទី៣១ ខែសីហា ឆ្នាំ២០១៨ ក្រោយពីនាងអង្គុយគិតតែម្នាក់ឯងចុះឡើងៗ ទើបភ្ញាក់ខ្លួនថា ទង្វើរបស់ប្តីប្រពន្ធ គ្រូស្នេហ៍នោះ គឺជាការបាកប្រាស់សោះ ហេតុនេះ ទើបនាងកើតទុក្ខមិនសុខចិត្ត ដាក់ពាក្យបណ្តឹងឱ្យសមត្ថកិច្ចចាប់ខ្លួនទាំងប្តីទាំងប្រពន្ធខាងលើ ដើម្បីនាំយកមកចាត់ការតាមច្បាប់។
ជនសង្ស័យទាំង២នាក់ប្តីប្រពន្ធ ជាគ្រូស្នេហ៍បោកប្រាស់ ត្រូវបានសមត្ថកិច្ចនាំយកទៅធ្វើការសាកសួរ និងរៀបចំកសាងសំណំុំរឿង បញ្ជូន ខ្លួនទៅចាត់ការបន្តតាមនីតិវិធី៕