ភ្នំពេញ ៖ ជនជាឃាតករដៃឆៅម្នាក់ មានឈ្មោះង្វៀង យាំងយីី ហៅអាដំឡូង អាយុ៣៣ឆ្នាំ មានមុខរបរលក់ ដំឡូងចៀន បានធ្វើសកម្មភាពចាប់រំលោភក្មេងស្រីម្នាក់ ឈ្មោះខ.ស.ច អាយុ៤ឆ្នាំ ជាកូនទី៣ក្នុងចំណោមបងប្អូន៤នាក់ (ប្រុស២ ស្រី២) នៅលើផ្ទះគ្មានមនុស្សនៅមួយកន្លែង រហូតដល់បានសម្រេច រួចក៏វាយសម្លាប់យ៉ាងឃោរឃៅ ញាត់សពក្មេងស្រីរងគ្រោះទាំងអាក្រាតកាយចូលទៅក្នុងខាប់ដាក់ទឹកក្នុងបន្ទប់ទឹក កាលពីយប់ថ្ងៃទី២៩ ខែឧសភា ឆ្នាំ២០១៨ នៅចំណុចបន្ទប់ទឹកក្នុងផ្ទះគ្មានមនុស្សនៅមួយកន្លែង ស្ថិតក្នុងភូមិក សង្កាត់ច្រាំងចំរេះទី២ ខណ្ឌឬស្សីកែវ ត្រូវបានតុលាការសម្រេចប្រកាសសាលាក្រមផ្តន្ទាទោស ដោយដាក់ពន្ធនាគារអស់១ជីវិត ពោលគឺនឹងត្រូវជាប់គុករហូតដល់ថ្ងៃស្លាប់។
គួរបញ្ជាក់ថា កាលពីថ្ងៃទី០៥ ខែធ្នូ ឆ្នាំ២០១៨ លោកសេង រិទ្ធី ប្រធានក្រុមប្រឹក្សា ចៅក្រមជំនុំជម្រះ នៃសាលាដំបូងរាជធានីភ្នំពេញ បានប្រកាសសាលក្រមផ្តន្ទាទោស ជនជាប់ចោទឈ្មោះង្វៀង យាំងយី ហៅអាដំឡូង ភេទប្រុស អាយុ៣៣ឆ្នាំ ដាក់គុករហូតដល់ថ្ងៃស្លាប់ ក្រោមបទចោទឃាតកម្ម ដោយមានទារុណកម្មអំពើឃោរឃៅ ឬអំពើរំលោភសេពសន្ថវៈ តាមមាត្រា២០៥ នៃក្រមព្រហ្មទណ្ឌ៕
